දිවයින කර්තෘ ජවිපෙන් සමාව අරන්, වීරවංශ පතුරු ගහයි. (Voice)


ජනතා විමුක්ති පෙරමුණට විරුද්ධව ඉරිදා දිවයින පුවත්පත ඊයේ (08) පල කර තිබූ ප්‍රධාන ප්‍රවෘත්තිය සහ විශේෂාංගය සම්බන්ධයෙන් තමා එම පක්ෂයෙන් සමාව ගත්බව ඉරිදා දිවයින කර්තෘ අනුර සොලමන්ස් මහතා කියයි.

ඒ මහතාගෙන් කළ විමසීමකදී ඒ මහතා මේ බව කියා සිටියේය.

එසේම ඔහු සියලුදෙනාගෙන් මේ සම්බන්ධයෙන් සමාව ගන්නා බවද පැවසීය.

“ මම අනුර සොලමන්ස් දිවයින පත්තරේ කර්තෘ...අපි අතින් වරදක් වුණා අපි ඒ ගැන කනගාටුවෙනවා සියයට දාහක්..අපි ඒ ගැන ඔබතුමන්ගෙනුත් සමාව ඉල්ලනවා අපි පක්ෂයෙනුත් සමාව ඉල්ල තියෙනවා.. මේවෙනකොට..අපි ඒ සමාව ඉල්ලීම කනගාටුව පිළිබඳ සියලු දේවල් අපි ලබන ඉරිදා දිවයිනේ..විශේෂයෙන් පලකරනවා පමණක් නෙවෙයි..අපි පක්ෂයට කියල තියෙනවා..සම්පූර්ණ පිටුවක උත්තරයක් ලියල එවන්න කියල අපි ඒක හොඳ ලොකුවට පලකරනවා..නැවතත් ඉල්ලනවා සමාවෙන්න කියල…මම මේකෙ වගකීම බාරගන්නවා..”

වැඩිදුරටත් හඬපටයෙන්,




විමල් වීරවංශ මහතා වැනි අය අදාළ පත්තර කොටස රැගෙනගොස් කුණුමාලු කෑල්ලවගේ මේක කියවන්න පටන් ගතහොත් කුමක් කරන්නේ දැයි ප්‍රශ්නකර සිටි විට සොලමන්ස් මහතා මෙසේ කියා සිටියේය.

“හැබැයි මෙහෙමයි වීරවංශල කියන ඒව සත පහකට ගනන් ගන්නෙ නෑ.. කවුරුත්..ඡන්දයකට එන්න කියන්න බලන්න තනියෙන් මොකද වෙන්නෙ කියල බලන්න..ගෙදර ඡන්ද දෙකතුන ලැබෙයි…ඒ ගොල්ලන්ට නම් තැනක් නෑ මහත්තය..දැන් වීරවංශ කිව්වට කවුද මහත්තයො ගණන් ගන්නෙ..මට කියන්නකො වීරවංශ කියන දේවල් ඉස්සර අපි සැමුවෙල් රොඩ්රිගෝලගෙ විහිලු බලනව වගේනෙ ඔව්වා..ඕව කවුද කියන්නෙ..සත පහකට පිළිගන්නවද වීරවංශ කියන දෙයක්..”

-SLM

Share on Google Plus