උතුරේ පුරා විද්‍යාත්මක තැන් සුරකින පියවර.


උතුරු පළාතේ පුරාවිද්‍යාත්මක වටිනාකමින් යුත් ස්ථාන සහ සංස්කෘතික උරුමයන් ආරක්ෂා කිරීමට බන්ධනාගාර ප්‍රතිසංස්කරණ ,පුනරුත්ථාපන,නැවත පදිංචි කිරීම හා හින්දු කටයුතු අමාත්‍යාංශය කටයුතු යොදා ඇත.

ඒ අනුව යාපනය කොටුවේ ඇති පල්ලිය, රැජිනගේ නිවස,ඩෙල්ෆ් දූපතෙහි ඇති ඉපැරණි ආරෝග්‍ය ශාලාව, නගුලේස්වරම් මඩම හා මාවිඩ්ඩපුරම් කන්දසාමි කෝවිල සංවර්ධනය ඒ අතර ප්‍රමුඛ වශයෙන් සංවර්ධනය කරන බව අමාත්‍ය ඩී.එම්.ස්වාමිනාදන් මහතා පවසයි.

තිස්වසරක යුධමය වාතාවරණයෙන් පසුව සැබෑ සංවර්ධනයක් උතුරුකරය සදහා ඇති කිරීම සඳහා වත්මන් රජය කටයුතු යොදා ඇතිබව අනාවරනය කරන අමාත්‍යවරයා මේ වසරේ (2017) ජාතික සංහිදියාව මෙන්ම උතුරුකරයේ ඇති සංස්කෘතික උරුමයන් ආරක්ෂා කිරීම සහ පුරාවිද්‍යාත්මක සිද්ධස්ථාන සංරක්ෂණය කිරීමට විශේෂ පියවර ගෙන ඇතැයිද කියයි.

උතුරු පළාතේ පවතින ජාතික වටිනාකමකින් යුත් ඉපැරණි ස්ථාන සංරක්ෂණය කොට එම ස්ථාන සංචාරකයින් හට නැරඹීමට අවස්ථාව සැලසීමට මෙන් උතුරට ආවේණික උත්සව අවස්ථා සහ සංස්කෘතික අංග සමාජගත කිරීම මෙම ව්‍යාපෘතිය යටතේ ක්‍රියාත්මක වන බව පවසන අමාත්‍යවරයා ඉදිරියේදී සංචාරක ආකර්ෂණය උතුරු කරයට වැඩි වශයෙන් ලබා ගැනීමට අපේක්ෂා කරන බවද කීයයි.

තම අමාත්‍යාංශය යටතේ මේ වසරේ අවසන් කිරීමට නියමිත ව්‍යාපෘතියට අදාළ කාර්යයන් මෙසේය.

ඉපැරණි ගොඩනැගිලි සහ සංස්කෘතික උත්සව පිළිබඳ හඳුනාගැනීම, ඉහළ යෝධවැව ප්‍රදේශය ගවේශනය කිරීම, වඩමාරච්චි ප්‍රදේශය ගවේෂණය කිරීම, සංගිලියන් උද්‍යානයෙහි කැණීම් ආරම්භ කිරීම, කාන්කාරොඩෛ කැණීම් ආරම්භ කිරීම සහ සුවිශේෂී ආවේණික සංස්කෘතික උරුමයන් හදුනා ගැනීම.

Powered by Blogger.