සරමෙන් කලිසමට (Gossip)


බටහිර පන්නෙට හැදුණු ලංකාවෙ හුඟක් දේසපාලුතුමන්ල ටයි කෝට් ගලවල ජාතික ඇඳුමට බැස්සෙ තමන් පොදුජනයාගේ මිනිහෙක් බව රටට පෙන්වන්නයි.

මෙහෙම හුඟදෙනෙක් ටයිකෝට් වලින් ජාතික ඇදුමට බහිද්දි කොළඹ දිසාවෙන් කවුන්සිලේට ගියපු මහත්තයෙක් පහුගිය දවසක මෙතෙක් තමන් දිගටම ඇඳපු ජාතික ඇඳුම ගලවල කලිසමටයි කමිසයටයි බැස්සලු...

පසුගියදාක රට ගිය වෙලාවෙ ඇඳුම් කැඩුම් තියන බෑග් එක නැතිවෙලා මුන්නැහේට ජාතික ඇඳුම වෙනුවට කලිසම් කෝට් අඳින්න වුණ නිසා ඒ පුරැද්දට කලිසමට බැස්සද කියලත් සමහරැ අහන්න පටන් ගත්ත.

කොහොමහරි තමන්ට උලත් එකයි පිලත් එකයි කියන මේ කටකාර මන්තිරිතුමා පසුගියදාක මාධ්‍ය සාකච්ඡාවකට ආවෙත් කලිසම් කමිස ඇඳල... ඒත් මාධ්‍ය හමුවේදී මේ වෙනස ගැන කවුරැත් කතා කළේ නැහැ. නමුත් මාධ්‍ය සාකච්ඡාවෙන් පස්සෙ එතන හිටපු මාධ්‍ය සගයෙක් මුන්නැෙහගෙ කනට කරලා ඇහුවලු මේ ඇඳුමෙ වෙනස ගැන.

එතකොට උත්තර දුන්න උත්තරේ මේකලු... "අනේ මල්ලී මගේ ඇඳුම නම් ප්‍රවෘත්තියක් කරගන්න එපා. මම මේ ගංවතුර ආධාර බෙදන්න යන ගමන් ඉතින් සරම ඇඳන් බෝට්ටුවලට නගින්නයි බහින්නයි ගියාම සරම ගැලවෙන්න බලනවා... ඒකයි මේ ගෙදර තිබුණ පරණ කලිසමකුයි කමිසෙකුයි ඇන්දෙ..." මන්තිරිතුමා කිව්වා. මාධ්‍ය සගය හිනාවෙලා පින්තූරෙකුත් අරන් යන්න ගියා

Share on Google Plus