'ආදරණිය කතාවක්' වාරණය කරන්න ගිය, තිලංගලාගේ 'පත්තිනි' රෙදි ගලවා ගනී.


මේ දිනවල තිරගත වන ‘ආදරණීය කතාවක්’ චිත‍්‍රපටයට එරෙහිව දුම්කොළ හා මධ්‍යසාර පිළිබඳ පනතේ ප්‍රතිපාදන උල්ලංඝනය වන බව දුම්කොළ හා මධ්‍යසාර පිළිබඳ ජාතික අධිකාරිය සිදුකළ පැමිණිල්ල පි‍ටුපස සිටින්නේ නියෝජ්‍ය කතානායක තිලංග සුමතිපාල මහතා ඇතුලු එම පවුලේ සාමාජිකයන්ගේ සුමති චිත්‍රපට සමාගම බවට මේ වන විට සියළු තොරතුරු හෙළිදරව් වී ඇත.

මෙයට හේතුව වී ඇත්තේ 'පත්තිනි' නමින් එම සමාගම විසින් නිපද වූ චිත්‍රපටය ද මේ දිනවල තිරගත වීම මත ඇතිව තිබෙන තරගකාරිත්වය යැයි දැන ගන්නට තිබේ. මෙම චිත්‍රපට දෙක තිරගතවීම සිනමා මණ්ඩල දෙකක සිදුවන නමුත් සුමතිපාලලා සිය දේශපාලන බලය පාවිච්චි කරමින් 'ආදරණිය කතාවක්' තිරගත වන සී.ඊ.එල් මණ්ඩලයේ සිනමා ශාලාවලටද ඊ ඒඅපී මණ්ඩලයේ තිරගතවන පත්තිනි චිත්‍රපටය රිංගවා ප්‍රදර්ශනය කිරීමය. පසුව ඊට එරෙහිව ආදරණිය කතාවක් නිශ්පාදකයන් කටයුතු කර එම තත්වය වලක්වාගෙන තිබේ.

මේ අනුව එකට එක කිරීමක් ලෙස මේ සුමතිපාල පවුලේ වෛරය ප්‍රදර්ශනය කළේ 'ආදරණීය කතාවක්' චිත්‍රපටය මඟින් දුම්වැටි හා මධ්‍යසාර භාවිතයට පොළඹවන බවට අභූත් චෝදනාවක් නගා ඒ තහනම් කිරීමට උත්සහ කිරීමය. නමුත් 'ආදරණීය කතාවක්' හී ඇත්තේ එම භාවිතයට එරෙහිව වන ප්‍රකාශනයක් සහිත ජවනිකාවක බව ඒ නැරඹුවෙකුට තේරුම් ගත හැක.

කෙසේ නමුත් සුමතිපාල පවුල ඔතාගෙන සිටින සුදු පිරුවට අස්සෙ ඇත්තේ මේවැනි කැත තක්කඩිකම් බව දැන් හෙළිදරව් වී හමාරය. අද දින අත් අඩංගුවට ගත් කොළඹ නාලන්දා විද්‍යාලයේ විදුහල්පතිව දේශපාලන බලය යොදවා නිදහස් කර ගැනීම පි‍ටුපස සිටින්නේද මේ තක්කඩියන්ම දැන ගැනීමට තිබේ.

එමෙන්ම මෙම කැත තක්කඩිකම් ගැන විශේෂ හෙළිදරව් කිරීමක් සිදු කිරීමට 'ආදරණිය කතාවක්' චිත්‍රපටයේ අධ්‍යක්ෂක ප්‍රියන්ත කොළඹගේ, සම නිශ්පාදක චමින්ද ගමගේ, සහය අධ්‍යක්ෂක ඩොනල් ජයන්ත, රංගන ශිල්පීන් වන හේමාල් රණසිංහ , බිමල් ජයකොඩි, උදාරි වර්ණකුලසූරිය එළඹෙන බදාදා දින මාධ්‍ය සාකච්ඡාවක්ද කැඳවා ඇත.

* චිත්‍රපට ප්‍රදර්ශනය කරන මෙරට ඇති සිනමා මණ්ඩල සංඛ්‍යාව පහකි. එනම් ඊ.ඒ.පී. මණ්ඩලය, සිනමා එන්ටර්ටේන්මන්ට් හෙවත් සී.ඊ.එල්. මණ්ඩලය (මෙම මණ්ඩලය සැකසී ඇත්තේ සිනමාස්, සිලෝන් තියටර්ස් සහ ලිබර්ටි සිනමාස් යන සිනමා සමාගම් තුන එකතුවෙනි) රිද්මා මණ්ඩලය (චිත්‍රපට සංස්ථාවට අයත්ය) මූවි ප්‍රොඩියුසර්ස් ඇන්ඩ් ඉම්පෝටර්ස් හෙවත් එම්.පී.අයි. මණ්ඩලය හා ලංකා ෆිල්ම් ඩිස්ට්‍රිබියුටර්ස් හෙවත් එල්.එෆ්.ඩී. මණ්ඩලයයි. මෙහිදී ඊඒපී මණ්ඩලය තනිවත් සී.ඊ.එල්. හා රිද්මා මණ්ඩල ඒකාබද්ධවත්, එම්.පී.අයි. හා එල්.එෆ්.ඩී. මණ්ඩල ඒකාබද්ධවත් සිංහල චිත්‍රපට බෙදහරිනු ලබති.

Share on Google Plus