මහින්ද පිලේ කචල් - හතරක් ආණ්ඩුවට.


මහින්ද පිල නියෝජනය කරමින් සන්ධානයෙන් තරග කර පාර්ලිමේන්තුවට තේරී පත්වී සිටින මන්ත්‍රීවරුන් සිව් දෙනෙකු ඉදිරි දිනවලදී ආණ්ඩුවට එක්වීමට නියමිත බව වාර්තා වේ.

එම කණ්ඩායමට රාජපක්ෂ පිල නියෝජනය කළ ප්‍රබලයකුද ඇතුළත් වී සිටින බවත් අයවැයට පක්ෂව ඡන්දය ලබා දෙමින් එම පිරිස ආණ්ඩුවට එක්වීමට නියමිත බවත් පැවසේ.

රාජපක්ෂ පිල නියෝජනය කරනු ලබන ප්‍රබලයාට කැබිනට් අමාත්‍ය ධූරයක්ද, අනෙක් තිදෙනාට නියෝජ්‍ය අමාත්‍ය ධූරයක් හා දිස්ත්‍රීක් සම්බන්ධීකරණ කමිටුවල ප්‍රධානත්වයද ලබා දීමට මේ වනවිට ආණ්ඩුව එකඟතාවයකට පැමිණ ඇති බවද වාර්තා වේ.

ඉදිරි පළාත් පාලන මැතිවරණයට තරඟ කිරීම සම්බන්ධයෙන් වීරවංස පාර්ශවය හා ඇති වූ ගැටුමක් මෙම මන්ත්‍රීවරුන් සිව් දෙනා රාජපක්ෂ පිලෙන් ඉවත් වීමට බලපා ඇතැයි පැවසේ. වීරවංස මන්ත්‍රීරයාගේ උත්සාහය වී ඇත්තේ මහින්ද රාජපක්ෂ ප්‍රමුඛව ඉදිරි පළාත් පාලන මැතිවරණයට වෙනම කණ්ඩායමක් ලෙස තරග කිරීමටය. එම උත්සාහයට විරුද්ධ වීමත් සමග ඇති වූ ගැටීමක් මෙම පිරිස ආණ්ඩුවට එක් වීමට හේතු වී තිබේ. ඉදිරියේදී තවත් පිරිසක් මේ ආකාරයට රාජපක්ෂ පිලෙන් ඉවත් වී ආණ්ඩුවට එක් වනු ඇතැයි වැඩිදුරටත් වාර්තා වේ.

Share on Google Plus