රාජපක්ෂ ආර්යාව මහජන මුදලින් වෙසක් බැලූ හැටි. - Info Sri Lanka News | Sinhala

රාජපක්ෂ ආර්යාව මහජන මුදලින් වෙසක් බැලූ හැටි.


හිටපු ජනාධිපති මහින්ද රාජපක්ෂ මහතාගේ සමයේ පැරිස් නුවර පැවති යුනෙස්කෝ වෙසක් දින සැමරුමට ගිය ශිරන්ති රාජපක්ෂ මහත්මිය ඇතුළු කණ්ඩායම දින තුනකදී රුපියල් ලක්ෂ 250 ක මුදලක් වියදම් කර තිබෙන බව විදේශ කටයුතු අමාත්‍ය මංගල සමරවීර මහතා පාර්ලිමේන්තුවේදී අද (05) පැවසීය.

2014 වසරේ මැයි මස 20 - 24 දක්වා කාලය තුළ ප්‍රංශයේ වෙසක් බැලීමට ශිරන්ති රාජපක්ෂ මහත්මිය සමග 'ඩේසි ආච්චි' ද සහභාගි වී ඇතැයි ඇමතිවරයා සඳහන් කළේය.

ශිරන්ති රාජපක්ෂ මහත්මියගේ සමස්ත වියදම යුරෝ 63945.50 (කාමර වියදම පමණයි) බවත්, දවසක කාමර වියදම - යුරෝ -14500 බවත් පැවසු ඇමතිවරයා, ඩේසි ආච්චිගේ වියදම යුරෝ 6924 බවත්, දවසක කාමර වියදම - යුරෝ -1350 බවත් පැවසිය.

ශිරන්ති රාජපක්ෂ මහත්මියගේ හොටෙල් කාමරයේ මිනි බාර් පාවිචිච්ය සඳහා වියදම යුරෝ 975 ක් ද ඩේසි ආච්චිගේ දුරකථන ගාස්තු සඳහා යුරෝ 1200ක් ද වැයකර ඇතැයි පැවසු ඇමතිවරයා, මේ සමස්ත වියදම දරා ඇත්තේ එදා විදේශ කටයුතු අමාත්‍යාංශය විසින් බව පෙන්වා දුන්නේය.

ජාත්‍යන්තර වෙසක් දිනයක් ලෙස වෙසක් උළෙල සමරන්නට ශ්‍රී ලංකාවට ලැබුණු මෙම අවස්ථාව ඉතා පූජනීය අවස්ථාවක් බවද විදේශ කටයුතු අමාත්‍ය මංගල සමරවීර මහතා සඳහන් කළේය.

එය ලබාගන්නට හැකිවූයේ චන්ද්‍රිකා බණ්ඩාරනායක කුමාරතුංග මහත්මියගේ සමයේ විදේශ කටයුතු අමාත්‍යවරයා ලෙස සිටි ලක්ෂ්මන් කදිර්ගාමර් මහතාගේ උත්සාහයෙන් බව කී ඇමැතිවරයා, වෙසක් පොහෝ දිනයේදී කළු කොඩි එසවීමට බංකොලොත් දේශපාලකයන්ට ඉඩ දෙන්නේ නැතැයි අවධාරණය කර සිටියේය.



Share on Google Plus