බ්‍රිතාන්‍යයෙන් ලංකාවට ලොකු තෑග්ගක්.


පොදු රාජ්‍ය මණ්ඩල නායක සමුළුව අතරතුර ශ්‍රී ලංකා ජනාධිපති මෛත්‍රීපාල සිරිසේන මහතා සහ බ්‍රිතාන්‍ය අගමැති ඩේවිඩ් කැමරන් මහතා අතර පැවති ද්විපාර්ශ්වික සාකච්ඡාවක දී බ්‍රිතාන්‍යයෙන් ශ්‍රී ලංකාවට යුරෝ ලක්ෂ 66 ක (රුපියල් කෝටි 980ක) ආධාරයක් ලබා දීමට එකග වී ඇතැයි බ්‍රිතාන්‍යයේ ඉන්ඩිපෙන්ඩන්ට් පුවත්පත වාර්තා කරයි.

ආරක්ෂක හමුදා සඳහා අවශ්‍ය පුහුණුව ලබාදීමටත් යුද්ධය හේතුවෙන් විපතට පත්වූ ප්‍රදේශවල ජන ජීවිතය නගා සිටුවීමේ කටයුතු සඳහාත් මේ මුදල ලබාදෙන බව බ්‍රිතාන්‍යය කියයි.

ඩේවිඩ් කැමරන් පවසන්නේ ශ්‍රී ලංකාවේ චිරස්තිථිය සහ ආර්ථික සංවර්ධනය වෙනුවෙන් උපකාරිවිමට බ්‍රිතාන්‍යය දීර්ඝකාලින වැඩසටහනක් ක්‍රියාත්මක කිරීමට අපේක්ෂා කරන බවයි. මේ ආධාර මුදල එහි ආරම්භය බව ද අගමැතිවරයා පවසයි.

Share on Google Plus