සජින් වාස් නැවතත් පොළොන්නරුවෙන් බිස්නස් පටන් ගනී.


රාජපක්ෂ ආණ්ඩුවේ දුෂිතම ඇමතිවරයෙක්ව සිට මේ වනවිට සියල්ලන්ම පාවාදෙමින් රජයේ සාක්ෂිකරුවෙකු වී සිටින සජින් වාස් ගුණවර්ධන, පසුගියදා පොළොන්නරුව ප‍්‍රදේශයේ හාල් මෝලක් මිලදී ගෙන මේ වනවිට වී බිස්නස් කිරීමට පටන් ගෙන ඇති බව පොළොන්නරුවෙන් වාර්තා වේ.

පෑන් ඒෂියා (PAN ASIA), ලංකා ඔරික්ස් ලීසිං (LOLC) වැනි සමාගම්වලට කෝටි ගණනින් ණය පියවා නැති සජින් වාස් ඔවුන් බලාසිටියදීම කෝටි ගණනක මුදලක් යොදවා මෙම හාල් මෝල මිලදී ගෙන තිබේ.

ඔහු මෙසේ අම්බලන්ගොඩ සිට එක්වරම පොළොන්නරුවට සංක‍්‍රමණය වී ඇත්තේ ජනාධිපති මෛත‍්‍රීපාල සිරිසේන මහතාගේ මළනුවන් වන ඩඞ්ලි සිරිසේන මහතාගේ ඇරයුම පරිදිය. 

තහවුරු නොකළ ආරංචි මාර්ග පවසන්නේ සජින් වාස් ගුණවර්ධනට ඇප ලැබුණේත්, රජයේ සාක්ෂිකරුවෙකු වූයේත් නැවතත් ඇමති ආරක්ෂක සේවාව යටතේ ආරක්ෂකයන් හය දෙනෙකු ලැබුණේත් ජනාධිපති සහෝදරයාගේ අනුග‍්‍රහය යටතේ බවයි.

මොවුන් දෙදෙනා කොළඹ ජයික් හිලටන් හෝටලයේ එකම මහළේ පදිංචිකරුවෝ වෙති.

පසුගියදා ණය අයකර ගැනීම සදහා ඉහත සදහන් සමාගමක ණය අයකර ගැනීමේ නිළධාරීන් සජින් වාස්ව හමු වූවිට ඔහු, ඔවුන්ව එළවාගෙන ඇත්තේ ‘සත පහක් ගෙවන්නෑ, පුලූවන් දෙයක් කරපල්ලා’ යනුවෙන් පවසමිනි.

සජින් වාස්ගේ බිරිදට අයත් වූ ගල්කිස්සේ දේපලක් පසුගිය වසරේදී පෑන් ඒෂියා බැංකුව විසින් රුපියල් මිලියන 160 කට වෙන්දේසි කළ අතර එහිදී ඔවුන්ට අයකර ගතහැකි වූයේ සජින් ලබාගෙන ඇති ණය මුදලින් 10 % කටත් වඩා අඩු ප‍්‍රමාණයකි.

Share on Google Plus