'තරුණයන්ට ස්මාට් දුරකථන හා ටැබ් අඩුවට දෙනවා'


ශ්‍රී ලංකාවේ සෑම පවුලකම තරුණ දරුවන්ට ඉතා අඩු මුදලට ස්මාර්ට් ජංගම දුරකථනයක් සහ ටැබ්ලට් පරිගණකයක් ලබාදීමේ විශේෂ ව්‍යාපෘතියක් ඇරැඹීමට නියමිත බව විදුලි සංදේශ හා ඩිජිටල් යටිතල පහසුකම් ඇමැති හරීන් ප්‍රනාන්දු මහතා පැවසීය.

ලංකාවේ ප්‍රධාන රෝහල් සියල්ලම ඩිජිටල් තාක්ෂණය යටතේ පරිගණක ජාලගත කිරීමටත් ඒ හරහා රෝගීන්ට වඩා පහසු සේවාවක් ලබාගැනීමට හැකිවනු ඇති බවත් ඇමැතිවරයා සඳහන් කළේය.

‘ඉ-හෙල්ත් ඒෂියා 2015‘ සමුළුවට එක්වෙමින් ඇමැතිවරයා මේ බව කීවේය.

රජයේ රෝහල්වලින් ප්‍රතිකාර ලබන සියලු රෝගීන්ගේ තොරතුරු ඉලෙක්ට්‍රොනික දත්ත ගබඩාවක තැන්පත් කිරීමටත් රෝගීන් හඳුනා ගැනීම සඳහා ඔවුන්ට තීරු කේතයක් (බාර්කෝඩ්) ලබාදීමටත් කටයුතු කරන බව සෞඛ්‍ය සේවා අධ්‍යක්ෂ ජනරාල් වෛද්‍ය පාලිත මහීපාල මහතාද එම අවස්ථාවට එක්වෙමින් පැවසීය.

Share on Google Plus