ජනපති ඇත්තටම ජරාව කෑවාද හෙවත් පැණි වරකා ගහටත් හෙණ පාත් වීම.


මේ දවස්වල බ්ලොග් ළෝකයේ ගිනි ගොඩවල් දෙකක් පත්තු වෙනවාය. දෙකටම පැස්ටෝල් දානා අය බොහෝය. එක ගිනි ගොඩක් ඇවිලුවේ ඉයන් ලින්තොට මහතාය. අනෙක ඇවිලුවේ සුරන් මහත්තයාය. ඉයන් ලින්තොටගේ "සිත්ගත් ගී 16" ට පැස්ටල් දැම්ම උන් බොහෝය. ඒ වාගෙම සුරන් මහතා රට යන්න ගිහින් ඇවිලුන හඳහන් බැලිල්ලේ ගින්නට, පැස්ටෝල් වැක්කෙරුවේ, රසිකලොජි ලියනා රසික මහත්තයාය. මේවා ගැන පෝස්ටුවක් දාන්නෙයි කියා ඉල්ලීම ආවත්, ඒවා ලිවිල්ලක පැත්තක තබා, දැන් ලියන්න වෙලා තියෙන්නේ එකෙක්ගෙන්වත් බේරිලා ඉන්නා බැරි කේස් එකක් ගැනය.

මාතලන් කොන්දේසි විරහිතව යහපාලනයට කඩේ යනවා කියා කට ගත්තා ඉතරය. අද මාතලන්ට ගෙදර ඉන්න විදියක් නැතිය. කොහේවත් යන්න විදියක් නැතිය. හේතුව වෙලා තියෙන්නේ මාතලන්ගේ හිත මිතුරන් අති බහුතරය මහින්ද ආයේ එනකන් බලාගෙන ඉන්නා වහල් බයියන් වීමය. ජනාධිපති තුමා හිටපු ලොක්කාගේ රහස් එලිකරනවා කියා පොර ටෝක් එකක් දීලා බයියන්ගේ පුක බිම ඇනුනා විතරමය. දැන් උන්නැහේට විරුද්ධව චෝදනා එකක් නොව දෙකක්මය.

පළවන එක චතුරිකා සිරිසේන නෝනා ලක්සිරි එපාර්ට්මන්ට් දෙකක් ගත්ත එක ගැනය. එකක් ගත්තා නම් අපිටත් ඔය මක්කා හෝ බයිලයක් ගහලා නිකන් ඉන්න තිබුනාය. ඒ කියන්නේ ඔය බෑන්ක් ලෝන් එකක් හරි තෑග්ගක් හරි හම්බ උනා කියලාය. දැන් අපිටත් එහෙම කියන්න බැරි වෙලා තියෙන්නේ එපාර්ට්මන්ට් දෙකක්ම අරගෙන තියෙනා නිසාය. ඒ නිසා ඒවාට උත්තර බඳිනා එක එතුමාගේ මාධ්‍ය හාල්පාරුවන්ට පවරනවාය.

දෙවන කේස් එක ගැන නම් කිව යුත්තේ මේ ගැන මුලින්ම ලියපු එකා එක්කෝ ඉන්ගිරිසි නොදන්නා එකෙක් විය හැකි බවත්, එහෙම නැත්නම්, හොඳට තේරුනත් මෛත්‍රිපාල සිරිසේන හා යහපාලනය එක්ක මක්කා හෝ එරියස්  එකක් තිබෙනා එකෙක් බවත් කියාය. ඔය සිඩ්නිවල හැරල්ඩ් අයියාගේ උදේ පත්තරේ තියෙනා විස්තරය අනුව අවසානයේ කියන්නේ, මේ චෝදනා පිළිබඳ මෙලෝ දෙයක් මෛත්‍රිපාල උන්නැහේ නොදන්නා බවත්, මේ පරීක්ෂණ සඳහා උන්නැහේ සම්පූර්ණ සහාය දෙන බවත් සඳහන් කලා කියලාය.

ඒත් ලියපු එකා කෙලිය බුල් එක නිසා දැන් හම එකාම හිතන්නේ, මෛත්‍රිපාල මහත්තයාත් ජරාව කෑවා කියලාය. අපේ හරක් කියනා විදියට ගත්තොත් මේක කක්කා කේස් එකක් හා ඩෑම් පූල් කේස් එකක්ය. ඒ කියන්නේ ලෝක බැංකුව අනුමත කලැයි කියනා ප්‍රොජෙක්ට්ස් දෙකක් වන මළ ද්‍රව්‍ය අපහරන ප්‍රොජෙක්ට් එකකට හා කුමක් හෝ වේල්ලක් බැඳීමේ ප්‍රොජෙක්ට් දෙකක් සඳහා මෛත්‍රිපාල උන්නැහේ "පොලිටිකල් ඩොනේෂන්" හෙවත් ජරාවක් කෑවා කියලාය.

ඒත් ලිපියේ කියන්නේ ජරාව කෑ බවක් නොවේ. ජරාව ඉල්ලා සිටි බවකි. එම වාර්ථාවේම පසු තැනක කියන්නේ මෙසේ ඉල්ලා සිටියද, මේ සමාගම් ජරාව දීමේ වැඩවලට අකමැති බවත්. එසේ නොදුන් බව කරණා ලද පරීක්ෂන වලින් හෙලිවූ බවත්ය. කරුණාකර මේ කොටස කිය්වන්න.
// SMEC has confirmed a "request for a political donation", but insists an internal investigation found no donation was made and the firm "continues to fully co-operate with the AFP." //

යහපාලනේට මඩ ගැසීමට කුමක් හෝ අවස්ථාවක් බලා සිටිනා ගොන් බයියන්ටද, මහින්ද එනතෙක් බලා සිටිනා පඩත්තල මාධ්‍යවේදීන්ද මේවා රස කර කර ලියන්නේ වෙන හේතුවක් නිසා නෙමේය. යහපාලන ආන්ඩුවට ප්‍රබල මාධ්‍යවේදීන් පිරිසක් නොමැති බව ඔවුන් පැහැදිලිවම දන්නා නිසාය. යහාපාලන ක්‍රමය අනුව නිහඬව සිටීම හොඳම ක්‍රමය කියා සිතනවා නම්, අපට කියන්න තියෙන්නේ ඒක ගොන්කමේ හොඳම එකෙත් හොඳම එක කියලාය.

මේ කේස් දෙකම වෙලා තියෙන්නේ වර්‍ෂ 2009 යේදි හා 2011 යන වසරවලදීද. ඒ කාලයේ උන් ඇමති විදියට මෛත්‍රිපාල සිරිසේන මහත්තයා මේවාට වග කිව යුතු උනත්, ඒ කාළේ ඇමතිවරු කියා පිරිසක් සිටියේ නැති බවත් උන්නේ පඹයෝ සෙට් එකක් බවත්, ඒ පඹයෝ මහින්දට බැසිල්ට කෙසේ වෙතත් නාමල් බේබි එනකොටත් පුටුවලින් නැගී සිටි බලු කුක්කන් පිරිසක් බවත් හොඳින්ම දන්නා දෙයක්ය. ඒ කියා, උන් ඒ විදියට ඉඳලාත් අම්බානක හොරා කෑ බවත් මහජනයා දන්නවාය. ඔය සිරිසේනගේ රෙද්ද අස්ස්ට රිංගා ගත් සිරි ලංකා කාරයන් අතරේද එහෙව් වාහේලා ඕනා තරම් ඉන්නවා කියාත් මහජනයා දන්නවාය.

මේ ගැන හොඳ උදාහරණයක් මෑතක පැවති කුකුලන් කෙටවීමේ වැඩසටහනකදි දැක ගන්න ලැබුනේය. ඒ සංවාදෙට අපේ රත්තරන් හිටපු ඇමතියාත් ඇවිල්ලා උන්නේය. යු ඇන් පී එකේ හැම මළදානෙටම කෑ ගහන එකෙක් අනික් පැත්තේ ඉඳගෙන ඇහුවේ, වරායට නැව් දෙකක් ගත්ත එකක් ගැනය. රත්තරන් හිටපු ඇමතියා උනාට. ඌ ඒ ගැන හාන්කවිසියක් දන්නේ නැති බව හොඳටම පෙනුනේය. (සම හරක් විට දැනගෙන බබා පාට් එකක් දැම්මා වෙන්නත් පුළුවන්ය.) ඒත් ඩොලර් මිලියන 21 කට ගන්න තිබූ නැව් දෙකක් අරගෙන තිබුනේ එකක් ඩොලර් මිලියන 35 වෙන්නය. ඒ කියන්නේ නැව් දෙකේ පිහිටෙන් කවුරුන් හෝ ඩොලර් මිලියන් 28 කටම අබ සරණ කරලා තියෙනවා කියනා එකය. 

ඉදින් සමහර විට මෙහෙම කේස් එකක් උනා වෙන්නත් පුළුවන්ය. හැබයි ඉතින් ජරාවක් මෙහේ ඇවිත් නැති නිසා බය නැතිව ගේමට සම්බන්ධ උන් ඔක්කෝම එලිකරලා දාන්නත් ඕනාය. ඒ වාගෙම මේක මෙහේ උන් ඔට්ටේලියාවේ උන්ට ගානක් දීලා පත්තරේට දාපු එකක්ද කියලා හොයන්නත් ඕනාය. ඒ වාගෙම හරි කතන්දරේ පත්තරේ තියෙද්දි, වෙන කතන්දරයක් හදලා ලියන කියන උන්ට එරෙහිවත් මක්කා හෝ කල යුතුමය. එහෙම නැත්නම් ඉතින් අපිටත් පොඩි සැකයක් එන එක කීයටවත් වලක්කන්නටත් බැරිය.

කෙසේ වෙතත් අවසානයේදි කිව යුතුව ඇත්තේ, යහපාලනේ මාධ්‍ය මෙහෙයුම නම් මෙලෝ රහක් නැති මල ජරාවක්ය කියලාය. එමෙන්ම මේවා ගැන කට පුක වගහෙන සිටීමෙන් කරන්නේ කේස් එක ඇත්තය කියා සියල්ලන්ටම ඔප්පු කිරීම කියලාය. ඒ නිසා වහාම මේ ගැන දේශීය පරීක්ෂණයක් පවා නිවැරදි කරුණු රටේ ජනතාවට ප්‍රකාෂ කිරීම ජනාධිපති තුමාගේ යුතුකමක් හා වගකීමක් කියලාය.

ඉන්ගිරිසි කියවා තේරුම් ගත හැකි අය වෙනුවෙන් මුල් පුවත් පත් වාර්ථාවෙ ලින්ක් එක මෙතන පල කොරනවාය. කියවා තේරුම් ගන්නා එක ඔහේලාගේ වැඩක්ය.

http://www.smh.com.au/business/australian-companies-linked-to-bribe-scandals-in-sri-lanka-and-congo-20160823-gqyzlp.html

මාතලන් | Maathalan


Share on Google Plus

0 comments:

Post a Comment