උතුරු මැදට එජාපයෙන් නාලක කොලොන්නේ - ගෝඨා, ෆොන්සේකා ගැනත් කසු කුසුවක්.


එක්සත් ජාතික පක්ෂයේ අභ්‍යන්තර ආරංචි මාර්ග අනුව උතුරු මැද මහ ඇමති අපේක්ෂකත්වය පොලොන්නරුව දිස්තිකයේ නාලක කොලොන්නේ මහතාට හිමිවනු ඇති බව වාර්තා වේ.

කෙසේ නමුත් උතුරු මැද පළාත් සභාව සඳහා මහ ඇමති අපේක්ෂකවරුන් ලෙස එක්සත් ජාතික පක්ෂයේ තවත් පිරිසක් ඇමති ෆීල්ඩ් මාෂල් සරත් ෆොන්සේකා මහතාගේ නමත්, ඒකාබද්ධ විපක්ෂයේ පිරිසක් හිටපු ආරක්ෂක ලේකම් ගෝඨාභය රාජපක්ෂගේ නමත් යෝජනා කර ඇති බවට ද දේශපාලන ආරංචි පැතිර යයි.

20 සංශෝධනය පිළිබඳව ශ්‍රේෂ්ඨාධිකරණ මතය සහ ලබන බදාදාට ඉදිරිපත් වන සංශෝධනය පිළිබඳව පාර්ලිමේනේතුවේ අනුමැතිය ලැබීම හෝ නොලැබීම මත පළාත් සභා තුනක මැතිවරණය පැවැත්වීම සම්බන්ධයෙන් තීන්දුවක් ලැබීමට නියමිතය.

ඒ අනුව සබරගමුව,උතුරුමැද හා නැගෙනහිර පළාත් සභාවල මැතිවරණය පැවැත්වීමට සිදු වුවහොත් ඒ ඒ පක්ෂ වලින් ඡන්ද සටනට ප්‍රබලයන් ඉදිරිපත් කිරීම ගැන මේ වන විට නාම යොජනා ඉදිරිපත් වෙමින් තිබෙන බව වාර්තාවේ.

මේ අතර 1993දී චන්ද්‍රිකා කුමාරතුංග මහත්මිය බස්නාහිර පළාත් සභාවට තරඟ කරමින් ඇතිකළ රැල්ල අනුව මැතිවරණ ජයග්‍රහණ රැල්ලක් ඇති වීම නිසා ගෝඨාභය රාජපක්ෂ මහතා එසේ උතුරු මැද මැතිවරණට යොමු කොට ජයග්‍රහණය කරවිය යුතු බව ඒකාබද්ධ විපක්ෂයේ පිරිසකගේ අදහස වී තිබේ.

සබරගමුවට හේෂා


මේ අතර සබරගමු පළාත් සභාවේ මහ ඇමති අපේක්ෂකයා වශයෙන් පාර්ලිමේන්තු මන්ත්‍රී රක්වාන ප්‍රධාන ආසන සංවිධායක හේශා විතානගේ නම් කොට ඇති බවට ද දේශපාලන ආරංචි මාර්ග සඳහන් කරයි.

රූකාන්ත සහ තරංග කෑගල්ලෙන් සබරගමුවට

එළඹෙන පළාත් සභා මැතිවරණයේ දී සබරගමුව පළාත් සභාවට කෑගල්ල දිස්ත්‍රික්කයෙන් තරඟ වැදීමට ප්‍රකට චරිත දෙකක් ඉදිරිපත්වන බවට Info Sri Lanka News වෙත වාර්තා වේ.

මේ වන විට ඒ සම්බන්ධ මූලික වටයේ සාකච්ජා සාර්ථකව අවසන්වී ඇති බවද අප වෙත ඉතා විශ්වාස කටයුතු ආරංචි මාර්ග වෙතින් දැනගන්නට ලැබී ඇත.

ඒ අනුව එක්සත් ජාතික පක්ෂයෙන් ප්‍රවීන ගායන ශිල්පී රූකාන්ත ගුණතිලක මහතා තරඟවැදීමට නියමිත අතර එක්සත් ජාතික පක්ෂය තුලින් ඔහුට ලැබී ඇති ආරාධනයට මේ වනවිට ඔහු කැමැත්ත පළකර තිබෙන බව ද වාර්තා වේ.

එසේම ඒ පිලිබඳ වැඩිදුර සාකච්ජා මේ වනවිට දෙපාර්ශවය අතර සිදුවන බවද සඳහන් වේ. කෙසේ නමුත් ගුණතිලක මහතා මේ වනවිට ඇමරිකාවේ පදිංචිව සිටි.

ශ්‍රී ලංකා පොදුජන එක්සත් පෙරමුණ යටතේ ඒකාබද්ධ විපක්ෂය නියෝජනය කරමින් හිටපු ප්‍රකට ක්‍රිකට් ක්‍රීඩක තරංග පරණවිතාන මහතා කෑගල්ල දිස්ත්‍රික්කයට තරඟ වැදීමට නියමිත බවත් ඊට අදාල සාකච්ජා, ඒකාබද්ධ විපක්ෂයේ ප්‍රබලයන් සමග පවත්වා ඇති අතර මේ වනවිට ඊට දෙපාර්ශවයේ එකඟතාවය පලවී ඇති බවද වැඩිදුරටත් සඳහන් වේ.


මේ වනවිට පළාත් සභා රැසකටම ප්‍රවීන චරිත රැසක් ඉදිරිපත්වන බවට ආරංචි ලැබෙමින් පවතින අතර සබරගමු පළාත් සභා මැතිවරණය ඉහත තත්ත්වය හමුවේ උනුසුම්වනු ඇති බවද එම දේශපාලන ආරංචි මාර්ග වැඩිදුරටත් සඳහන්කර සිටියි.

Powered by Blogger.