ගෝඨාභය දිවයිනට- සැලසුම වෙනස් වෙයි. : Update - Info Sri Lanka News | Sinhala

ගෝඨාභය දිවයිනට- සැලසුම වෙනස් වෙයි. : Update


හිටපු ආරක්ෂ ලේකම් ගෝඨාභය රාජපක්ෂ මහතා මේ වන විට දිවයිනට පැමිණ ඇති බව වාර්තා වෙයි.

කෙසේ වෙතත් හිටපු ආරක්ෂක ලේකම්වරයා අද (19) පෙරවරුවේ අමෙරිකාවේ සිට මෙරටට පැමිණි විට කටුනායක ගුවන් තොටුපලේ දී ඔහු අත්අඩංගුවට ගැනීමට නියමිත බවට දේශපාලන ආරංචි මාර්ගයන් පවසා සිටිය ද එවැනි සිදුවීමක් වාර්තා වී නොමැත.


රාජ්‍ය මුදල් අවභාවිතා කිරීමේ සිදුවීමක් සම්බන්ධයෙන් සිදුකරනු ලබන පරීක්ෂණයක් සම්බන්ධයෙන් ඔහු මෙලෙස අත්අඩංගුවට ගැනීමට නියමිතව ඇති බව වාර්තා විය.

------------------------------------------------------------------

ගෝඨාභය අත්අඩංගුවට? (UPDATE)

හිටපු ආරක්ෂක ලේකම් ගෝඨාභය රාජපක්ෂ මහතා අද (19) පෙරවරුවේ මෙරටට පැමිණි විට ඔහු අත්අඩංගුවට ගැනීමට නියමිත බව දේශපාලන ආරංචි මාර්ග පවසයි.

කටුනායක ගුවන් තොටුපලේ දී අද උදෑසන මෙලෙස අත්අඩංගුවට ගැනීමට නියමිත බව ආරංචි මාර්ග සඳහන් කරයි.

රාජ්‍ය මුදල් අවභාවිතා කිරීමේ සිදුවීමක් සම්බන්ධයෙන් සිදුකරනු ලබන පරීක්ෂණයක් සම්බන්ධයෙන් ඔහු මෙලෙස අත්අඩංගුවට ගැනීමට නියමිතව ඇති බව වාර්තා වෙයි.

ඩී.ඒ. රාජපක්ෂ අනුස්මරණ ස්මාරකය නිර්මාණය කිරීම සඳහා ශ්‍රී ලංකා ඉඩම් ගොඩකිරීමේ හා සංවර්ධනය කිරීමේ සංස්ථාව මඟින් රුපියල් මිලියන 90 ක මුදලක් වැය කළ බවට ලද පැමිණිල්ලකට අනුව පොලීසිය විමර්ශන කටයුතු ආරම්භ කර තිබේ.

මීට පෙරදී මූල්‍ය අපරාධ විමර්ශන අංශය (FCID) මඟින් මෙම චෝදනාව සම්බන්ධයෙන් ගෝඨාභය රාජපක්ෂ මහතාගෙන් සහ තවත් පුද්ගලයින් කිහිප දෙනෙකුගෙන් ප්‍රකාශ ලබා ගෙන ඇත.

Share on Google Plus