දිනන්න ලෑස්‌ති වෙන්න - ජනපති නව ශ්‍රීලනිප සංවිධායකවරුන්ට කියයි.


ඉදිරි පළාත් පාලන මැතිවරණය සඳහා හොඳින් සූදානම් වී එක්‌සත් ජනතා නිදහස්‌ සන්ධානය ජයග්‍රහණය කරවීමට කටයුතු කරන ලෙස ශ්‍රීලනිප නව ආසන සංවිධායකවරුන් සහ දිස්‌ත්‍රික්‌ සංවිධායකවරුන් අමතමින් ජනාධිපති මෛත්‍රිපාල සිරිසේන මහතා පෙරේදා (12 දා) ප්‍රකාශ කර තිබේ.

 නව දිස්‌ත්‍රික්‌ සංවිධායකවරුන් සහ ආසන සංවිධායකවරුන්ට පත්වීම් ලිපි ප්‍රදානය කිරීම නිමිත්තෙන් පෙරේදා (12 දා) රාත්‍රී ජනාධිපති මන්දිරයේ පැවැති උත්සවයේදී ජනාධිපතිවරයා මේ බව පවසා ඇත.

 ඉදිරි මැතිවරණය නව මැතිවරණ ක්‍රමය යටතේ පැවැත්වෙන බැවින් ඒ සඳහා හොඳ අවබෝධයකින් සිට කටයුතු කර පක්‌ෂය සහ සන්ධානය ජයග්‍රහණය කිරීම නව සංවිධායකවරුන්ගේ කාර්යය විය යුතු බවත් ජනාධිපතිවරයා එහිදී ප්‍රකාශ කළේය.

 සියලු පාර්ශව එකතු කරගෙන මැතිවරණයට සූදානම් වීම පක්‌ෂයේ අභිප්‍රාය බවත් බෙදී වෙන් වී කිසිදු පක්‌ෂයකට ජයගත නොහැකි බවත් ජනාධිපතිවරයා එහිදී තවදුරටත් පවසා තිබේ.

පාර්ලිමේන්තුවේ නැති සංවිධායකයන්ට මෛත්‍රිගෙන් ඉල්ලීමක්


ශ්‍රී ලංකා නිදහස් පක්ෂයේ පාර්ලිමේන්තු මන්ත්‍රිවරුන් නොවන ආසන සංවිධායකයන්ට එළැඹෙන පළාත් පාලන මැතිවරණයේදී ප්‍රාදේශීය සභාවලට තරග කරන්නැයි පක්ෂ නායක ජනපති මෛත්‍රිපාල සිරිසේන මහතා ඉල්ලීමක් කොට තිබේ.

Powered by Blogger.