මහව සිට තාණ්ඩිකුලම් දක්වා දුම්රිය මඟ ප්‍රතිසංස්කරණය කෙරේ.


උතුරු දුම්රිය මාර්ගයේ දුම්රිය ධාවනය කාර්යක්ෂම කිරීම පිණිස මහව හන්දියේ සිට වවුනියාව තාන්ඩිකුලම් දක්වා වූ දුම්රිය මාර්ගය ප්‍රතිසංස්කරණයට ලක් කිරීමට කටයුතු කර ඇතැයි ප්‍රවාහන හා සිවිල් ගුවන්සේවා අමාත්‍යාංශය පවසයි.

මේ සඳහා ඉන්දියානු ණය සහනාධාර හිමි වන බවත් දේශීය වශයෙන්ද දායකත්වය ලබා දෙන බවත් අමාත්‍යාංශය පවසයි.

මේ ප්‍රතිසංස්කරණ ව්‍යාපාතියත් සමඟම මේ මාර්ගයේ ප්‍රථම වරට වර්ණ සංඥා මඟින් දුම්රිය ධාවනය සිදු කෙරෙනු ඇත. ඒ සමඟම දැනට භාවිත වන ටැබ්ලට් සංඥා ක්‍රමයද ඉවත් වනු ඇත. එසේම දුම්රිය පැයට කිලෝමීටර් 100ක වේගයෙන් ධාවනය කළ හැකි වනු ඇත.

මේ මාර්ගයද මුහුදුබඩ දුම්රිය මාර්ගය මෙන් පූර්ණ ප්‍රතිසංස්කරණය කරනු ලබන හෙයින් ඒ කාලය තුළ මහව සන්ධිය හා තාණ්ඩිකුලම් දක්වා දුම්රිය ධාවනය නොවනු ඇත. කෙසේ වෙතත් පොසොන් සමය මඟහැර මේ ප්‍රතිසංවිධාන කටයුතු ‍සිදු කෙරෙන බවද අමාත්‍යාංශය පවසයි.

මේ ප්‍රතිසංස්කරණ කටයුතුවලට අමතරව උතුරු දුම්රිය මාර්ගයේ පොල්ගහවෙල හා මහව සන්ධිය අතර ද්විත්ව දුම්රිය මාර්ග ඉදි කිරීමට සැලසුම් කර ඇත.


Share on Google Plus