නුවන් නිරෝධට මාර්ටින් නිමොලර් හමුවීම


රාජපක්ෂලා උතුරේ ගලාගිය රුධිරයෙන් දකුණේ දේශපාලන බලය පවුලේ දේපලක් බවට පත්කර ගත්තේය. එය නුවන් නිරෝධ අපට වාර්තා කළේ ඒ රට වෙනුවෙන් කළ දේශප්‍රේමී ක්‍රියාවක් ලෙසය. රාජපක්ෂලා දකුණේ මෙන්ම උතුරේ ධවල භීෂණයක් පතුරවන්නට විය. නුවන් නිරෝධ අපට එය වාර්තා කළේ ඒ රට වෙනුවෙන් කළ දේශප්‍රේමී ක්‍රියාවක් ලෙසය. රාජපක්ෂලා සුදුවෑන් ඒවා මිනිසුන් අතුරුදහන් කරන්නට සහ ඝාතනය කරන්නට විය. එය නුවන් නිරෝධ අපට වාර්තා කළේ ඒ රට වෙනුවෙන් කළ දේශප්‍රේමී ක්‍රියාවක් ලෙසය. රාජපක්ෂවරු රටේ හමුදාව පොලිසිය ඇතුළු මිලිටරි යාන්ත්‍රණය සිය බලදේශපාලන අවශ්‍යතා වෙනුවෙන් පාහර අයුරින් යොදවන්නට විය. එය නුවන් නිරෝධ අපට වාර්තා කළේ ඒ රට වෙනුවෙන් කළ දේශප්‍රේමී ක්‍රියාවක් ලෙසය. රාජපක්ෂලා රට තුළ තුච්ඡ අයුරින් ජාතිවාදය සහ ආගමික අන්තවාදය වපුරා බලය රැක ගන්නටකටයුතු කරන්නට විය. එය නුවන් නිරෝධ අපට වාර්තා කළේ ඒ රට වෙනුවෙන් කළ දේශප්‍රේමී ක්‍රියාවක් ලෙසය. රාජපක්ෂලා ප්‍රජාතන්ත්‍රවාදය හකුලා විධායක ජනාධිපති වෙනුවට රජාට අඳින්නට විය. පුතාලා රජ කුමාරයන්ට අඳින්නට විය. එය නුවන් නිරෝධ අපට වාර්තා කළේ ඒ රට වෙනුවෙන් කළ දේශප්‍රේමී ක්‍රියාවක් ලෙසය. රාජපක්ෂලා රටේ ජාතික ධනය නින්දිත අයුරින් හොරකම් කරන්නට විය.එය නුවන් නිරෝධ අපට වාර්තා කළේ ඒ රට වෙනුවෙන් කළ දේශප්‍රේමී ක්‍රියාවක් ලෙසය. මැතිවරණයෙන් පරාජය වූ මහින්ද ගෙදර යාම වෙනුවට උත්සහ කළේ ලේ සෙලවීමකින් හෝ බලය යලි අත්පත්කර ගන්නටය. එය නුවන් නිරෝධ අපට වාර්තා කළේ ඒ රට වෙනුවෙන් කළ දේශප්‍රේමී ක්‍රියාවක් ලෙසය. පරාජයෙන් පසුවවත් රාජපක්ෂලාගේ බල වියරුව අවසන් වුයේ නැත. එය නුවන් නිරෝධ අපට වාර්තා කළේ ඒ රට වෙනුවෙන් කළ දේශප්‍රේමී ක්‍රියාවක් ලෙසය.

අවසානයේ ලොකු බේබිගේ කටු කන කුක්කෙකු නිරෝධව සපා කෑවේය. තල්ලුකර බිම වැටුණු පසු පයින්ද ඇන්නේය. එය නුවන් නිරෝධ අපට වාර්තා කළේ නැත.

ඒ නුවන් නිරෝධට මාර්ටින් නිමොලර් මුණගැසුණු නිසාය. නුවන් මචං අපි කඳවුරු දෙකක... නමුත් මේ වෙලාවේ අපි උඹ එක්ක ඉන්නවා වගේ තක්කඩි ප්‍රකාශ අපි සිදුකරන්නේ නැත. ඒ වගේම නුවන්ට කඳවුරක් ඇතත් අපිට එවැන්නක් නැත. ඒ නිසා අපි කියන්නේ නුවන් නිරෝධට මාර්ටින් නිමොලර් මුණගැහුණු වෙලාවේ කී කතාවය.

අනේ මොට්ට පාල මං කලින් කිව්වා නේද ඒකාධිපති බල වියරුව හමුවේ අපි සේරම එකයි කියලා. උන් අන්තිමට මාව හොයාගෙනත් ආවා. නමුත් උඹ... උඹ මොකද කළේ? උඹ බබෙක් නෙවෙයි. ඒත් උඹ අපිට බබා පාර්ට් එක දැම්මා. රාජපක්ෂගේ හැම පාහර වැඩක්ම රට වෙනුවෙන් ගත් දේශප්‍රේමී ක්‍රියා හැටියට ලිව්වා. ඒ හැම දෙයක්ම සාධාරණීකරණය කළා. ඉතින් නාමල්ගේ කටු කන එකෙක් බොට ගැහුවම අඬන්නේ නැතුව කියපන් අර වෙනදා වගේම "මලහත්වලාමේ ආණ්ඩුවෙන් රාජ කුමාර නාමල් ට තර්ජන තියනවා..ඩයස්පෝරාවෙන් තර්ජන තියනවා... ඒ නිසා අපි වගේ එක කඳවුරේ අයටවත් බේබි ගාවට ලං වෙන්න නොදීම සාධාරණයි. ගහන්න නෙවෙයි තිබුණේ මාව මරණ්න. මොකද රට කියන්නෙ මහින්ද ... රටේ අනාගතය කියන්නෙ නාමල්... ඉතින් රටේ නාමෙන් ගුටිකන එක මට නතින්... මැරෙන එකත් නතින්... මට ගැහුවා නෙවෙයි කටට ජරා කළත් අවුලක් නෑ. රට වෙනුවෙන් රාජපක්ෂලා රජ වෙනවනම් ඕන මගුලක්.

- සංජය ලියනගේ | Sanjaya Liyanage

Share on Google Plus