පාද යාත්‍රාවේ අරමුණ හරීන් කියයි.


ඒකාබද්ධ විපක්ෂ විසින් සංවිධානය කරනු ලබන 'පාද යාත්‍රා' විරෝධතා පාගමන හොරුන් රැක ගැනීම සඳහා ජනතා සහය ලබාගැනීමේ උත්සාහයක් බවට එක්සත් ජාතික පක්ෂය චෝදනා කරයි.

ඩිජිටල් සහ විදුලි සංදේශ කටයුතු පිළිබඳ අමාත්‍ය හරින් ප්‍රනාන්දු එම චෝදනාව එල්ල කළේ සිරිකොත එක්සත් ජාතික පක්ෂ මුලස්ථානයේ පැවති මාධ්‍ය හමුවක් අමතමින්.

ආණ්ඩුවට එරෙහිව පැවැත්වෙන පාද යාත්‍රා විරෝධතා වැඩසටහන ගැන මේ දිනවල දේශපාලන ලෝකයේ කතා බහට ලක්වෙමින් තිබෙනවා,
හිටපු ජනාධිපති මහින්ද රාජපක්ෂගේ ප්‍රධානත්වයෙන් බ්‍රහස්පතින්දා මහනුවර නගරයෙන් ආරම්භ වන පාගමන පිළිබඳව එජාපයේ පැහැදිලි කිරීම පිණිසයි එම මාධ්‍ය හමුව කැඳවා තිබුණේ.

"බෙල්ලට තොණ්ඩුව වැටෙන්න යන කොට, බෙල්ලට තොණ්ඩුව වැටීම වැළකීම සඳහා ජනතාව එකතු කර ගෙන පාරට බැහැලා අනේ අපිව හිරේ දාන්න එපා කියන වැඩේ කරන්නයි ඔය හදන්නේ," ඔහු පැවසීය.


Share on Google Plus