Ads Top

Ray Ad

සන්දීප හැප්පුවාට, ඇමති චම්පික අදාළ නෑලු?


පසු ගිය දිනෙක රාජගිරියේ ඇතිවූ රිය අනතුර සම්බන්ධයෙන් මහනගර සහ බස්නාහිර සංවර්ධන අමාත්‍ය පාඨලී චම්පික මහතා සැකකරුවෙකු ලෙස නම් කිරීමට ප්‍රමාණවත් සාක්ෂි නොමැති බව කොළඹ රථවාහන මහේස්ත්‍රාත් අධිකරණය විසින් දැනුම්දී තිබේ.

කොළඹ රථ වාහන මහේස්ත්‍රාත් චන්දන කලංසූරිය මහතා අද(29)තම තීන්දුව ප්‍රකාශයට පත්කරමින් කියා සිටියේ අමාත්‍යවරයා සැකකරුවෙකු ලෙස නම්කිරීමට ප්‍රමාණවත් සාක්ෂි නොමැති බව පොලීසිය විසින් අධිකරණයට දන්වා ඇති බවයි.

අදාළ රිය අනතුර සිදුවන අවස්ථාවේදී එම මෝටර් රථය පදවා ඇත්තේ තුසිත කැලුම් කුමාර නමැති රියදුරු බව පොලීසිය විසින් තහවුරු කරගෙන ඇතැයි මහේස්ත්‍රාත්වරයා සඳහන් කළේය.

තමාට බලය ඇත්තේ ඉදිරිපත් කරන කරුණු අනුව තීන්දුව ලබාදීමට මිස සිද්ධිය සම්බන්ධයෙන් පූර්ණ පරීක්ෂණයක් පැවැත්වීමට හැකියාවක් නොවන බව විනිසුරුවරයා පෙන්වා දුන්නේය.

එසේම තමා මෙම තීන්දුව ලබාදෙන්නේ කිසිවෙකුගේ තරාතිරම බලා නොව සාමාන්‍ය පටිපාටියට අනුව බවද මහේස්ත්‍රාත්වරයා මෙහිදී සඳහන් කළේය.

Powered by Blogger.