ඉන්දු - ශ්‍රී ලංකා පාලමක්.


අමෙරිකානු ඩොලර් බිලියන 5.19 ක මුදලක් වැයවේයයි අපේක්ෂිත ශ්‍රී ලංකාව හා ඉන්දියාව අතර මුහුදු මාර්ගික පාලමක් සහ මුහුදු යටින් උමං මාර්ගයක් ස්ථාපිත කිරීමේ ව්‍යාපෘතියක් පිළිබඳ දෙරට අතර අද (16) සාකච්ඡා කෙරෙනු ඇති බව ඉන්දීය පුවත් සේවා උපුටා දක්වයි.

ඉන්දීය මධ්‍යම රජයේ අමාත්‍ය නිටින් ගද්කාරි සහ මේවන විට ඉන්දියාවේ සංචාරයේ නිරත අග්‍රාමාත්‍ය රනිල් වික්‍රමසිංහ මහතා අතර මේ පිළිබඳ සාකච්ඡා කෙරෙනු ඇති බව සඳහන්ය.

ඉන්දියාවේ ධනුස්කොඩි ප්‍රදේශය හා ශ්‍රී ලංකාවේ තලෙයිමන්නාරම් දූපත යාකරමින් කි.මී 22 න් යුතුව මෙම මුහුදු පාලම හා උමං මාර්ගය නිර්මාණය කිරීම පිළිබඳ මෙහිදී අවධානය යොමුවනු ඇති බව ඉන්දීය පුවත් සේවා අනාවරණය කරයි.

බහු අංශික මූල්‍ය ප්‍රදාන ආයතනයක් වන ආසියානු සංවර්ධන බැංකුව විසින් අ.ඩො බිලියන 8ක පිරිවැයක් බංග්ලාදේශය, භූතානය, ඉන්දියාව, ‍සහ නේපාලය වැනි රටවල මෙවන් සංවර්ධන ව්‍යාපෘති සඳහා යොදා ඇති අතර ශ්‍රී ලංකාව හා ඉන්දියාව අතර වන ව්‍යාපෘතියටද ආසියානු සංවර්ධන බැංකුව එකඟවී තිබේ.


Share on Google Plus

0 comments:

Post a Comment