Ads Top

Ray Ad

හොංකොං නව නායකත්වයට ප්‍රථම වරට කාන්තාවක්.

හොංකොං හි රාජ්‍ය නායකයා ලෙස තේරීපත් වූ ප්‍රථම කාන්තාව වන කැරී ලැම් චීන බලපෑම් ඔස්සේ බෙදීමට ලක්ව සිටින හොංකොං රාජ්‍යයට ඉක්මන් සහනයක් ලබාදෙන බව ප්‍රතිඥා දී තිබේ.

59 හැවිරිදි ලැම් එරට නව නායිකාව ලෙස තේරීපත් වූයේ 1,200කින් සමන්විත විශේෂ කොමිසමක ඡන්ද විමසීමකිනි. එරට ප්‍රධාන විධායක ධුරය ලෙස සැලකෙන මෙම ධුරය මහජන ඡන්දයෙන් සිදුවන පත්වීමක් නොවන අතර, ඒ සඳහා විශේෂ කොමිසමක් ඡන්දය ලබාදෙයි.

එහිදී, මෙම කොමිසමේ සාමාජිකයන් බහුතරයක් බීජිං පාලනයට හිතවත් පිරිසක් වූ අතර, නව නායිකාවටද බිජිං පාලනයෙන් සහාය හිමිවන බව විදෙස් වාර්තා පවසයි.

චීනයේම කොටසක් වන හොංකොං රාජ්‍යය වෙනමම සීමිත ස්වයං පාලනයක් යටතේ පාලනය වන අතර, එහි රාජ්‍ය නායකත්වය ප්‍රධාන විධායක ධුරයකි.

ඇය සමග තරගයට පිවිසි එරට මුදල් ලේකම්වරයා වූ ජෝන් සැන්ග් වෙත කොමිසමේ වැඩි කැමැත්තක් ඇති බව මුලින් කියවුණත්, එරට හිටපු නියෝජ්‍ය නායිකාවකද වූ ඇයට කොමිසමේ සාමාජිකයන්ගෙන් බහුතර ඡන්දය හිමිවී තිබුණි.

Powered by Blogger.