දශ ලක්ෂ 66,000 ක බැඳුම්කර වෙන්දේසියක් අනිද්දා - පර්පෙචුවෙල්ට තහංචි නැහැ. - Info Sri Lanka News | Sinhala

දශ ලක්ෂ 66,000 ක බැඳුම්කර වෙන්දේසියක් අනිද්දා - පර්පෙචුවෙල්ට තහංචි නැහැ.


ශ්‍රී ලංකා මහ බැංකුවේ රාජ්‍ය ණය දෙපාර්තමේන්තුව විසින් රුපියල් දශ ලක්ෂ 66,000 ක භාණ්ඩාගාර බැඳුම්කර නිකුතුවක් අනිද්දා (23) දිනයේ දී කැඳවා තිබේ.

මෙහිදී 2019 වසරේ දී කල්පිරෙන පරිදි රුපියල් මිලියන 9,000 ක සහ 2021, 2024 හා 2026 වසරවල දී කල්පිරෙන අයුරින් රුපියල් මිලියන 19,000 බැගින් වන පරිදි බැඳුම්කර වෙන්දේසිය සඳහා ඉදිරිපත් කෙරෙනු ඇත.

2017 පෙබරවාරි 23 වැනි බ්‍රහස්පතින්දා පෙරවරු 11.00 ට මේ සඳහා ටෙන්ඩර් භාර ගැනීම අවසන් වන අතර ප්‍රාථමික අලෙවිකරුවන්ගෙන් ඊට ලංසු කැඳවා තිබේ.

ශ්‍රී ලංකා මහ බැංකුව විසින් සපයනු ලැබ ඇති විද්‍යුත් ලංසු ඉදිරිපත් කිරීමේ පහසුකම මගින් පමණක් මේ සඳහා ලංසු ඉදිරිපත් කළ යුතු වේ.

ආන්දෝලනාත්මක බැඳුම්කර ගනුදෙනුවකට චෝදනා ලැබ සිටින පර්පෙචුවල් ට්‍රෙෂරීසී ලිමිටඩ් සමාගම ද ඒ අතර සිටී. කෙසේ වෙතත් පසුගියදා පැවති මාධ්‍ය හමුවක දී මහ බැංකු අධිපතිවරයා සඳහන් කර සිටියේ පර්පෙචුවල ට්‍රෙෂරීස් සමාගමේ කටයුතු සීමා කිරීමට ක්‍රියා කළ ඇති බවයි.

මේ අතර මහ බැංකු බැඳුම්කර සිදුවීම සම්බන්ධයෙන් පත්කර ඇති ජනාධිපති කොමිසමේ සාක්ෂි දීම සඳහා මහ බැංකු අධිපතිවරයා අද දින කොමිසම හමුවට කැඳවන ලදී.

Share on Google Plus