>

Wednesday, June 29, 2016

NEW

නව මහ බැංකු අධිපති ධුරයට ආචාර්ය නන්දලාල් වීරසිංහ මහතා පත් කිරීමට නියමිත බවට මහ බැංකු ආරංචි මාර්ග පවසයි.

කෙසේ නමුත්, තවමත් අගමැති වරයා සහ ජනාධිපතිවරයා අතර සාකච්ඡාව අවසන් වී නැත.

නව මහ බැංකු අධිපති ආචාර්ය නන්දලාල් වීරසිංහ.

Read More


මුල්‍ය මණ්ඩලයේ විශේෂ හමුවකට සහභාගී වීම සඳහා ජනාධිපතිවරයා මහ බැංකු මුලස්ථානය වෙත ගොස් ඇති බවට වාර්තා වේ.

ඊට අග්‍රාමාත්‍යවරයා ද සහභාගී වීමට නියමිත අතර මහ බැංකු අධිපතිවරයා පිළිබඳව අවසන් තීරණය එහිදී ගැනෙනු ඇත.

ජනපති - අගමැති මහබැංකුවේදී අවසන් සාකච්ඡාව අරඹයි.

Read More


පසු ගිය දිනෙක රාජගිරියේ ඇතිවූ රිය අනතුර සම්බන්ධයෙන් මහනගර සහ බස්නාහිර සංවර්ධන අමාත්‍ය පාඨලී චම්පික මහතා සැකකරුවෙකු ලෙස නම් කිරීමට ප්‍රමාණවත් සාක්ෂි නොමැති බව කොළඹ රථවාහන මහේස්ත්‍රාත් අධිකරණය විසින් දැනුම්දී තිබේ.

කොළඹ රථ වාහන මහේස්ත්‍රාත් චන්දන කලංසූරිය මහතා අද(29)තම තීන්දුව ප්‍රකාශයට පත්කරමින් කියා සිටියේ අමාත්‍යවරයා සැකකරුවෙකු ලෙස නම්කිරීමට ප්‍රමාණවත් සාක්ෂි නොමැති බව පොලීසිය විසින් අධිකරණයට දන්වා ඇති බවයි.

අදාළ රිය අනතුර සිදුවන අවස්ථාවේදී එම මෝටර් රථය පදවා ඇත්තේ තුසිත කැලුම් කුමාර නමැති රියදුරු බව පොලීසිය විසින් තහවුරු කරගෙන ඇතැයි මහේස්ත්‍රාත්වරයා සඳහන් කළේය.

තමාට බලය ඇත්තේ ඉදිරිපත් කරන කරුණු අනුව තීන්දුව ලබාදීමට මිස සිද්ධිය සම්බන්ධයෙන් පූර්ණ පරීක්ෂණයක් පැවැත්වීමට හැකියාවක් නොවන බව විනිසුරුවරයා පෙන්වා දුන්නේය.

එසේම තමා මෙම තීන්දුව ලබාදෙන්නේ කිසිවෙකුගේ තරාතිරම බලා නොව සාමාන්‍ය පටිපාටියට අනුව බවද මහේස්ත්‍රාත්වරයා මෙහිදී සඳහන් කළේය.

සන්දීප හැප්පුවාට, ඇමති චම්පික අදාළ නෑලු?

Read More


මහ බැංකු අධිපත් අර්ජුන් මහේන්ද්‍රන් බ්‍රහස්පතින්දා විශ්‍රාම ගන්නා බව ජනාධිපතිවරයා ගිරාඳුරුකෝට්ටේදී පවසා තිබේ.

එසේම  ඉදිරි පැය කිහිපයේ දී නව බැංකු අධිපතිවරයකු පත් කරන බවත් ජනපතිවරයා වැඩිදුරටත් පවසා තිබේ.

මේ අතර නව මහ බැංකු අධිපතිවරයා වසරක් සඳහා පත්කෙරෙන බව වැඩ බලන මුදල් ඇමැති ලක්ෂ්මන් යාපා අබේවර්ධන මහතා අද පැවැති කැබිනට් තීරණ දැනුම් දීමේ මාධ්‍ය සාකච්ඡාවේදී පැවසීය. 

නව මහ බැංකු අධිපතිවරයා වසරකට පමණයි.

Read More


කිලී මහරාජාගේ කොන්ත්‍රාත් ඉ‍ටුකරමින් සිටින ජනාධිපති සම්බන්ධීකරන ලේකම් දික්කසාද නඩු පිළිබඳ විශේෂඥ නීතිඥ ශිරාල් ලක්තිලක විසින් නඩත්තු කරන 'විනිස' නම් වෙබ් අඩවියක් හරහා තමන්ගේම ප්‍රතිරූපය සුද්ධබුද්ද කර ගැනීමට තරම් ශිරාල් ලක්තිලක බංකොලොත් වී ඇති බව ජනාධිපති කාර්යාලයේ සේවකයෝ පවසා සිටිති. මේවන විට තමන්ව වර්නණාකරන කිසිවකු හෝ නොමැති බැවින් ශිරාල් ඉතා අසරණ තත්වයකට පත්ව තිබෙන බව ඔහුගේ හිතවතියන්ද පවසා සිටිති.

ජනාධිපති කාර්යාල සේවකයන් පෙන්වා දෙන්නේ ශිරාල්ලා මෙතුවක් කල් මේ කාර්යාලයට වී සිදු කරනු ලැබුවේ ජනාධිපතිවරයාගේ ප්‍රතිරූපය කෙලසන කටයුතු බවය. මේවන විට මේ අයගේ කටයුතු හා මේ අයගේ කියුම් අසා කටයුතු කිරීම නිසා ජනාධිපතිවරයාත් රටේ ජෝකරයකු තත්වයට පත් වෙමින් තිබෙන බවය.මේ තොරතුරු ලැබීමෙන් පසුව අප මේ වෙබ් ලිපිය බැලුවෙමු.

ශිරාල් තමන්ගේ වෙබ් අඩවිය මඟින් තමාවම ප්‍රසංසාවට ලක් කර ගැනීම වෙනුවෙන් කිසිදු පදනමක් නැති තොරතුරු ‍රැසක් ඉදිරිපත් කර අනෙක් පිරිසකට මඩ ගසා සතුටක් ලබන්නේ දැයි අපි නොදනිමු.

මේ දිනවල ශිරාල් ‍රැයක් දවාලක් නොමැතිව සිහිනෙන් පවා දොඩවන්නේ මහ බැංකු අධිපතිවරයා මහ පොලව නුහුලන මහා අපරාධයක් වංචාවක් සිදු කර ඇති බවය. ඒ කමක් නැත. ශිරාල් ගේ නන් දෙඩවිලි අප දන්නා කාලයේ පටන්ම තිබූ රෝගී තත්වයකි. එහෙත් ශිරාල් කියපු කිසි දෙයක් හරි ගියේ නැත. කාටවත් තේරුණේද නැත. කොටින්ම තේරුම් ගන්න දෙයක් තිබුණේද නැත. එහෙත් ඒවා ඉහළ සුදුසුකම් නිසාදෝ ශිරාල් අද ජනාධිපතිවරයාගේ සම්බන්ධීකරණ ලේකම් වරයාය. කුරුදු පොලු පහර කෑමෙන් පසුවවත් එම තත්වයන් වෙනස් වෙයැයි අප සිතූ මුත් ඒ සුව කළ නොහැකි තරම් බරපතල තත්වයක් බව පෙනෙන්නට තිබේ.

එහෙත් මෙච්චර කාලයකට තමන් විසින් තමන්වම වර්නණා කර ගන්න තැනට ශිරාල් පත් වූයේ නැත. ඉතිං ශිරාල් පව් කියා කියනවා හැර අපට කියන්නට දෙයක්ද නැත.

කොහොම නමුත් ශිරාල් කියන්නේ, සුපිරිසිදු ශිරාල්ට මඩ ගසන්නේ රනිල් මහින්ද මංගල කල්ලියක් විසිනි. එසේම රනිල්ගේ මඩ ප්‍රචාරක කල්ලිය මංගල විසින් හදා රුවන් විසින් වඩා ඇත. මේ ලිපියේ මංගලගේ පුවත්පතක් ගැනද කියයි. වෙබ් කප්පිත්තන් ගැනද කියයි. මෙයත් හරියට ශිරාල්ගේ දුෂණ විරෝධී කතාන්දර වගේමය. අරූ හොරා මූ හොරා කියනවා මිස කරපු හොරකම මොකක්ද කළේ කොහොමද සාක්ෂි තියෙනවද ඒ ඔප්පු කළ හැකිද මේ කිසිවක් නැත. ඇත්තටම හොරකම වෙලාද කියා කිසිවකු හෝ ශිරාල්ගෙන් හිතවත් කමට ඇසුවොත් කියන්නේ බැලු බැල්මට හොරකම වෙලා වගේ තියෙනවා... දූෂණ විරෝධී හටන වෙනත් අය අතටගන්න තියෙන එක වලක්වලා එක අපේ අතට ගන්නයි අපි මෙවා මුලින්ම කියන්නේ... යනාදී වශයෙන් කතා කිහිපයක් ශිරාල් ලඟ තිබේ. හරියට නමක් ගමක් ඇතිව නිශ්චිත තොරතුරු මත මේ මඩ කතන්දරය ලියැවුනා නම් අපිට ශිරාලුත් සිරා පොරකි. දැන් වගේ මෝඩ ජෝක් ගොබිලෙක් වන්නේ නැත. මඩ ගැසීම ගැන ඉගෙන නොගෙන මේ වගේ ගොන් ජෝක් ලිපි නොලියා ඉන්නවා නම් හොඳය.

මහබැංකු කාතාවත් ඊට වෙනස් නැත. අප මීට කළින් ද පැහැදිලිවම පැවසූ ලෙසම මේ මහ බැංකු අධිපතිවරයාව එලවීමේ කුමන්ත්‍රණය රනිල් විරෝධි කිලි මහරාජාගේ කුණු කොන්ත්‍රත්තුවකි. එතැනින් එහා මෙහි කිසිදු සත්‍යයක් ඇත්තේ නැත. ජවිපේ වැනි මහරාජා හුරතලේට හදා ගන්නා පක්ෂද කරන්නේ මේ ටිකමය. නීතිය තමන්ට අවශය පරිදි අර්ථකතනය කර ගැනීමේ ජිල්මාර්ට් එක මේ යහපානයේ කට්ටිය මේ වන විට ප්‍රගුණ කර ඇති ශිල්පයක් නිසා හෙට දවසේදී ඕනෑම දෙයක් විය හැකිය. එහෙත් යුක්තිය සාධාරණය ඉ‍ටුවන්නෙ නැත.

කොහොම නමුත් ශිරාල් පව්.. වල්ගය නැති ගොනා වගේ...


ශිරාල් විසින් තමන්ගේ වෙබ් අඩවියේ පළ කළ ලිපිය


මංගල හදා රුවන් වඩා දුන් රනිල් වික්‍ර‍මසිංහගේ මඩ ප්‍ර‍චාරක බළකාය මේ දිනවල ජනාධිපති සම්බන්ධීකරණ ලේකම් නීතිඥ ශිරාල් ලක්තිලකව පතුරු ගසනු දැකගත හැකිය. ඒ මහ බැංකු අධිපතිවරයා විසින් මහ දවල් සිදු කරන ලද මහා පරිමාණ මුල්‍ය වංචා රටට හෙළිකොට රනිල් වික්‍ර‍මසිංහගේ මිස්ටර් ක්ලීන් රෙදි ගලවා දැමීම හේතුවෙනි. සුචරිතවාදී රදළ මහත්මා දේශපාලනයේ සළකුණ ලෙස විරුදාවලි ලද අග්‍රාමාත්‍ය රනිල් වික්‍ර‍මසිංහ නාන්නෙ නැති බව හෙළි වුයේ මහ බැංකු අධිපතිවරයාගෙ පැටිකිරිය හෙළිවීමත් සමග ය. එම හෙළිදරව් කිරීම ජනතා අරගලයක් දක්වා කැදවාගෙන යාමට පසුගිය වසරේ ශිරාල් ලක්තිලක සහ චම්පික රණවකගෙ මුලිකත්වයෙන් ආරම්භ කරන ලද දූෂණ විරෝධී පෙරමුණ විශාල කාර්යයක් ඉටු කළ බව රටම දන්නා කරුණකි. රාජපක්ෂවරුන්ගෙ දූෂණ සහ වංචා වැඩිම ප්‍ර‍මාණයක් රටට හෙළි කරන ලද්දේ වර්ථමානයේ උලපනේ සුමංගල හිමියන්ගෙ සභාපතිත්වයෙන් යුතු එම දූෂණ විරෝධී පෙරමුණයි. රනිල්-මහින්ද-මංගල එක්ව ගෙන යන දේශපාලන ව්‍යාපෘතියට දූෂණ විරෝධී පෙරමුණ වැනි සිවිල් සංවිධාන බාධාවක් බවත්, වහාම එවැනි සිවිල් සංවිධාන අඩපන කරන ලෙසට එජාප මඩ බලකායට ඉහළින් උපදෙස් ලැබී ඇත. එකම තැනකින් ක්‍රියාත්මක වන වෙබ් අඩවි කිහිපයක් ශිරාල්ට එරෙහි සංග්‍රාමයක් ආරම්භ කර ඇත්තේ ඊට අනුවය.

ශ්‍රී ලංකා නිදහස් පක්ෂය දෙකඩ කොට එක්සත් ජාතික පක්ෂයට පහසුවෙන් බලයට පත්වීමට පාර කැපීමේ අරමුණ ඇතිව ක්‍රියා කරන ඒකාබද්ධ විපක්ෂය අලුත් පක්ෂයක් පිහිටුවීම හරහා කරමින් සිටින්නෙ රනිල් වික්‍ර‍මසිංහ ලවා තමන් විසින් සිදු කරන ලද මහාපරිමාණ දූෂණ වංචා යට ගසා ගැනීමය. ඊට නිදහස් පක්ෂය පමණක් නොව රටම වුවද පාවාදීමට සුදානම් බව ඒකාබද්ධ විපක්ෂය අගමැතිවරයාට දිවුරා පොරොන්දු වී ඇත. ජනවාරි අට වෙනසට පාර කපන ලද පුරවැසි බලය සහ සාධාරණ සමාජයක් සදහා වු ජනතා ව්‍යාපාරය විසින් පසුගියදා මහජන පුස්තකාලයේ සංවිධානය කරන ලද සම්මන්ත්‍ර‍ණය කඩාකප්පල් කිරීමද පුරවැසියන්ගෙන් නැගෙන දූෂණ විරෝධය යටපත් කිරීමට ගන්නා ලද අසාර්ථක උත්සාහයකි. ඉදිරියේදී රජයට මහත් හිසරදයක් වීමට නියමිත සිවිල් සංවිධාන ජාලය අඩපන කිරීමටත්, එකී සිවිල් සංවිධාන සහ ජනාධිපතිවරයා අතර විරසකයක් නිර්මාණය කිරීමේ වගකීම එජාපයට සම්බන්ධ වෙබ් අඩවි කප්පිත්තෙකුට බාරදී ඇත. පරිනත දේශපාලඥයෙකු වන ජනාධිපතිවරයාට පහරදීම පළක් නොවන නිසාවෙන් කුමන්ත්‍ර‍ණකරුවන්ගෙ ඉලක්කය වී ඇත්තේ ජනාධිපතිවරයාව ආරක්ෂා කරන ශිරාල් ලක්තිලක වැනි අයයි. ඔවුන්ගෙ නියෝජිතයන් ජනාධිපති ලේකම් කාර්යාලය තුළද සිටින බව මංගල සමරවීරට සම්බන්ධ පුවත්පතක්ද වාර්තා කොට ඇත.

මෙලෙස යහපාලන ජාතික ආණ්ඩුව විසුරුවා හැරීමට දරන උත්සාහය පිටුපස මංගල සමරවීරගෙ අගමැති සිහිනයද ඇත. ඊට පසුගිය සමයේ ජනතා විමුක්ති පෙරමුණෙන් සහ පෙරටුගාමී පක්ෂයෙන් ඉවත් වු කිහිපදෙනෙක්ද දරදිය අදිමින් සිටින බව දැනගන්නට ඇත. රනිල් වික්‍ර‍මසිංහ ජනාධිපති පුටුවේ වාඩි කිරීමට ගෙවන මිල ලෙස මංගලට අගමැතිකම ලබා ගැනීමත් සජිත් ප්‍රේමදාස වැනි ගම් මට්ටමේ වැඩ කරන නායකයින් පක්ෂය තුළ කොන් කිරීමත් රනිල්-මහින්ද-මංගල හවුලේ මීළග උප්පරවැට්ටිය යි. අප පසුගිය වසරේ වෙනසකට මුල පුරන ලද්දේ දහසක් බලාපොරොත්තු පෙරදැරිවය. නිදහස හා සමානාත්මතාවය මුලික කොටගත් යහපාලිත සමාජයක් බිහි වනු දැකීම අප සැමගේ අපේක්ෂාව විය. නමුත් දැන් සිදුවෙමින් පවතින්නෙ අප මහන්සියෙන් ගොඩනගන ලද යහපාලන ආණ්ඩුව නපුංසක දේශපාලකයන් විසින් විනාශ කිරීමයි. ඊට ආර්ථික අපහසුකම් සහිත මාධ්‍යකරුවන් කිහිපදෙනෙක්ද සම්බන්ධව ඇති අතර ඔවුන්ට සුලු මුදලක් අතමිට මොලවා සිය හාම්පුතුන්ගෙ විරුද්ධවාදින් පතුරු ගැසීම පවරා ඇත. අවසානයේ රනිල් වික්‍ර‍මසිංහගෙ බල තන්හාව ඔහුව විනාශය කරා රැගෙන යන බව නම් නිශ්චිතය. අප කවුරුත් ආස වන්නෙ අහිංසක රනිල්ට මිස බටලන්ද වධකගාරයේ වයින් බොමින් මිනී මරන දෙස බලා සිටි ඒකාධිපති රනිල්ට නොවේ.

-LankaDaily

පශ්චාත් භාගය කැසීමට පුළුවන් නම්, ශිරාල්ගෙන් රැකියාවක්.

Read More


කොස්ගම, සාලාව යුධ හමුදා කදවුර අනතුරට පත්වීමෙන් විපතට පත්වූ ජනතාවට සහන සැලසීමට ක්‍රියාත්මකකර ඇති වැඩසටහනෙහි ප්‍රගති සමාලෝචන රැස්වීමක් අග්‍රාමාත්‍ය කාර්යමණ්ඩල ප්‍රධානී සහ නීතිය හා සාමය සහ දක්ෂිණ සංවර්ධන අමාත්‍ය  සාගල රත්නායක මහතාගේ සහභාගිත්වයෙන් ඊයේ හංවැල්ල ප්‍රාදේශීය ලේකම් කාර්යාලයේදී පැවැත්විණි.

ඉන් අනතුරුව සාගල රත්නායක මහතා කොස්ගම, සාලාව ප්‍රදේශයේ නිරීක්ෂණයක නිරත විය. ඒ, විපතට පත්වූ ජනතාවට සලසා ඇති සහන කටයුතු නිරීක්ෂණය කිරීමටයි.

මෙහිදී අමාත්‍යතුමන් කොස්ගම රණවිරු ගම්මානයේ මෙන්ම ප්‍රතිසංස්කරණ කටයුතු සිදුකෙරෙමින් පවතින මහජනතාවගේ නිවාස කිහිපයක්ද නිරීක්ෂණය කරනු ලැබීය.

මෙම අවස්ථාවට ආරක්ෂක රාජ්‍ය අමාත්‍ය රුවන් විජේවර්ධන, ගීතාංජන ගුණවර්ධන යන මහත්වරුන් සහ ප්‍රාදේශීය දේශපාලඥයන් පිරිසක්ද සහභාගී වූහ. එමෙන්ම මෙම අවස්ථාවට ප්‍රදේශයේ රාජ්‍ය නිලධාරීන් සහ ආරක්ෂක අංශ නිලධාරීන් ඇතුලු හමුදා කදවුරේ සිදුවීමෙන් විපතට පත්වූ පවුල්වල සාමාජිකයින්ද සහභාගිවී සිටියහ.







සාගලට සාලාව අමතක නොවේ : Photos

Read More


රාජ්‍ය ව්‍යවසාය සංවර්ධන නියෝජ්‍ය අමාත්‍ය ඉරාන් වික්‍රමරත්න මහතා මේ වන විට අරලිය ගහ මන්දිරයේ තීරණාත්මක සාකච්ඡාවකට එක්ව ඇති බව Info Sri Lanka News අරලියගහ මැඳුරේ වාර්තා කරුවන් පවසයි.

ඒ, වැඩබලන මහ බැංකු අධිපති ධුරය සම්බන්ධවයි.

කෙසේ නමුත්, ජන වරමකින් පාර්ලිමේන්තුවට පැමිණි තමන්ට ජනතාව වෙනුවෙන් ඉටු කිරීමට වගකීමක් තිබෙන බවත්, මහ බැංකු අධිපති ධුරය පිළිබඳව තමා කිසිවක් නොදන්නා බවත් රාජ්‍ය ව්‍යවසාය සංවර්ධන නියෝජ්‍ය අමාත්‍ය ඉරාන් වික්‍රමරත්න මහතා ඊයේ පවසා තිබේ.

එමෙන්ම තමා වත්මන් තත්ත්වයට පැමිණියේ රැකියාවක් අතහැර දමා බවත්, නැවත රැකියාවකට යාම අවශ්‍ය නොවන බවත් අමාත්‍යවරයා කීය.

“මම ඒ ගැන මොනවත් දන්නෙ නැහැ. ඒ වගේ ආරාධනයක් ගැන මම දන්නෙත් නැහැ. ඒ වගේම මම රැකියාවක් හොයාගෙන ආවෙ නැහැනේ. මම ජනතාවට සේවය කරන්න ආවෙ තිබුණ රැකියාව අතහැරලා. ජාතික සංවර්ධන බැංකුවේ ප්‍රධාන පුටුවක රැකියාවක් කරපු මම ඒක අතහැරලා ආවේ රැකියාවක් හොයාගෙන නොවෙයි. ඒ වගේම ජනතාව අනුමත කරලා ජන වරමක් දීලා තියෙනවා මට. ඒ නිසා මට වගකීමක් තියෙනවා. මම ඒ වගකීම පැහැර හරින්නේ නැහැ. ඒක ඉටුකරන්න අවශ්‍යයි. ඒ වගේම මහ බැංකුවේ රැකියාව දේශපාලනීකරණයෙන් තොර වෙන්න අවශ්‍යයි. කොහොම වුණත් ජනාධිපතිතුමයි, අගමැතිතුමයි හරි වෙලාවට හරි තීරණය ගන්නවා කියලා මම දන්නවා" යැයි නියෝජ්‍ය අමාත්‍යවරයා ප්‍රකාශ කළේය. 

ඉරාන් මහ බැංකුවට පත්වීම ස්ථිරයි - අරලියගහ මැදුරේ විශේෂ සාකච්ඡාවක්.

Read More



මහා භාණ්ඩාගාර බැඳුම්කර නිකුත් කිරිමේ කරුණ පදනම් කර ගනිමින් පොදු ව්‍යාපාර පිළිබඳ පාර්ලිමේන්තු කාරක සභාවේ (කෝප් ) සාමාජිකයින් අතර බෙදීමක් තිබෙන බව පාර්ලිමේන්තු ආරංචි මාර්ග සඳහන් කරයි.

මහා භාණ්ඩාගාර බැඳුම්කර නිකුත් කිරිම සම්බන්ධයෙන් මහ බැංකු අධිපති අර්ජුන මහේන්ද්‍රන් මහතාට එරෙහිව චෝදනා කරන ක්‍රමවේදය මුල්කර ගනිමින් කෝප් කමිටුවේ මෙම බෙදීම හට ගෙන තිබේ. ‍ කෝප් කමිටුවේ මෙම අර්බුදය හමුවේ පැහැදිලිවම එහි මේ වනවිට ස්ථාවර දෙකක කණ්ඩායම් දෙකක් ක්‍රියාත්මක වන අතර තවත් කණ්ඩායමක් අදාළ ක්‍රියාමාර්ගයේදි මධ්‍යස්ථ පිළවෙතක් අනුගමනය කිරීමටද සුදානම්ව සිටියි.

උද්ගතව ඇති තත්ත්වය හමුවේ ‍කෝප් කමිටුවේ ‍කටයුතු ඉදිරියට පවත්වාගෙන යාම පවා උග්‍ර අර්බුදයක් බවට පත්ව ඇතැයිද වාර්තා වේ.

වත්මන් කෝප් කමිටුවේ මුළු සාමාජික සංඛ්‍යාව සභාපති ජනතා විමුක්ති පෙරමුණේ මන්ත්‍රි සුනිල් හඳුන්නෙත්ති මහතා සමග 26 දෙනෙකි. ආණ්ඩු පක්ෂය නියෝජනය කරන මන්ත්‍රිවරු 12 දෙනකු සිටින අතර එයට අමතරව දෙමළ ජාතික සන්ධානය හා ඒකාබද්ධ විපක්ෂ නියෝජනය කරන මන්ත්‍රිවරු ‍දසදෙනෙකි. ශ්‍රි ලංකා නිදහස් පක්ෂයේ ඇමැතිවරු හතර දෙනෙකු කෝප් කමිටුව නියෝජනය කරති.

ශ්‍රි ලංකා නිදහස් පක්ෂ ඇමැතිවරු හා දෙමළ ජාතික සන්ධාන මන්ත්‍රිවරු මහා භාණ්ඩාගාර බැඳුම්කර නිකුතුව සම්බන්ධයෙන් අවසන් තීරණයකට එළැඹී නැතැයිද වාර්තා වේ. 

බැඳුම්කර කරුණට කෝප් බෙදීමක්?

Read More


අගමැති රනිල් වික්‍රමසිංහ මහතා හා ලංකාදීප පුවත්පත ප්‍රකාශයට පත්කරන විජය නිව්ස් පුවත්පත් ආයතනයේ ප්‍රධානින් අතර සිතල ගැටුමක් හටගෙන ඇතැයි වාර්තාවේ.

අගමැති රනිල් වික්‍රමසිංහ මහතාට සමීප මාධ්‍යවේදියකු වන සුජිත් මංගල ද සිල්වා මහතාගේ සේවා කාලය දීර්ග නොකර, ඔහු 'ලංකාදිප' පුවත්පතින් ඉවත් කිරීම මෙම ගැටුමේ තීරණාත්මක කඩඉමක් බව අගමැති කාර්යාල ආරංචිමාර්ග පවසයි.

විජය නිව්ස් පුවත්පත් ආයතනයේ සභාපති රන්ජිත් විජේවර්ධන මහතා අගමැතිවරයාගේ මෑණියන්ගේ බාල සොයුරාය. ආරක්ෂක රාජ්‍ය අමාත්‍ය රුවන් විජේවර්ධන මහතා, රන්ජිත් විජේවර්ධන මහතාගේ පුත්‍රයෙකි.

රාජපක්ෂ පාලන සමයේ දී රනිල් වික්‍රමසිංහ මහතාට පහරදෙමින්, රාජපක්ෂවරුන් වෙනුවෙන් ඉතා විශාල කාර්ය භාරයක් ඉටුකළ ලංකාදීප පුවත්පතේ කර්තෘ සිරි රණසිංහ, ඉරිදා ලංකාදීප කර්තෘ ආරියනන්ද දොඹගහවත්ත හා දේශය පුවත්පත් කර්තෘ රන්ජිත් ආනන්ද ජයසිංහ යන ජ්‍යෙෂ්ඨ මාධ්‍යවේදීන් තිදෙනා තවදුරටත් එම තනතුරුවල රඳවා ගෙන සිටීම අගමැතිවරයාගේ නොසතුටට හේතුවී තිබු අතර, ඔහු ඒ සම්බන්ධයෙන් රාජ්‍ය ඇමති රුවන් විජේවර්ධන මහතා හරහා තම කනස්සල්ලට මාමණ්ඩිය වෙත දැනුම් දී ඇත.

අවලාද ව්‍යාපාරයක් :

කෙසේවුවද, ඊට යහපත් ප්‍රතිචාරයක් නොලැබුන අතර අනතුරුව සිරි රණසිංහ මහතා ඉලක්කකර ගනිමින් ප්‍රබල අවලාද ව්‍යාපාරයක් දියත්විය.

වෙබ් අඩවි හරහා සිදුවූ මෙම අවලාද ව්‍යාපාරයට රනිල් වික්‍රමසිංහ මහතාගේ සමීප හිතවතුන් වූ දිනිත් චින්තක කරුණාතිලක, සුජිත් මංගල හා අශෝක ජයතුංග යන ලංකාදීප පුවත්පතේ මාධ්‍යවේදීන් සම්බන්ධ බවට ආයතන පරිපාලනය විසින් හඳුනා ගෙන තිබු බව වාර්තාවේ.

මේ අතර වසර 14ක් ලංකාදීප ආයතනයේ මාධ්‍යවේදියකු ලෙස කටයුතු කල සුජිත් මංගල ද සිල්වා මහතාට කොන්ත්‍රාත් පදනමින් ලබාදී තිබු සේවා කාලය අවසන් වූ අතර අගමැති කාර්යාලයේ ඉල්ලීම මත එය මාස 03කින් දීර්ග කර තිබිණ.

එම මාස තුනක සේවා කාලය පසුගිය සතියේ අවසන් වූ අතර ඔහුගේ සේවය තවදුරටත් අනවශ්‍ය බව පරිපාලනය විසින් ලිඛිතව දන්වා තිබේ.

එසේම, මේ වසර අවසනින් පසු අශෝක ජයතුංග මහතාගේ සේවය නිමා කිරීමට ද විජය පුවත්පත් සමාගම තීරණය කර ඇතැයි වාර්තාවේ.

මෙසේ සුජිත් මංගල මහතා සේවයෙන් ඉවත්කර ඇත්තේ, ඔහුව ස්ථිර කාර්ය මණ්ඩලයට අනුයුක්තකරන ලෙස අගමැතිවරයා, රුවන් විජේවර්ධන රාජ්‍ය ඇමතිවරයා හරහා රන්ජිත් විජේවර්ධන මහතා ගෙන් ඉල්ලීමක් කර තිබියදී ය.

එම ඉල්ලීම නොසලකා හැරීම අගමැතිවරයට එල්ලකළ කණේ පහරක් බව අගමැති කාර්ය මණ්ඩල ප්‍රධානීන්ගේ මතය වී තිබේ.

රුවන් ට කැපිල්ලක් ?

මේ අතර, එජාප යොවුන් පෙරමුණේ නායකත්වය ජාඇල එජාප සංවිධායක කාවින්ද ජයවර්ධන මහතාට ලබාදීමත්, ෆීල්ඩ් මාර්ෂල් සරත් ෆොන්සේකා මහතා කැලණිය ආසනයේ එජාප සංවිධායක කිරීමටත් අගමැතිවරයා තීරණය කිරීම, ගම්පහ දිස්ත්‍රීක්කය නියෝජනය කරන රුවන් විජේවර්ධන මහතාට එල්ල කල 'තර්ජනං ගුලියක්' විය හැකි බව දේශපාලන විචාරකයින් පවසති.

එසේම, ගම්පහ නියෝජනය එජාප ආසන සංවිධායකයින් වන ඇමති අර්ජුන රණතුංග, රාජ්‍ය ඇමති රන්ජන් රාමනායක හා පාර්ලිමේන්තු මන්ත්‍රී හර්ෂණ රාජකරුණා යන මහත්වරුන්ට මේවනවිට අගමැතිවරයාගේ විශේෂ අනුග්‍රහයක් හිමිව තිබේ.

තමාට අභියෝග කල එජාපයේ දැවැන්තයකුව සිටි රුක්මන් සේනානායක මහතා දේශපාලන දම්පෙත්තෙන් සදහටම ඉවත් කිරීමට රනිල් වික්‍රමසිංහ මහතා කටයුතු කළේය. රුක්මන් සේනානායක මහතා, රන්ජිත් විජේවර්ධන මහතාගේ බිරිඳගේ වැඩිමල් සොයුරාය.

අගමැති වික්‍රමසිංහ හා ලංකාදීප විජේවර්ධනලා ගැටුමක.

Read More

Tuesday, June 28, 2016


අප විසින් 2016.06.26 දින අනාවරණය කළ පුවත පරිද්දෙන් 'ලංකා පුත්‍ර සංවර්ධන බැංකුවේ' සාමාන්‍යාධිකාරී ධුරය දරමින් එහි වැඩ කටයුතු කඩාකප්පල් කරමින් අත්තනෝමතික ලෙස ක්‍රියා කරන ලද ලසන්ත අමරසේකර මහතාව අද එම ධුරයෙන් ඉවත් කර ඇතැයි වාර්තා වේ.


ඒ මහතා විසින් පසුගිය වකවානුව තුළ සිදු කරන ලද මූල්‍ය අක්‍රමිකතා සාක්ෂි ඇතුව තහවරු වී තිබේ.පසුගිය ජනාධිපතිවරණයේදී මහින්ද රාජපක්ෂ මහතාගේ මැතිවරණ ව්‍යාපාරය සදහා 'ලංකා පුත්‍ර සංවර්ධන බැංකුවේ' මහජනතාවට අයත් මුදල් තමන්ට රිසි සේ භාවිතා කරමින් බැංකුව පාඩු ලබන තත්වයට පත් කර ඇත්තේ ලසන්ත අමරසේකර මහතා බවට පවත්වන ලද පරීක්ෂණ වලදී තහවරු වී තිබේ.


ජාතික සේවක සංගමයේ වෘත්තීය සමිති සාමාජිකයින්ගෙන් චේතනාන්විතව පළි ගැනීම් සිදු කරන ලද බවත් එහිදී ඔප්පු වී තිබේ.එමෙන්ම වත්මන් ලංකා පුත්‍ර සංවර්ධන බැංකු සභාපතිවරයාට සහ නීති උපදේශකවරයාට නීතියට අනූව බැංකුව පවත්වාගෙන යාමට ඉඩ නොදී සාමාන්‍යාධිකාරී වරයා හිතුවක්කාර ලෙස ක්‍රියා කරන ලද බවට වෘත්තීය සමිති රැසක් ලසන්ත අමරසේකරට එරෙහිව පෙනී සිටියි.


-ඉෂාර ලක්මිණ

රාජ්‍ය බැංකුවක් කෙළසූ ලොක්කා දොට්ට.

Read More


ද්‍රවිඩ ජාතික ව්‍යාපාරිකයෙකුගෙන් රුපියල් මිලියන 30 ක මුදලක් බලෙන් ලබාගැනීමේ චෝදනාව යටතේ ඊයේ (27) රහස් පොලීසිය විසින් අත්අඩංගුවට ගෙන උසාවියට ඉදිරිපත් කොට, ජුලි මස 05 වැනිදා දක්වා රිමාන්ඩ්භාරයට පත්කරන ලද විදේශ කටයුතු අමාත්‍යංශයේ හිටපු අධීක්ෂන මන්ත්‍රී සජින් වාස් ගුණවර්ධන බේරාගැනීම සඳහා එජාපයේ 'දකුණුලකේ අග නගරේ' ඇමතිවරයෙකු දැඩි උත්සාහ දරා ඇති බව සිරිකොත ආරංචි මාර්ග සඳහන් කර සිටී.

මෙම ඇමතිවරයා ඊයේ සජින් වාස් ගුණවර්ධන රහස් පොලීසියට ගිය අවස්ථාවේ සිට පොලිස්පතිවරයා ඇතුළු ඉහළ නිළධාරීන් රැසකට දුරකතන ඇමතුම් ලබාදෙමින් 'මොන විදියකටවත් සජින්ව උසාවි දාන්න එපා. කටඋත්තරයක් අරන් යන්න අරින්න' යනුවෙන් බලපෑම් කොට තිබේ.

ඊට පැහැදිලි පිළිතුරක් දී ඇති පොලිස්පතිවරයා පවසා ඇත්තේ 'මම රහස් පොලිසියේ වැඩවලට ඇඟිලි ගහන්නෙ නෑ. ඒ අය හරිදේ කරාවි' කියාය. 

මෙම ඇමතිවරයාම මෑතකාලයේදී දූෂණ චෝදනාවලට ලක්වූ රාජ්‍ය නිළධාරියෙකු තම අමාත්‍යංශයට පත්කර ගැනීම සම්බන්ධයෙන් දැඩි විවේචනවලට භාජනය වූ අයෙකි.

සජින්ව බේරගන්න හැදූ දකුණේ ඇමති කවුද?

Read More


සංවර්ධන ලොතරැයි මණ්ඩලයේ සභාපතිවරයා ලෙස සේවයේ යෙදී සිට එම මණ්ඩලයට කුලී පදනම මත වාහන ලබා ගනිමින් රුපියල් හය ලක්ෂ තිස් දහසක මුදලක් වංචා කළැයි චෝදනා ලැබූ හිටපු පාර්ලිමේන්තු මන්තී‍්‍ර සරණ ගුණවර්ධන මහතා සම්බන්ධ අල්ලස් නඩු නවයකට අදාළ නඩු විභාගය ලබන අගෝස්තු මස 23 වැනිදා කැදවීමට කොළඹ අතිරේක මහේස්ත‍්‍රාත් අරුණී ආටිගල මහත්මිය අද (28) නියෝග කළාය.

කොළඹ ප‍්‍රධාන මහේස්ත‍්‍රාත් ගිහාන් පිලපිටිය මහතා විසින් ඉකුත් මැයි මස 05 වැනිදා නිකුත් කළ නොතීසියක් ප‍්‍රකාරව හිටපු පාර්ලිමේන්තු මන්තී‍්‍රවරයා අධිකරණයේ පෙනී සිටියේය.

2006 ජනවාරි 01 වැනි දා සිට ජූලි 31 වැනි දා අතර කාලය තුළදී සංවර්ධන ලොතරැයි මණ්ඩලයේ සභාපතිවරයාව සිටිමින් සමරසිංහ අත්තනායක ලියනගේ පේ‍්‍රමරත්න යන අයට වාසියක් සැලසීමේ චේතනාවෙන් ඩබ්ලිව්.පී.ජී.එන්. 1353 දරන වාහනය කුලී පදනම යටතේ සංවර්ධන ලොතරැුයි මණ්ඩලයට ගැනීමට අවශ්‍ය කටයුතු කර එයින් රුපියල් 235, 000.00 ක මුදලක් ලබාදීමට කටයුතු කර අල්ලස් පනතේ 70 වන වගන්තිය ප‍්‍රකාරව දූෂණය නම් වරදක් සිදුකර ඇතැයි අල්ලස් කොමිසම මගින් චෝදනා තුනක් යටතේ නඩු පවරා තිබිණ.

දෙවැනි චෝදනාව ලෙස සදහන් කර ඇත්තේ ජයසූරිය ආරච්චිගේ සූනීතා ජයසූරියගේ වාහන කුලිය වශයෙන් රුපියල් 80,000 ක් ලබාදීමට කටයුතු කිරීමයි. තෙවැනි චෝදනාව ලෙස දක්වා ඇත්තේ තවත් වාහන දෙකක් සදහා රුපියල් 315,000ක කුලියක් ලබාදිමයි.

සරණ නඩු 9කින් අසරණ වෙයි.

Read More


පසුගිය රජය පැවති සමයේ දී පානම වැසියන් බලහත්කාරයෙන් ඉවත් කර නීති විරෝධීව අත්පත් කර ගත් ඉඩම් නැවත ලබා දෙන මුවාවෙන් අමාත්‍ය දයා ගමගේ මහතා විසින් එම ඉඩම් මහ පරිමාණ හෝටල් ව්‍යාපෘතියක් සඳහා යොදා ගැනීමට සූදානම් වේ.

එ් සඳහා පළමු පියවර වශයෙන් අවතැන් වූ ජනතාව අලි මංකඩක පදිංචි කිරීමට අමාත්‍යවරයා විසින් පසුගිය 11 වන දා මුල්ගල තැඹින. මෙම මුල්ගල තැඹුනේ වන සංරක්ෂණ දෙපාර්තමේන්තුවට අයත් රදැල්ල වනාන්තරයේ නාවුල්ල වැව ආශි‍්‍රතව ය. වනාන්තර අක්කර 150 ක් එළිපෙහෙළි කර නිවාස 300 ක් තැනීම සඳහා මෙම මුල්ගල තැඹීම සිදු කර ඇත්තේ නීති විරෝධී ලෙස ය. අවතැන් වූ ජනතාව අලි මංකඩක පදිංචි කර එම ජනතාවගේ ඉඩම් තම ව්‍යාපාරික කටයුතු සඳහා යොදා ගැනීමට තරම් මෙම අමාත්‍යවරයා නින්දිත ලෙස කටයුතු කිරීමෙන් පෙනී යන්නේ වත්මන් රජයේ අමාත්‍යවරුන්ගේ සැබෑ නිරුවතයි.

එපමණක් නොව පානම ජනතාව වෙනත් ප‍්‍රදේශයක පදිංචි කිරීම හෝ මුල් පදිංචිකරුවන්ගේ ඉඩම් හෝටල් ව්‍යාපෘතියක් සඳහා භාවිතා කිරීමට කිසිදු අයිතියක් දයා ගමගේ මහතාට නොමැත. වන සංරක්ෂණ දෙපාර්තමේන්තුවට අයත් රජයේ වනාන්තර ඉඩමක ජනතාව පදිංචි කිරීම සඳහා තීන්දු තීරණ ගැනීමේ අයිතියක් ද ගමගේ අමාත්‍යවරයාට නැත. ඔහු සිදු කර ඇත්තේ තම අමාත්‍යධූරයේ බලය අයුතු ලෙස භාවිතා කිරීමකි.

වන සංරක්ෂණ ආඥ පනත යටතේ පාලනය වන වනාන්තරයක ජනාවාස පිහිටුවීම සඳහා මුල්ගල තැඹීම නීති විරෝධී කි‍්‍රයාවක් වන අතරම මෙම නිවාස ව්‍යාපෘතිය දයා ගමගේ අමාත්‍යතුමන් කි‍්‍රයාත්මක කිරීමට උත්සාහ දරන්නේ ලංකාවේ කි‍්‍රයාත්මක අණ පනත් ගණනාවක් උල්ලංඝනය කරමිනි.

2009 අංක 65 දරණ පනතින් අවසන් වරට සංශෝධිත 1907 අංක 06 දරණ වන සංරක්ෂණ ආඥා පනතේ 20 වන වගන්තියට අනුව රජයට අයත් වනාන්තරයක් එළි පෙහෙළ කිරීම, ශාක කපා ඉවත් කිරීම, මාර්ග සකස් කිරීම, ස්ථීර හෝ තාවකාලික ගොඩනැගිලි ඉදිකිරීම, ඒවායේ පදිංචි වීම, වගා බිම් ස්ථාපිත කිරීම නීති විරෝධී ක‍්‍රියාවකි. එවන් නීති විරෝධි ක‍්‍රියාවල නිරතව සිටින පුද්ගලයෙකු පමණක් නොව ඒ ස`දහා අධාර හෝ අනුබල ලබාදෙන පුද්ගලයෙකු ද වරදකරුවකු වේ. එවන් ක‍්‍රියාවක නිරතවන පුද්ගලයකු වරෙන්තුවක් නොමැතිව අත්අඩංගුවට ගෙන මහේස්ත‍්‍රාත් අධිකරණයකට ඉදිරිපත් කළ හැකි අතර එහි දී වරද කරුවකු කරණු ලැබූ විට වසර 2 ක් නොයික්මවන කාලයක් ස`දහා බන්ධනාගාර ගත කිරීමක් හෝ රුපියල් 5000 ත් 50000 ත් අතර දඩයකට හෝ මේ දෙකටම යටත් කළ හැකි ය. ඊට අමතර ව වනාන්තරයට සිදු කරන ලද හානිය ස`දහා අධිකරණය ම`ගින් නියම කරණ දඩයකට ද යටත් කළ හැකි ය.

වන සංරක්ෂණ දෙපාර්තමේන්තුවට අයත් වනාන්තරයක අලූතින් ජනාවාස පිහිටුවීම සඳහා මුල්ගල් තබමින්, වනාන්තරය මැනීම් කර එළිපෙහෙළි කිරීමට සැරසෙන දයා ගමගේ මහතාට එරෙහිව මෙම නීතියට අනුව වන සංරක්ෂණ දෙපාර්තමේන්තුව අධිකරණ කි‍්‍රයාමාර්ග නොගන්නේ කුමන හේතුවක් නිසා ද යන්න ගැටළුවකි. මින් පෙනී යන්නේ නීතියේ ආධිපත්‍යය දයා ගමගේ අමාත්‍යතුමන්ට යට වී ඇති බව ය.

1980 අංක 47 දරන සංශෝධිත ජාතික පාරිසරික පනතේ 23ප වගන්තියට අනුව ප‍්‍රකාශිත 1993 ජුනි 24 දින අංක 772/22 දරන ගැසට් නිවේදනයට අනුව හෙක්ටයාර එකකට වඩා වැඩි වනාන්තර ප‍්‍රදේශයක් එළි පෙහෙළි කර යම් සංවර්ධන ව්‍යපෘතියක් සඳහා යොදා ගැනීමට ප‍්‍රථමයෙන් හෝ පවුල් 100 කට වැඩි ප‍්‍රමාණයක් එක වර පදිංචි කිරීමේ ව්‍යාපෘතියක් කි‍්‍රයාත්මක කිරීමට ප‍්‍රථමයෙන් පරිසර බලපෑම් ඇගයීම් ක‍්‍රියාවලියට යටත් ව පූර්ව ලිඛිත පාරිසරික අනුමැතිය ලබා ගත යුතු ය. එවන් කිසිදු අනුමැතියකින් තොරව නිවාස ව්‍යාපෘතිය සඳහා මුල්ගල තැඹීමට එරෙහිව කටයුතු කිරීමේ හැකියාවක් මධ්‍යම පරිසර අධිකාරියට ඇත. නමුත් මධ්‍යම පරිසර අධිකාරිය ද තවම නිහඬය.

1940 අංක 09 දරණ සංශෝධිත පුරාවස්තු ආඥා පනතේ 23අ සහ 47 වන වගන්තිවලට අනුව ප‍්‍රකාශිත 2000 ඔක්තෝම්බර් 04 වන දින අංක 1152/14 දරණ ගැසට් නිවේදනයට අනුව පවුල් නැවත පදිංචි කිරීමට ප‍්‍රථම, හෙක්ටයාර දෙකකට වඩා වැඩි භූමි ප‍්‍රදේශ එළි පෙහෙළි කිරීමට ප‍්‍රථම හා පදිංචිය ස`දහා නිවාස සංකීර්ණ ඉදිකිරීමට ප‍්‍රථම පුරාවිද්‍යා හානි ඇගයීමක් සිදු කර ඒ ස`දහා අනුමැතිය ලබා ගත යුතු ය. නමුත් එවන් අනුමැතියකින් තොරව පානම නිවාස ව්‍යාපෘතිය සඳහා දයා ගමගේ අමාත්‍යතුමන් තම අභිමතය පරිදි මුල්ගල තබා ඇති නමුත් ඊට එරෙහිව පුරාවිද්‍යා දෙපාර්තමේන්තුව ද මේ වන තුරුත් කිසිදු ක‍්‍රියාමාර්ගයක් ගෙන නොමැත.

මෙවර ජනාධිපතිවරණයේ දී ”මෛති‍්‍ර පාලනයක් ස්ථාවර රටක්” මැයෙන් ඉදිරිපත් කළ වත්මන් ජනාධිපතිතුමන්ගේ ප‍්‍රතිපත්ති ප‍්‍රකාශනයේ සොබා දහම රැුක ගැනීම කොටසෙහි සඳහන් වන්නේ සංවර්ධන වැඩසටහන් වල සංකල්පිත අවධියේ දීම පාරිසරික බලපෑම් ඇගයීම අනිවාර්යය කරන බව යි. නමුත් පානම නිවාස ව්‍යාපෘතිය කි‍්‍රයාත්මක කිරීමට මුල්ගල තැඹීමට ප‍්‍රථමයෙන් කිසිදු ආකාරයක පරිසර බලපෑම් ඇගයීමක් සිදු කර නොමැත. මින් පෙනී යන්නේ ජනාධිපතිවරණයට ප‍්‍රථම ජනතාවට ඉදිරිපත් කළ වත්මන් ජනාධිපතිතුමන්ගේ ප‍්‍රතිපත්ති ප‍්‍රකාශනය එ් ආකාරයෙන් කි‍්‍රයාත්මක නොකර ජනතාව මුලා කිරීමට පමණක් භාවිතා කළ ලේඛනයක් බවට පත්වී ඇති බව ය.

මෙවර මහ මැතිවරණයේ දී වත්මන් රාජ්‍ය බලය හිමි එක්සත් ජාතික පක්ෂය ඉදිරිපත් කළ ”මාස 60 කින් අලූත් රටක් හදන පංච විධ කි‍්‍රයාවලියට” අනුව අලි – මිනිස් ගැටුම පාලනයට කි‍්‍රයාමාර්ග ගන්නා බව සඳහන් කර ඇත. නමුත් පානම නිවාස ව්‍යාපෘතිය හරහා සැලැසුම් කරන්නේ අලි – මිනිස් ගැටුම තවදුරටත් වර්ධනය කිරීමකි.

ප‍්‍රතිපත්ති ප‍්‍රකාශන වල කුමන සාධනීය කරුණු ඇතුළත් වුව ද කි‍්‍රයාත්මක යාන්ත‍්‍රනය තුළ දී එ් සියල්ල නොතකා හැරීම රටක විනාශයට හේතු වේ. මින් සිදු වන්නේ ජනතාව මුලා කිරීම පමණක් නොවේ. එ් හරහා රටේ ස්වාභාවික සම්පත්, අනාගත පරපුර ඇතුළු සමස්ථය බිඳ වැටීමට ලක් වීම ය. තාවකාලිකව බලයට පත් වන රජයක මැති ඇමතිවරුන්ට තම අභිමතය පරිදි මෙවන් විනාශ සිදු කිරීමට කිසිදු අයිතියක් නොමැත.

රටේ කි‍්‍රයාත්මක අණ පනත් උල්ලංඝනය කිරීම පමණක් නොව පෙබරවාරි මස කැබිනට් මණ්ඩලය ගත් තීන්දුව ද උල්ලංඝනය කරමින් මෙම නිවාස ව්‍යාපෘතිය කි‍්‍රයාත්මක කිරීමට හා පානම ජනතාවගේ ඉඩම් මහ පරිමාණ හෝටල් ව්‍යාපෘතියකට යොදා ගැනීමට දයා ගමගේ අමාත්‍යවරයාට හැකියාව ලැබී ඇත්තේ කුමන බලවේගයක් මත ද යන්න ගැටළුවකි.

යහපාලනය රට තුළ ස්ථාපිත කිරීමට කටයුතු කරන බව සඳහන් කරමින් දයා ගමගේ වැනි යහපාලනයේ නියමුවන් උත්සාහ දරන්නේ සූක්ෂමව ජනතාවගේ ඉඩම් කොල්ලකමින් තම ව්‍යාපාර තර කර ගැනීමට ය. මෙවන් කි‍්‍රයා දෙස මෛති‍්‍රපාල සිරිසේන ජනාධිපතිතුමන් හා රනිල් වික‍්‍රමසිංහ අගමැතිතුමන් නිහඬව බලා සිටීමෙන් අපට පෙනෙන්නේ ජාවාරම්කරුවන්ට රිසිසේ කටයුතු කිරීමට ඉඩ දී ඔවුන් ද මුණිවත රකින බවය.

නමුත් රටේ ජනතාව බලාපොරොත්තු වූයේ නැවත වරක් මෙවැනි තත්ත්වයකට රට පරිවර්තනය වීමක් නම් නොවේ. බලය ලබා ගත් දයා ගමගේ වැනි අමාත්‍යවරුන්ට අමතක වී ඇත්තේ ඔවුන් වර්තමානයේ පරිවර්තනය වෙමින් සිටින ආකාරයෙන් ම අප රට තුළ හැසුරුණු, රටේ සම්පත් කොල්ල කෑමේ යෙදුණු පිරිසක් ජනතාව විසින් පලවාහැර වත්මන් රජය බලයට පත් කළ බව ය. තවදුරටත් යහපාලන රජය ද මේ ආකාරයෙන් ජනතාව පීඩනයට ලක් කරමින් කටයුතු කිරීමට සූදානම් වුවහොත් කෙටි කලකින් ම මෙම රජයේ ඉරණම ද තීන්දු වනු ඇත.

පානම ප‍්‍රදේශයේ ජනතාවට අයත් ඉඩම් නැවත වරක් බලහත්කාරයෙන් දයා ගමගේ මහතා අත්පත් කර ගැනීමට සැරසෙන්නේ දණ්ඩ නීති සංග‍්‍රහයේ 372 වෙනි වගන්තිය උල්ලංඝනය කරමිනි. එම වගන්තියට අනුව යම් දේපලක් යම් තැනැත්තෙකුට පාඩු සිදු කරමින් හෝ බියකර ලබා ගැනීම බලෙන් ලබා ගැනීමකි. එවන් කි‍්‍රයාවක නිරත වූ පුද්ගලයෙකු අවුරුදු 3 ක් දක්වා කාලයක බන්ධනාගාර ගත කිරීමකට හෝ දඩයකට හෝ මේ දඩුවම් දෙකට ම යටත් කළ හැකි ය.

ශ‍්‍රී ලංකා ප‍්‍රජාතාන්ත‍්‍රික සමාජවාදී ජනරජයේ ආණ්ඩුක‍්‍රම ව්‍යවස්ථාවේ මුලික අයිතිවාසිකම් යටතේ දැක්වෙන 14 වන වගන්තියට අනුව නිත්‍යානුකූල රැුකියාවක, වෘත්තියක, කර්මාන්තයක නිරතවීමේ නිදහස හා ශී‍්‍ර ලංකාව තුළ අභිමත ස්ථානයක වාසය කිරීමේ නිදහස ජනතාවට තිබිය යුතු ය. පසුගිය රජය පැවති සමයේ එසේ අහිමි කළ නිදහස පසුගිය වසරේ දී ජනාධිපතිතුමන්ගේ හා අගමැතිතුමන්ගේ මැදිහත්වීම මත 2015.02.11 වන දින කැබිනට් මණ්ඩලය විසින් තීරණය කෙරුනේ ශ‍්‍රී ලංකා ගුවන් හමුදාව යටතේ පාලනය වන ඉඩම් අක්කර 25 ක් හැර ඉතිරි භූමිය පානම ජනතාවට ලබා දීමට පියවර ගත යුතු බව ය. නමුත් මෙය සැබෑ තීරණයක් ද? එසේ නැතිනම් ජනතාව මුලා කිරීමක් ද? යන්න පැහැදිලි වන්නේ වර්තමාන කි‍්‍රයාකාරීත්වයත් සමඟ ය.

කැබිනට් තීරණයට ප‍්‍රථම පානම පත්තුව සුරැුකීමේ සංවිධානය විසින් ශ‍්‍රී ලංකා මානව හිමිකම් කොමිසමට ඉදිරිපත් කරන ලද පැමිණිල්ල මීට වසර කිහිපයකට පෙර විභාග කළ මානව හිමිකම් කොමිෂම පානම ජනතාවට ඔවුන්ට අයත් ඉඩම්වල ජීවත්වීමේ අයිතිය තහවුරු කර දියයුතු බව නිර්දේශ කර ඇත.

මානව හිමිකම් කොමිෂමේ නිර්දේශ, කැබිනට් මණ්ඩල තීරණ හා රටේ කි‍්‍රයාත්මක අණ පනත් උල්ලංඝනය කරමින් දයා ගමගේ අමාත්‍යතුමාට රිසිසේ පානම ජනතාවගේ ඉරණම තීරණය කළ හැකි වන්නේ කුමන පදනමක් මත ද යන්න අපට නොවැටහේ.

මේ වන විට නාවික හමුදාව හා ගුවන් හමුදාව විසින් පොදුවේ පානම ලෙස හැදින්වෙන ශාස්ත‍්‍රවෙල, රාගම්වෙල, එගොඩයාය, හොරේකන්ද හා උල්පස්සයාය යන ගම්මාන වල ජීවත් වූ ජනතාව ගේ ජනාවාස, වගා බිම්, විහාරස්ථාන සහ වන සංරක්ෂණ දෙපාර්තමේන්තුව යටතේ පාලනය වන වනාන්තර, කඩොලාන වනාන්තර, කලපු හා වෙරළ තීරය ඇතුළු ව අක්කර 1220 ක භූමියක් අත්පත් කර ගෙන තිබේ. එ් අනුව ශාස්ත‍්‍රවෙල හා රාගම්වෙල ප‍්‍රදේශයේ ඉඩම් ගුවන් හමුදාව සහ එගොඩයාය, හොරේකන්ද හා උල්පස්සයාය ප‍්‍රදේශයේ ඉඩම් නාවික හමුදාව භාරයේ පවතී. මේ ප‍්‍රදේශවල ජනාවාස හා වගා බිම් අක්කර 480 ක් හා වන සංරක්ෂණ දෙපාර්තමේන්තුව යටතේ පාලනය වන වනාන්තර අක්කර 840 ක් මෙලෙස නාවික හමුදාව හා ගුවන් හමුදාව විසින් බලහත්කාරයෙන් රදවාගෙන සිටී. පසුගිය රජයේ ජනාධිපති කාර්යය මණ්ඩල ප‍්‍රධානී ගාමිණී සෙනරත් මහතාගේ මෙහෙයවීම මත නාවික හමුදාවේ හා ගුවන් හමුදාවේ මැදිහත්වීමෙන් මෙම ඉඩම් අත්පත් කර ගැනින. එසේ අත්පත් කර ගැනුනේ ලංකාවට පැමිණෙන විදේශීය නායකයින්ට හා ප‍්‍රභූවරුන්ට විවේකය ගත කළ හැකි නිවාඩු නිකේතනයක් ගොඩනැගීමට ය.

නමුත් මේ තත්ත්වය වසං කරමින් ජාත්‍යන්තර සම්බන්ධතා මධ්‍යස්ථානයක් ඉදිකිරීමට යැයි පවසමින් පානම ඉඩම් අත්පත් කර ගැනීමට නීත්‍යානුකූල මුහුණුවරක් ලබා දීමට පසුගිය රජය උත්සාහ ගැනින. එ් අනුව ලාහුගල ප‍්‍රාදේශීය ලේකම් එල්. එ්. සෝමරත්න මහතා විසින් 2013.05.14 වන දින රජයේ දෙපාර්තමේන්තු වලට ඉඩම් ලබා දීමේ ලේඛනය භාවිතා කර ජනාධිපති කාර්යාලයේ බලයලත් නිලධාරී ජනාධිපති ජ්‍යෙෂ්ඨ සහකාර ලේකම් හර්ෂ විජේවර්ධන මහතාට ලාහුගල ප‍්‍රාදේශීය ලේකම් කොට්ඨාශයට අයත් ශාස්ත‍්‍රවෙල ග‍්‍රාම නිලධාරී වසමේ හෙක්ටයාර 66.1116 ක් නැතහොත් අක්කර 164 ක භූමියක් නීති විරෝධීව පැවරීම සිදු කෙරින. මෙම නීති විරෝධී කි‍්‍රයාවන්ට එරෙහිව හඬක් නොනැගූ දයා ගමගේ අමාත්‍යවරයා එම ඉඩම් සූක්ෂමව හෝටල් ව්‍යාපෘතියකට ලබා ගැනීමට සැලැසුම් සකස් කිරීම නින්දිත කි‍්‍රයාවකි.

පසුගිය රජයෙන් සිදු කළ, වත්මන් රජයෙන් අඛණ්ඩව පවත්වාගෙන යන මේ අමානුෂික ඉඩම් කොල්ලය හමුවේ පානම ජීවත් වෙමින් වගා කටයුතු වල හා ධීවර කටයුතු වල නිරත පවුල් 350 ක් පමණ වසර හයක කාලයක් තිස්සේ අවතැන් ව සිටී. කුඹුරු ගොවිතැන හා හේන් ගොවිතැන මෙන්ම ධීවර කර්මාන්තය මේ ප‍්‍රදේශයේ ජනතාවගේ ප‍්‍රධාන ආදායම් උත්පාදන මාර්ග විය. ඒ සියල්ල මේ වන විට අහිමි වී ඇත.

එපමණක් නොව මෙම වනාන්තර ප‍්‍රදේශ ආවරණය වන පරිදි නාවික හමුදාව හා ගුවන් හමුදාව විදුලි වැටවල් ඉදි කිරීම හේතුවෙන් මෙම ප‍්‍රදේශයේ ජීවත් වූ හා මේ හරහා සංක‍්‍රමණය වන අලි – ඇතුන්ට තම වාසභූමි අහිමිව ඇත.

මේ නිසා අප වත්මන් රජයෙන් ඉල්ලා සිටින්නේ පානම ජනතාවට අයිති සියලූ ඉඩම් ඔවුන් වෙත ද වන සංරක්ෂණ දෙපාර්තමේන්තුවට අයිති ඉඩම් සියලූ ජීවීන්ට ද නිදහසේ භුක්ති විඳීමට නැවත ලබා දෙන ලෙස ය.

සජීව චාමිකර
පරිසර සංරක්ෂණ භාරය

පානම ඉඩම් ඇමති දයා ගමගේ කොල්ලකයි.

Read More


රාජපක්ෂලාට මේ රටේ යළි බලයට එන්න බැහැ. බලයට එන්නට හෙළ උරුමය ඉඩ දෙන්නෙත් නැහැ. 2020 අලුත් ආණ්ඩුව පිහිටුවීමේ යතුර ඇත්තේ ජාතික හෙළ උරුමය ළඟයි යනුවෙන් පසුගියදා මහ නගර හා බස්නාහිර සංවර්ධන ඇමැති ප්‍රා නායක පාඨලී චම්පික රණවක කෑ මොරදිමට හේතුව අද අප විශේෂ් වාර්තාකරු අනාවරණය කරගෙන තිබේ.හදිසියේම් තමන් මහා පොරක් යැයි කියා ගැනිමට ප්‍රා නායකයාට තදියම වි ඇත්තේ චම්පිකගේ විස්වාසවන්තමයා වන ඉන්දික තොටවත්ත දෛවඥයා විසින් කියන ලද අනාවැකියකින් මහත් සේ පිඩාවට මෙන්ම කලබයට පත්විම නිසා බවයි අප විශේෂ් වාර්තාකරු සදහන් කලේ.

පසුගිය දිනක ප්‍රා නායකයා ඉන්දික තොටවත්ත මුණගැසී ඇති අතර පසුව ප්‍රා නායකයා සිය කේන්ද්‍ර කොපිය පරික්ෂා කරගෙන තිබේ.එහිදි ඉන්දික තොටවත්ත පවසා ඇත්තේ චම්පික අමාත්‍යවරයාට 2019 වසරේ දැඩි මාරකයත් පවතින බවත් එය කිසිම ආකාරයකින් වෙනස් කිරිමට කිසිවෙකුටත් හැකියාවක් නොමැති බවයි.මේ වසරේ අප්‍රියෙල් මාසයේ 22 වැනිදා සිටම තදබල ලෙස අපල කාලයක් අමාත්‍යවරයා ගෙවන බවත් අගොස්තු මාසයේ 15 වැනිදායින් පසුව විවිධ පුද සත්කාර සහ පුජාවන් පැවැත්විමටද අමාත්‍යවරයාට ඉන්දික දෛවඥයා උපදෙස් ලබාදි තිබේ.

“සන්දීප්” යටකර පලායැමත් සමග සමාජ ජාලා වල සහ සිය විද්යුත් තැපෑලට මෙන්ම දුරකතනයටද ඇතැමුන් කතා කර නිරන්තරයෙන් හෙන ඉල්ලම හේතුවෙන් අමාත්‍යවරයා කලකිරිමට ලක්ව ඇති අතර ඒ අනුව ඉන්දික තොටවත්ත දෛවඥයා හමුවි සිය කේන්ද්‍රරය පරික්ෂා කර ගැනිමට කටයුතු කර ගත් බවයි අප වාර්තාකරු අනාවරණය කළේ.

ජනාධිපති පුටුවේ ඉද ගැනිමේ මහත් අශාවෙන් පෙලෙන චම්පික සිය ජනපති සටන පසුගිය ජනාධිපතිවරණ සමයේ සිටම ක්‍රියාත්මක කරමින් සටන යලිත් අරඹා තිබේ. ජනාධිපති විමේ සිහිනය ඊළඟ ජනාධිපති මැතිවරණයේදි තමන් පොදු අපේක්ෂකයා ලෙස ඉදිරිපත් විමට නියමිත බවත් දැන් තියා සටන නිවැරදිව මෙහෙයවුහොත් නියත වශයෙන්ම තමන් ඊළග ජනාධිපති ලෙස පත්වෙන බව ප්‍රගීත් අතුරුදහන් කල,පසුගියදා සිල්වියාගේ යටිපතුල් ලෙවකා යන අතරතුර රාජගිරියේදි සන්දීප් යටකර පලාගිය, අමාත්‍ය පාඨ්ළී චම්පික රණවක සිය කණ්ඩායම සමග පැවැත්වු සාකච්ඡාවකදි අනාවරණය කර තිබේ.අදාල සාකච්ඡාව පසුගියදාඅමාත්‍යවරයාගේ නිළ නිවසේ පවත්වා ඇති අතර එම සාකච්ඡාව සදහා හෙළ උරුමය නැමැති දේශපාලන පක්ෂය ගණිකා වෘත්තීයේ යොදවමින් යහපාලනයේ විවිධ වරප්‍රසාදයන් ලබන යහපාලන නියෝජ්‍ය ජනමාධ්‍ය අමාත්‍ය කරූ පරණවිතාරන,නිශාන්ත ශ්‍රී වර්ණසිංහ ඇතුලු කිහිප දෙනෙකුම සහභාගි වි තිබේ.

අදාල සාකච්ඡාවලදි ගත් තින්දුවකට අනුව ඉතා ඉක්මනින්ම සැම දිස්ත්‍රික්කයක් තුලම ජාතික හෙල උරුමයේ නායකත්වයක් ගොඩ නැගීමට කටයුතු කරන ලෙසත් ඒ සදහා විවිධ දේශනා රටපුරා පවත්වමින් සිය ප්‍රතිරූපය ගොඩනගා ගැනිමට චම්පික කටයුතු මෙහෙයවමින් සිටි.

මේ අතර පසුගියදා රටේ උද්ගතව ඇති තත්වය හමුවේ ජනතාව කලකිරීමට ලක්ව ඇත්තේ එක්සත් ජාතික පක්ෂය සම්බන්ධයෙන් බවත් ඒ තත්ත්වය ශ්‍රිලනීප මධ්‍යම කාරක සභාව තුල දිගින් දිගටම සාකච්ඡා කර ඇති බවත් ශ්‍රීලනිපයේ ජ්‍යෙෂ්ඨයින් සහ මහින්ද පිළේ ප්‍රබලයන් අතර රහසිගත සාකච්ඡා අවස්ථා ගණනාවකදි සිදුවි ඇති බවත් පැවසු චම්පික අදාළ සාකච්ඡා සිදුවි ඇති අකාරය පිළිබඳව සිය ෆයිල් එකෙන් ගත් කොලයක වු සටහනක්ද කියවා තිබේ.

මේ අතර ඔහුගේ සමිපතම ගොලයෙකු වන අනාවැකි කිමේ දක්ෂයේකු ලෙස තමන්ම හදුන්වා ගන්නා ජෝතිශ්‍යවේදී ඉන්දික තොටවත්තගේ පවතින ආණ්ඩුවේ අවසානය සම්බන්ධයෙන් කල තොරතුරු අනාවරණයක් සහිත සටහනක්ද රැගෙන පැමිණ ඇති ප්‍රා නායකයා එහි ඇති විස්තර කිහිපයක්ද අනාවරණය කර තිබේ.

“මෙම වසර අතිශයින්ම අහිතකර අයහපත් වසරක් වන බවත්, විශේෂයෙන්ම 1988 හා 89 වර්ෂ හා සමාන ආකෘතික ලක්ෂණ එනම්, එම වර්ෂවල සිදුවූ සිදුවීම්වලට සමාන සිදුවීම් සිදුවන වසරක් බව ද සඳහන් කරන තොටවත්ත මහතා, තමන් විසින් සංස්ලේෂණයෙන් කියූ කාරණා පසුගිය කාලසීමාව පුරාවටම සිදුවෙමින් තිබෙන බවත් සැප්තැම්බර් 18 දක්වාම ඒ තත්ත්වය පවතින ඉන්දික තොටවත්තගේ සඳහන් කර තිබේ.
චම්පිකගේ “බටයා” හෙවත් ධනුෂ්ක රාමනායකගේ කටුනායක ‘Eagles Lagoon View’ හෝටලයේ පැවති විවාහය උත්සවය දා චම්පික ගැන ඉන්දික කී අනාවැකිය

මේ අතර හදිසියේම මුණ ගැසුනු ඉන්දික තොටවත්ත දෛවඥයා ගෙන් මෙගා පොලිසි අමාත්‍ය චම්පික රණවක 2020 දී තමා ස්ථිර වශයෙන්ම ජනාධිපති වනවා දැයි තමන්ගේ කේන්දරය පරීක්ෂා කර පවසන ලෙස ඉල්ලා තිබේ.‘ඔබ තුමාගේ මම බැලුවා නේ ….ඒ කේන්දරේ නම් කිසිම රාජයෝගයක් නෑ. තමුන්නාන්සෙට වෙන්නෙ හැමදාම අරහෙට මෙහෙට පැන පැන ඇමතිකමක් ගැට ගහ ගන්න විතරයි. තමුන්නාන්සෙ ගැන කිසිම නායකයෙක්ට කිසිම විශ්වාසයක් නෑ. තමුන්නාන්සෙ හිටියෙ ගෝඨාත් එක්ක දිවෙන් දිව ගාගෙන නේද? අද මිනිහව ඇතුළට දාන්න ඉස්සරහින්ම වැඩ කරන්නෙ තමුන්නාන්සෙ නේද?’ යනුවෙන් කේන්දරය පරීක්ෂා කිරිමෙන් පසුව ඉන්දික තොටවත්ත දෛවඥයා පවසා තිබේ.

-LNW

චම්පිකගේ ජනපති සිහිනය බොඳවේ?

Read More


රාජ්‍ය ව්‍යවසාය සංවර්ධන නියෝජ්‍ය අමාත්‍ය ඉරාන් වික්‍රමරත්න මහතා මහ බැංකු අධිපති ධූරයට පත්කිරීමට බොහෝ දුරට ඉඩකඩ ඇතැයි දේශපාලන ආරංචි මාර්ග පවසනවා.

ඒ අනුව අර්ජුන් මහේන්ද්‍රන් මහතා වෙනුවට ඉරාන් වික්‍රමරත්න මහතා පත්කළහොත් කොළඹ දිස්ත්‍රීක්කයෙන් මහ මැතිවරණයට තරඟවැදුණු රෝසි  සේනානායක මහත්මියට පාර්ලිමේන්තුව නියෝජනය කිරීමට අවස්ථාව හිමිවනු ඇති.

ඇය දැනට අග්‍රාමාත්‍ය කාර්යමණ්ඩල නියෝජ්‍ය ප්‍ර‍ධානී තනතුර හොබවනවා.

රෝසි පාර්ලිමේන්තුවට.

Read More


තමා වෙනුවෙන් පෙනී සිටි කණිෂ්ඨ නීතිඥවරයෙකුට විවෘත අධිකරණ ශාලාවේදී උපදෙස් ලබාදුන් එක්සත් ජනතා නිදහස් සන්ධාන පාර්ලිමේන්තු මන්ත්‍රිනී පවිත්‍රා වන්නිආරච්චි මහත්මියට එසේ නොකරන ලෙසට කොළඹ අතිරේක මහේස්ත්‍රාත් අරුණි ආටිගාල මහත්මිය අද (28දා) තරයේ අවවාද කළාය.

“නීතිඥවරුන්ට උපදෙස් ලබාදිය යුත්තේ අධිකරණයෙන් පිටදී මිස නඩු කටයුත්ත විභාග වන අතර තුළදී නෙමෙයි. මේ නඩුවට විතරක් විශේෂත්වයක් දක්වන්න මට බෑ. පැමිණිලිකාරියත් නීතිඥවරියක්. ඒ නිසා ඇයට උසාවියේදී හැසිරිය යුතු ආකාරය ගැන දැනුමක් තිබිය යුතුයි” යැයි මහේස්ත්‍රාත්වරිය අවවාද කරමින් පැවැසුවාය.

නඩුවකට අදාළව පැමිණිලිකාර මන්ත්‍රීවරිය වෙනුවෙන් පෙනිසිටි නීතිඥ මණ්ඩලයේ කණිෂ්ඨ නීතිඥවරයෙකුගේ ශරීරයකට පැමිණිලිකාරිය ඇගිල්ලෙන් ඇන ඇන උපදෙස් ලබාදෙන අයුරු හා ඔහුව අධිකරණයේ පසෙකට ගෙන ගොස් උපදෙස් ලබාදෙනු දුටු අතිරේක මහේස්ත්‍රාත්වරිය එලෙස තරයේ අවවාද කළාය.


පවිත්‍රාට කට නිසා වින්නැහියක් : Video

Read More


පසුගිය රජය සමයේ සිදුවීමක් සම්බන්ධයෙන් හිටපු පාර්ලිමේන්තු මන්ත්‍රී ජේ. ශ්‍රී රංගා අත්අඩංගුවට ගැනීමට නියමිත බව වාර්තා වේ. ඒ 2011 වසරේ ඔහු පදවාගෙන ගිය වාහනයක් අනතුරට පත්වීම හේතුවෙන් පුද්ගලයෙකු මියයාම සම්බන්ධයෙන් අධිකරණය නොමග යැවීම හේතුවෙනි.

පසුගිය රජය සමයේ බලයේ සිටි දේශපාලනඥයන් සහ ඔවුන්ගේ හෙංචයියන් සිදුකළ මෙවැනි සිදුවීම් යහපාලන රජය බලයට පත්වීමෙන් පසු එකින් එක එළියට පැමිණෙමින් තිබෙන අතර පමා වී හෝ අසාධාරණයට ලක්වූවන් වෙනුවෙන් සාධාරණයට ඉටුවීම අගය කළ යුතුය.

2011  වසරේ මාර්තු මාසයේදී වව්නියාව සෙට්ටිකුලම්හිදී රංගා ගමන් කරමින් සිටි වාහනයක් අනතුරට පත්වූ අතර එම අනතුරෙන් ඔහුගේ ආරක්ෂාවට සිටි ජයමිනි පුෂ්පකුමාර නැමැති ඇමති ආරක්ෂක අංශයේ සාමාජිකයා මියගොස් තිබේ.

රංගාගේ රියදුරා මෙම අවස්ථාව වනවිට නිවාඩු ගොස් තිබීම හේතුවෙන් රංගා විසින් වාහනය පදවාගෙන ගොස් තිබේ. කෙසේ වෙතත් අනතුරෙන් පසුව පාර්ලිමේන්තු මන්ත්‍රී බලය භාවිතා කරමින් රංගා රිය අනතුරු චෝදනාවෙන් මිදී ඇති අතර ඒ වෙනුවට අදාල ආරක්ෂක නිළධාරියා රියදුරා ලෙස කටයුතු කළ බව පොලීසියට පවසා තිබේ. කෙසේ වෙතත් සෙට්ටිකුලම පොලීසිය පැවැත්වූ පරීක්ෂණයේදි හෙළිවී ඇතිතේ ජයමිනි පුෂ්පකුමාර අනතුරට ලක්වන විට වාහනයේ වම්පස ආසනයේ සිට ඇති බවයි.

එවකට ආණ්ඩුවේ ප්‍රබලයන් වූ හම්බන්තොට සහ අනුරාධපුර දිස්ත්‍රික් නියෝජනය කළ මන්ත්‍රීවරුන් දෙදෙනෙකු රංගා බේරාගැනීම සඳහා කටයුතු කර තිබේ. ඔවුන් පොලීසියට බලපෑම් කර ඇති අතර ඊට අමතරව වාහනයට සිදුවූ අනතුර හෙළිකර ගැනීමට අපහසු වන ලෙස වාහනයට තවදුරටත් හානි සිදුකර තිබේ.

කෙසේ හෝ එවක පැවති ආණ්ඩුවේ ප්‍රබලයන්ගේ බලපෑමෙන් රංගා අදාල චෝදනාවෙන් නිදහස් වී ඇති අතර අවසානයේ මියගිය ඇමති ආරක්ෂක අංශ සාමාජිකයා වෙතම රිය අනතුරු චෝදනාව පැටවීමට ඔවුන් සමත්ව තිබේ.

ඉන්පසු පසුගිය 22 වැනිදා මියගිය පුද්ගලයාගේ බිරිඳ මෙම රිය අනතුර සම්බන්ධයෙන් නැවතත් වව්නියාව පොලීසියේ නඩුවක් ගොනුකර ඇති අතර එම නඩුව ඔක්තෝබර් 26 වැනිදා දක්වා කල්තබා තිබේ. දේශපාලන බලපෑම් මත කලින් රංගා මෙම චෝදනාවෙන් නිදහස් වුවද මෙවර ඔහුට මෙම චෝදනාවෙන් නිදහස්වීමේ හැකියාවක් නොමැති අතර එයට සෙට්ටිකුලම පොලීසිය විසින් අදාල රිය අනතුර සම්බන්ධයෙන් සටහන් කර ඇති වාර්තා හේතුවනු ඇති බවයි වාර්තා වන්නේ.

මීට අමතරව මෙම රිය අනතුර සිදුවන මොහොතේ නිවාඩු ලබා සිටි එවකට රංගාගේ රියදුරා ලෙස කටයුතු කළ පුද්ගලයාට රංගා බලපෑම් එල්ල කළ ඇති බව ද වාර්තා වේ. මෝහන් නැමැති අදාල රියදුරා මෙම රිය අනතුරට පටලැවීම සඳහා රංගා උත්සාහ දරා තිබේ. අනතුරෙන් පසුව මෝහන් අමතා ඇති රංගා පවසා ඇත්තේ හැකි ඉක්මනින් වව්නියාවට පැමින රිය අනතුරෙහි වගකීම භාරගන්නා ලෙසයි. ඒ සඳහා රුපියල් ලක්ෂ ගණනක් ඔහුට ලබාදීමට ද රංගා උත්සාහ දරා තිබේ.

කෙසේ වෙතත් මෝහන් පවසන්නේ තමන් නොකළ වරදකට මුදල් ලබාදී පටලැවීමට රංගා උත්සාහ කළ බවත් ඒ සඳහා තමන් අකමැත්ත ප්‍රකාශ කළ බවත්ය. මේ සම්බන්ධයෙන් මෙම සිදුවීමෙන් පසුව ද රංගා තමාට තර්ජනය කළ බවයි මෝහන් පවසන්නේ.

අධිකරණය නොමඟ යැවූවාට කිළීගේ ගෝලයෙක් අත්අඩංගුවට.

Read More


නස්‌රුදීන් දිනක්‌ උම්මන්තකාගාරයට ගියේ එහි සිටින හිතවතකුගේ සුව දුක් බලන්නටය. එහි සේවය කරන අයගේ සහයක් නොලැබුණෙන් නස්රුදීන්ට තනිවම තම හිතවතා සොයා යාමට සිදුවිය.

ඒ වෙනුවෙන් ඇවිද යන අතරේ එහි නේවාසික රෝගීන් දුටු නස්රුදීන් ‘උම්මත්තකභාවය’ ගැන බරපතළ ලෙස සිතන්නට විය. විවිධ අදහස් ඔහු වෙත පැමිණියේය.

නස්රුදීන් මෙලෙස කල්පනාබරව ඇවිද යන අතරේ එක් වරම පිරිසක් පැමිණ නස්රුදීන්ව අල්ලා කඹයකින් ගැට ගසා වාට්ටුවට ගෙන ගියහ. එතැන් පටන් නස්රුදීන්ට උම්මන්තකාගාරයේ දී බලහත්කාරයෙන්ම ප‍්‍රතිකාර සිදුකෙරිණ.

මාස ගණනක ඇවෑමෙන් උම්මන්තකාගාරයේ ප‍්‍රධාන පාලකයා ඇතුළු පිරිස නස්රුදීන්ට සනීප බව පවසා ටිකට් කැපූහ. ඒ වන විට නස්‌රුදීන් හිටියෙ තදබල කලකිරීමෙන්ය. එනිසා ඔහු මෙලෙසින් උම්මන්තකාගාරයේ අය ඇමතීය.

”තමුසෙලට බොහොම ස්‌තුතියි මාව නිදහස් කළාට. හැබැයි මට අහන්න එකම එක ප‍්‍රශ්නයක් තියනවා. පොඞ්ඩක් කියනවා බලන්න, තමුසෙලා පිස්‌සු හැදිලා සනීප කරගන්න මේ පිස්‌සන් කොටුවට ආව අයද? එහෙම නැතිනම් පිස්‌සු හැදුණ අය සනීප කරන්න ආව අයද? කියලා”

ඊට වඩා නස්‌රුදීන්ට කතා කරන්න ලැබුණේ නැත. කතාව ඉවර කරන්නත් කලින් නස්‌රුදීන් දුටුවේ පොලූ‍, කඹ ගත් පිරිස නැවත ඔහුව ප‍්‍රතිකාර කිරීමට කුදලන් යන්න සූදානම් වන අයුරුය.

මේ වන විට මහ බැංකු අධිපති ධුරයට අදාළ සංවාදය වෙනුවෙන් අප මේ කතාව පාදක කර ගත්තේ හේතු ඇතුවය. ඒ මේ කතාව හරහා මහ බැංකු අධිපති සටනේ සිටින කාගේ කාගේත් ස්ථානය නිවැරැදිව සටහන් කර ගන්නට ඉඩ ලැබෙන නිසාය. පෙළින් පෙළට ඒ බව තේරුම් ගන්නට නම් නස්රුදීන් අසන ප‍්‍රශ්නයේ හරය අප නිවැරැදිව හඳුනාගත යුතුය.

මේ කතාවේ පිස්සන් සුව කරන්නට සිටින අයගෙන් අපේක්ෂිත රාජකාරිය ඉටුවනවාද? නැත. ඒ වෙනුවට ඔවුන් කරමින් සිටින්නේ පිස්සුව නඩත්තු කර පවත්වාගෙන යාමය. ඒ කා වෙනුවෙන්ද? පිස්සු හැදුණු අහිංසකයන්ගේ හෙට දවස වෙනුවෙන්ද? නැත. පිස්සුව සුව කරන්නට සිටින අය සිය පැවැත්ම වෙනුවෙන් පිස්සුව නඩත්තු කර පවත්වාගෙන යති. තම ප‍්‍රශ්නය හරහා නස්රුදීන් මතුකරන්නේ උම්මත්තකාගාරයේ උදවිය එසේ උමතුව නඩත්තු කිරීම ගැනය. එම පැනය දැන් අර්ජුන් මහේන්ද්‍රන් ගෙදර යවා ”දූෂණ විරෝධයට අදාළව ලිට්මස් පරීක්ෂණයෙන්” අධිසාමාර්ථ බලා පොරොත්තු වන අයගෙන් අපට මෙසේ අසන්නට පුළුවන.

”ඔයාලා හොරකමේ යන ගමන් හොරු හොයන අයද? නැත්නම් ඇත්තටම හොරු අල්ලන්න ආව අයද?”

කුමන පිළිතුරක් ඔවුන් සතු වුව ද මේ අයගේ වත්මන් භාවිතය ඔප්පු කරමින් සිටින්නේ හොරකම වට ගණනාවකින් ශක්තිමත්ව නඩත්තු කිරීමය. ඒ වෙනුවෙන් ඊනියා ”හොරු ගෙදර යවන” වත්මන් මෙහෙයුමේ යෙදී සිටින බවය. පසුගිය සති දෙකක් පුරා අප ඒ කරුණ මතුකළා ඔබට මතක ඇත. මේ සූදානමද තවත් වටයකින් ඒ මතුකිරීම් ඉදිරියට ගෙන යාමටය.

මෙතෙක් අප රටේ ඇති අත්දැකීමට අනුව නම් ආණ්ඩුව අපහසුතාවට පත්වන අයුරින් විවේචනය යොමුවන්නේ විපක්ෂයෙන්ය. නමුත් අර්ජුන් සිදුවීමට අදාළව ආණ්ඩුව තුළම කල්ලි කිහිපයක් බෙදී යාමක් නිරීක්ෂණය වෙයි. විශේෂයෙන්ම අග‍්‍රාමාත්‍ය කාර්යාලයේ සිට ක‍්‍රියාත්මක වන ඊනියා දූෂණ විරෝධීන් පවා අද අර්ජුන්ට මාරාන්තිකව එරෙහි වන්නට පටන්ගෙන ඇත. ජනාධිපති කාර්යාලයේ නියුතු කොටසක් ද ඊට සහාය දක්වන ප‍්‍රතිපත්තියක සිට කටයුතු කරනු පෙනෙන්නට ඇත. ඒ සමඟම අග‍්‍රාමාත්‍ය කාර්යාලයේ නියෝජනය කරන පිරිසක් අර්ජුන්ට පක්ෂය. ජනාධිපති කාර්යාලයේ පිරිසක් ද අර්ජුන්ට පක්ෂය. ඒ අනුව මේ කුඩා කුලකය සැලකුව ද එහි පාර්ශ්ව කොපමණ සිටියත් මුල තිබෙන්නේ ආණ්ඩුවේ ය.

ඒ අනුව අප හඳුනාගත යුතු පළමු කරුණ වන්නේ මෙය වත්මන් ආණ්ඩුවේ ප‍්‍රධාන පාර්ශ්වකරුවන්ගේ බල තරගයේ ප‍්‍රමාණය සහ ගුණය පිළිබඳ තරගයක් බවට පත්ව ඇති බවය. එහෙත් ආණ්ඩුව එතරම් අපරිණත දේශපාලන අවදානමකට ඇද වැටිය යුතුද? නැත. මේ මොහොතේ අප දරන ස්ථාවරය නම් ආණ්ඩුවට ඊට වඩා කරන්නට බොහෝ වැඩ ඇති බවය. ඊටත් වඩා ආණ්ඩුව ලවා කරවා ගැනීමට ජනතාවට බොහෝ වැඩ ඇත.

මන්ද අල්ලනවා කී හොරු සහ ඊට අදාළ චෝදනා ඇතිවුන් මේ වන විට සිටින්නේ මූල්‍ය අපරාධ කොට්ඨාසය ඉදිරිපිට සහ ජනාධිපති විශේෂ විමර්ශන කොමිසම දොරකඩය. ඒ නිකම්ම නොව මාධ්‍ය නිවේදකයන් බවට පත්වීය. රටට කඩිනමින් ලබා දෙනවා කී දේශපාලන ප‍්‍රතිසංස්කරණ ද තවමත් ඉබි ගමනේය. නව ආණ්ඩුක‍්‍රම ව්‍යවස්ථාව ගැන කතා බහ නැත්තටම නැතිවෙමින් පවතී. එලෙස වත්මන් ආණ්ඩුව ජනතාව ඉදිරියේ තැබූ පොරොන්දු මලූ ද ඉතිහාසයේ ආණ්ඩු පෙරළිවල දුන්, නමුත් ඉටු නොකළ පොරොන්දු මල්ලට වැටීමේ අවදානමට පැමිණ ඇත. ඒ නිසා ආණ්ඩුව සුජාතභාවය ඔප්පු කළ යුත්තේ එකී සුවිශේෂී පොරොන්දු ඉටුකර දෙමින් මිස එක එක නඩ ගහන බෙරපදවල තාලයට නටමින් නොවේය.

අනෙක් අතට මේ ඊනියා දූෂණ විරෝධීන් අතර සිටින සමහරක් මෙන්ම මාධ්‍ය පවා මාරාන්තිකව ඒ වෙනුවෙන් පෙනී සිටින්නේ අගමැති රනිල් සමඟ වන ආරෝව නිසා බව ද පැහැදිලිය. ඒ තුළ සිදුවෙමින් තිබෙන්නේ අර්ජුන් විරෝධී ශ‍්‍රීලනිප පිරිස් ඉල්ලන දේ කරදෙන කොන්ත‍්‍රාත්තුව ද ඒ තුළ ඉටුකර දෙමින් එක ගලෙන් කුරුල්ලන් දෙදෙනෙකු එලා ගැනීමේ ලාභ උත්සාහය යි. අනෙක් අතට එකිනෙකා අතර බල තරගයක් මවා පොර පිටියට කැඳවන්නේ ජනාධිපතිවරයාව සහ අග‍්‍රාමාත්‍යවරයාවය. මෙය සුළු පිරිසකගේ ඇරියස් කවර් කරගැනීම වෙනුවෙන් ආණ්ඩුව අවදානමේ හෙළීමක් බව අමුතුවෙන් කිව යුතු නැත. ඉතින් මේ වැඩවලට මහින්ද රෙජීමයේ උදවියගේද නොමඳ ආශීර්වාදය හිමිය.

අනෙක් අතට අප අසන්නේ එක් පුද්ගලයකුට සීමා කර ඇති දූෂණ විරෝධී සටන පොදු අරගලයක් බවට පත්කර නොගන්නේ මන්ද කියාය. අවම වශයෙන් අප පසුගිය සතියේ පෙන්වා දුන් මහ බැංකුවේ හිටපු අධිපති අජිත් නිවාඞ්, අර්ජුන්ට සාපේක්ෂව කොතරම් පොඩි හොරෙක් ද කියාවත් මේ ඊනියා දූෂණ විරෝධී නඩ පැහැදිලි කළ යුතුව ඇත. එසේම රාජ්‍ය නිලධාරියෙකු සුදු කරපටි හොරකමක් සිදුකර ඇත්නම් ඔහු හෝ ඇය ගෙදර යැව් විට ඉටුවන යුක්තිය කුමක්ද යන්නද ඊනියා දූෂණ විරෝධීන්ගෙන් ඇසිය යුතුය.

මේ අය කවුද මොනවද කරන්නේ කියා නම ගම සහිතව අපට ලිවිය හැකිය. නමුත් එයින් අත්වන සෙතක් නැත. මන්ද ඒ බහුතරයක් සිය දේශපාලනය ලෙස ජම්බු උපාසිකාවගේ කාර්ය ඉටුකරන උදවිය නිසාය. කාලෙන් කාලෙට දේශපාලන ශරීරවල එල්ලී එහි ඵල රස විඳින ඒ අය ටික කාලයකින් ශරීරයට හිමිකම් කියන්න ගොස් ඒ ශරීර යට ඇති වවුල් බෙටි මතට වැටෙයි. නැවත බල ශරීරයක් හිමිවන තෙක් ඔවුන් කරන්නේ ඒ වවුල් බෙටි සමඟ සංවාද, වාද විවාද කිරීම සහ මාධ්‍ය ප‍්‍රකාශන නිකුත් කිරීමය. ඔවුන් එසේ නොවන බව ඔප්පු කරන්නට නම් අර්ජුන් සිදුවීමේ දී මාධ්‍ය හමු පවත්වා කී ලෙස ඔහුට එරෙහිව සිංගප්පූරු අධිකරණයේ නඩු පැවරිය යුතුව ඇත. ඒත් නොහැකිනම් අවම වශයෙන් මෙරට අධිකරණයක් හමුවටවත් යා යුතුය. එසේ කිරීමට නොහැකිනම් ඒ ඇයිද යන්නවත් රටට කිව යුතුය. අපට අනුව නම් මේ පිරිස් යහපාලන බල ශරීර මතට නැග තහනම් ගෙඩි කෑ බැවින් වචන කයිවාරු මිස වෙන වැඩ නැත. ඊනියා දූෂණ විරෝධය මාධ්‍ය නිවේදනවලින් එහාට නොයන්නේ ඒ නිසාය. ඒ නිසා බලය ඇති ශරීර සොයා යමින් කාලෙන් කාලෙට එක එක තාලෙට පුහුණු කළ සර්කස් ගිරවු මෙන් දොඩවන උදවියව එතරම් බැ?රුම් ලෙස සැලකිය යුතු නැති බව අපේ අදහසය.

ඒ පදනමේ සිට මෙහි දී අප අවධාරණය කරන්නේ සිල්ලර දූෂණ විරෝධී සංදර්ශනවලට වඩා අවධානය යොමුකළ යුත්තේ රට හමුවේ ඇති ආර්ථික අභියෝගය කෙරෙහි වන බවය. ආණ්ඩුව සිටින්නේ එදා වේල වත් සොයා ගැනීමට දුෂ්කර මොහොතකය.

ඒ බව පසුගිය වසරේ (2015) නොවැම්බර් 05 වන දා සම්මුතිවාදී ආණ්ඩුවේ ආර්ථික ප‍්‍රතිපත්තිය කුමක්ද යන්න රට හමුවේ තැබූ අවස්ථාවේ ද තහවුරු විය. ‘රජයේ මධ්‍යකාලීන සංවර්ධන ප‍්‍රතිපත්තියය’ මැයෙන් එය පාර්ලිමේන්තුවට ගෙනාවේ අග‍්‍රාමාත්‍ය රනිල් වික‍්‍රමසිංහය. එහි දී අග‍්‍රාමාත්‍යවරයා ආණ්ඩුවේ ආර්ථික දැක්ම, සැලැස්ම සහ ක‍්‍රියාන්විතය ගැන සැලකිය යුතු මට්ටමක චිත‍්‍රයක් ද අප හමුවේ තැබීය.

එසේම ඒ සඳහා යන ගමනේ දී වත්මන් ලෝක ආර්ථිකය, පහළ මධ්‍යම ආදායම් ලබන රාජ්‍යයක තත්ත්වය ලැබීමෙන් පසු සහනදායී මූල්‍ය ප‍්‍රතිපාදන හිමි නොවීම, රටේ ආදායම ඉක්මවා වැය පාර්ශ්වය ඉහළ ගොස් තිබීම, ඇමෙරිකානු මහ බැංකුවේ පොලී අනුපාත ඉහළ යෑම සහ චීනයේ ආර්ථික අස්ථාවරත්වය ආදී කාරණා රැසක් හේතුවෙන් දේශීයව මෙන්ම ගෝලීයවද අසහනකාරී මූල්‍ය පරිසරයක් හරහා ගමන් කරන්නට සිදුව ඇති බව ද ඔහු අවධාරණය කර සිටියේය.

වර්තමානයේ ඇති අනපේක්‍ෂිත අඩු වෘද්ධියේ සහ ගෙවුම් ශේෂ හිඟයේ අසාමාන්‍ය සංකලනය, මෙරට අපනයන වසරින් වසර පහත වැටෙන තත්ත්වය, අපනයන සංකීර්ණතා සහ අධි තාක්‍ෂණික අපනයනයන්ට අදාළව රට තුළ ඇති දුර්වල මට්ටම, ගැන ද සඳහන් කළ අග‍්‍රාමාත්‍යවරයා ඉදිරි ගමන සාර්ථක කර ගැනීම සඳහා මූලික වෙනස්කම් ගණනාවක් අවශ්‍ය බව ද අවධාරණය කළේය. වත්මන් ආණ්ඩුවේ ආර්ථිකයට අදාළ ගමන ඔහු සාරාංශ ගත කර සිටියේ, ”සාම්ප‍්‍රදායික චින්තනයෙන් හෝ ක‍්‍රමවේදයන්ගෙන් තවදුරටත් මේ ගමන ඉදිරියට යා නොහැකියි. එසේම පැලැස්තර විසඳුම් දමමින්, ණය බරින් රට පීඩනයට පත්කරමින් මේ ගමන යා නොහැකියි. මේ ඉදිරි ගමන සඳහා අපට ලැබෙන අන්තිම අවස්ථාවත් මෙයයි” කියමින්ය.

එතැන් පටන් රට ගොඩනගන්නට ඔහු නිදර්ශනය කොට දැක්වූයේ සිංගප්පූරුවය. ඒ බව අවධාරණය කරමින් අග‍්‍රාමාත්‍යවරයා කදිම ප‍්‍රශ්නයක් නැගීය. ඒ ”කිසිදු ස්වාභාවික සම්පතක් නොමැති, අඩු තරමින් බොන්න වතුර ටිකක්වත් නොමැති සිංගප්පූරුව එවන් ඉහළ තලයකට යන්නත්, ස්වාභාවික සම්පතින් හා මිනිස් සම්පතින් පිරුණු අප පහළට වැටෙන්නත් හේතුව කුමක්ද? අපට වැරදුණේ කොතැනද?” යනුවෙන්ය. අපි අපේ මැදිහත්වීම සිදුකරන්නේ ද මෙතනදීය.

ඕනෑම කෙනෙකු රටේ මූල්‍ය පද්ධතිය පරදුවට තබා නීතියෙන් වරදක් කර ඇත්නම් රටේ නීතියට අනුව තරාතිරම නොසලකා දඬුවම් කළ යුතුය. ඒ ගැන වාදයක් නොමැත.

ඒ අතර රටේ ආර්ථිකයේ ඉදිරි මඟ ද සුවපහසු නැත. රට කරවන්න මුදල් අවශ්‍යය. එහෙත් නූතන මුදල සැබෑ දෙයක් නොවේය. ගමන ඉදිරියට යා යුතුව තිබෙන්නේ මුදල් නිර්මාණය කිරීම තුළින්ය. එනම් මුදල් මවා හෝ ගෙන ආ හැකි මහ බැංකු අධිපතිවරයෙක් රටට අවශ්‍යව ඇත. නැතිනම් කවුරු මොනවා කීවත් පවතින ක‍්‍රමය තුළ රටේ මහ බැංකු අධිපති විය යුත්තේ මැජික්කාරයෙක්ය. ඔහු නියත ලෙසම මුදල් මවන්නෙක් විය යුතුය. ආර්ථිකය ගැන පාරම්බාන බොහෝ දෙනෙකු ඒ සත්‍ය පිළිගන්නට සූදානම් නැති වන්නට පුළුවන. මැජික් නොපෙන්වූවොත් අපිත් ග‍්‍රීසියක්ය. තිත්ත වුවත් ඇත්ත ඒකය. එනිසා කවුරු මහ බැංකුවට ආවත් මැජික් බැලීමට හිත හදා ගැනීමට සූදානම් විය යුතුව ඇත.

- සංජය ලියනගේ
SathHanda

පත්තිනි අම්මලාගෙත් රෙද්දෙත් තුත්තිරි.

Read More


අප්පොච්චි ගෙදර යැව්වේ ඇයි අසමින් පසුගිය සමයේ තමන්ට හමුවූ බොහෝ දෙනෙකුගෙන් අදහස් විමසමින් සිටි විමල්ට මේ දිනවල අලුත් ප්‍රශ්නයක් හමුව තිබේ. ඒ නව ආණ්ඩුක්‍රම ව්‍යවස්ථා සංශෝධනය සම්බන්ධ ජනතා අදහස් එකතු කළ ලාල් විජේනායක කොමිසම් වාර්තාව පාදක කරගනිමින්ය.

ඒ අනුව යමින් විමල්ගේ ප්‍රශ්නය වී ඇත්තේ "සමලිංගික සේවනය නීත්‍යනුකූල කරන්න මේ ව්‍යවස්ථාව ප්‍රතිපාදන සකසන්න යනවා. මිනිස් ඉතිහාසය පටන්ගත්තු දවසේ ඉඳන් පිරිමි-පිරිමි සහ කාන්තාවන් –කාන්තාවන් අතර කසාද සිදු වුණා නම් මානව සංහතියට වෙන දේ කියන්න පුළුවන්ද?" යන්නය.

විමල් තමන්ට හමුවන සිවිල් බුද්ධිමතුන් යැයි සිතෙන බොහෝ දෙනෙකුගෙන් මේ පැනය පසුගිය දින කිහිපයේ පටන් අසමින් සිටින අතර ඔවුන් ඊට පිළිතුරු දෙන්නට පෙර " මේවා මාක්ස්ගේ රතු පොත් වලවත් තිබුණ හරුපද අම්මා" කියන බවද දන ගන්නට ඇත.

කෙසේ වුවත් මෑතකදී විමල් මේ පැනය බැසිල් රාජපක්ෂගේ උපදේශකයෙකුගෙන්ද අසා ඇති අතර ඔහු සිනා සී පිළිතුරු නොදී ගොස් ඇත. එහිදී අහල පහළ සිටි පිරිස් වෙත විමල් පවසා ඇත්තේ " බලන්න වැදගත් ප්‍රශ්න ගැන ශාස්ත්‍රාලීය දැනුම නේද ?" කියාය.

මේ අතර ඒ අවස්තාවේදී විමල් ගේ ළඟින් සිටින දොස්තරවරයෙකු පවසා ඇත්තේ ව්‍යවස්ථාවට පහරදීමට එය කදිම මාතෘකාවක් බවත් ජවිපෙ දැනටමත් සමලිංගිකත්වය ප්‍රතිෂේප කර ඇති බැවින් තමන් දැන්ම එම විරෝධයේ කොඩිය අතට ගත යුතු බවය. එම අදහසට විමල්ද අනුමැතිය දී ඇති අතර එදින සවසම විමල්ගේ ෆේස්බුක් කාඩර්වරු සමලිංගිකත්වයට එරෙහි කොඩිය වනා ඇත.

ජවිපෙ සමලිංගික විරෝධි කොඩිය, විමල් අතට ගනී.

Read More


වෛද්‍ය ක්‍රිස් නෝනිස්ගේ පවුල තුල ඇති වී තිබෙන මතභේදය සම්බන්ධ   නීතිමය කටයුත්තෙන් මැක්වුඩ් ගෘප් සමාගමේ පරිපාලනයට අහිතකර බලපෑම් එල්ල වී තිබේ.

මැක්වුඩ් සමාගම් සමූහයේ නිර්මාතෘ එන්. එස්. ඕ මෙන්ඩිස් මහතා විසින් අදින් වසර 40 කට ප්‍රථම පන්නා දැමූ සමහර පුද්ලගයන් නැවත  සමාගම අත්පත් කර ගැනීමේ බල අරගලයක නියැලෙමින් සිටී. මෙසේ පන්නා දැමූ පුද්ගලයා සමහර විට පැනමා ජාවාරමේ කළු සල්ලි සුදු කරන ලද පුද්ගලයෙක් විය හැක. ඔහුට හිමිව තිබූ LB ෆිනෑන්ස් සහ ඩෙල්මේජ් සමාගම්  විකුණා දැමූ මෙම ව්‍යාපාරික ධන කුවේරයාගේ යටි අරමුණ මෙම මැක් වුඩ් සමාගම   අත්පත් කර ගැනීම  විය හැක. පැනමා ලේඛණයන්හි සඳහන්ව තිබූ තම පුත්‍රයාගේ නම සුද්ද කිරීම ඔහුගේ සැබෑ අරමුණ බව පැහැදිලිය.

මැක්වුඩ් සමාගම තුල සේවයේ යෙදෙන අහිංසක ශ්‍රී ලාංකිකයන් අමාරුවේ නොදමා,  සිංගප්පූරුව තුල තමාගේ කළු සල්ලි ජාවාරම සුපුරුදු පරිදි කරගෙන යනවානම් එය වඩාත් හොද බව මැක්වුඩ් සේවකයන්ගේ අදහසයි.  මැක්වුඩ් හි සමහර ප්‍රධාන කොටස්කරුවන් පසුගිය වසර 2 ක තුල අගලවත්ත වැවිලි සමාගමෙන් රුපියල් බිලියන ගණන් මුදල් ලාභාංශ සහ කළමණාකරණ ගාස්තුව ලෙස වාසි ලබා යෙහෙන් වැඩඹුනහ. තේ, රබර් මිල ලෝකයේම මේ වන විට පහත වැටී ඇති බැවින් වැවිලි  සමාගම් බලවත් අරගලයක යෙදී සිටින බව සියල්ලන්ම දනී. මේ ගැන කිසිත් නොතකන බලලෝභී වූ නෝනිස් පවුලේ සමහර සාමාජිකයන් වැඩි මුදලක් අත්පත් කර ගැනීමට මෙසේ බලය ඩැහැ ගැනීමට උත්සාහ කරයි.  එසේම බලයට පොරකන්නේ නැති අයව පන්නා දමයි.

රබර් වල මිල ලාභදායි වූවට මේ කණ්ඩායම මෙම වතුවලින් මුදල් ලබා ගනිමින් වාසි ලබා ගන්නා අතරම ලාභාංශ  සහ කළමණාකරණ ගාස්තු වෙනුවෙන් කොටස්කරුවන් ලෙස තරඟ කරයි. එනමුත් සේවකයන් වෙනුවෙන් රජයට ගෙවිය යුතු EPF සහ ETF ව්‍යවස්ථාපිත ගෙවීම් පවා පැහැර හැර තිබේ.

අගලවත්ත වැවිලි සමාගම අගාධයට යාමත් සමග සමහර අත්‍යවශ්‍ය දේවල් සඳහා මැක්වුඩ් ගෘප් විසින් සහාය දී තිබේ. මැක්වුඩ්හි කෑදර අයිතිකරුවන් බලය වෙනුවෙන් අධිකරණයට යන තෙක්ම මෙම විනාශය නැවතුනේ නැත. දහස් ගණන් සේවකයන් අනතුරේ නොහෙලා මෙම වැදගත් කතෝලික පවුලට පෞද්ගලිකව තම පවුලේ ගැටළුව පල්ලියේ අනුග්‍රහය ලබා ගනිමින් විසදා ගැනීමට හැකිව තිබුනි.

අනවශ්‍ය ප්‍රසිද්ධියක් හිමිවූ නීතිමය කටයුතු වල ප්‍රතිඵලයක් ලෙස,  අගලවත්ත ප්ලාන්ටේෂන් හි මූල්‍ය තත්වය ඉතා නරක අතට හැරිණි. 
සියළුම බැංකු සහ මූල්‍යමය ආයතන මුදල් ලබා දීම වහා නවතා දැමුහ. සමහර මෙම පවුලේ පුද්ගලයන් පතුරවන ඕපාදූප ප්ලාන්ටේෂන් කම්පනිය වඩාත් අසරණ තත්වයට පත් කෙරිණි.  තැරැව්කරුවන්, සැපයුම්කරුවන් සහ සමහර කොටස්කරුවන් අගලවත්ත ප්ලාන්ටේෂන් සමග ගනුදෙනු කිරීම සම්බන්ධයෙන් කලබලයට පත්ව සිටිති.

අහිංසක වතු සේවකයන්ට මුදල් නොලැබී ගියද ප්‍රධාන කොටස්කරුවන්ට මෙයින් බලපෑමක් නොවේ.  ලැයිස්තු ගත සමාගම්වල  විදේශ ගත මුදල් ආයෝජනය කරන අගලවත්ත වැවිලි සමාගමේ මැලේසියානු කොටස්කරුවා ගේ ගැටළුව මෙහිදී වඩා උග්‍ර වේ. එක පැත්තකින් ආණ්ඩුව විදේශීය ආයෝජකයන්ට ආරාධනා කරන ගමන් අනෙක් පසින් එසේ මෙරටට පැමිණි විදේශ ආයෝජකයන් ආරක්ෂා කිරීමට උත්සාහ නොගනියි.

මෙය කිහිප දෙනෙකුගේ කෑදරකම සහ උඩගුකම නිසා සිදුවන්නකි. එබැවින් දිස්ත්‍රික්ක තුනක විසිරීසිටින දහ දහසකට අධික ජනතාවගේ ජීවිත අනතුරේ හෙලා මව්බිමේ කීර්ති නාමය කෙලෙසීමට ඉඩ දිය යුතුද?

වෛද්‍ය ක්‍රිස් නෝනිස් මෙන්ම පසුගිය වසරේ දෙසැම්බර් මස 31 වෙනි දින දක්වා සමාගමේ අධ්‍යක්ෂකවරියක් ලෙස කටයුතු කළ ඔහුගේ වැඩිමහල් සොයුරිය නිර්මලී සමරතුංග මහත්මියද මේ සම්බන්ධයෙන් එකා මෙන්ම වගකිවයුතු බව මැක්වුඩ් සමාගම් සමූහයේ සේවකයන්ගේ මතයයි.

නෝනිස් පවුලේ අවුලෙන් පවුල් දහදාහක් මහමඟට.

Read More


ථෙරවාදී බුදු දහම ආරක්ෂා කර පෝෂණය කිරීම සඳහා වූ වගකීම නිරන්තරයෙන්ම රජය විසින් දරන බව අග්‍රාමාත්‍ය කාර්යාලය විශේෂ නිවේදනයක් නිකුත් කරමින් සඳහන් කරයි‍.

එම නිවේදනයේ මෙසේද සඳහන් වේ.

නව ආණ්ඩුක්‍රම ව්‍යවස්ථාව පිළිබඳ සමාජය පුරා විවිධ දුර්මත පැතිරවීමේ සංවිධානාත්මක ව්‍යාපාරයක් ක්‍රියාත්මක වෙමින් පවතින බව අපගේ අවධානයට ලක් වී ඇත. ආණ්ඩුක්‍රම ව්‍යවස්ථා කෙටුම්පතක් හෝ ඒ පිළිබඳ පදනම් ලියැවිල්ලක් හෝ මෙතෙක් සකස් කොට නොමැත. එසේ වී තිබිය දී නව ආණ්ඩුක්‍රම ව්‍යවස්ථාවට එක් එක් ආකාරයේ වගන්ති ඇතුළත් වී ඇතැයි සිදු කෙරෙන ප්‍රකාශයන්හි කිසිදු පදනමක් නොමැත.

විශේෂයෙන්ම බුදු දහම සම්බන්ධව වත්මන් ආණ්ඩුක්‍රම ව්‍යවස්ථාවෙන් පනවා ඇති වගන්ති සංශෝධනය කිරීමක් හෝ වෙනස් සිදු කරන බවට පළ කෙරෙන මත සම්පූර්ණයෙන්ම සාවද්‍යය. ථෙරවාද බුදුදහම ආරක්ෂා කොට පෝෂණය කිරීම සඳහා වූ වගකීම් නිරන්තරයෙන්ම රජය විසින් දරනු ඇත.

අග්‍රාමාත්‍ය රනිල් වික්‍රමසිංහ මහතාගේ සභාපතිත්වයෙන් යුතු ව්‍යවස්ථා මෙහෙයුම් කමිටුව විසින් මෙතෙක් සාකච්ඡා කර ඇත්තේ මැතිවරණ ක්‍රමය, පළාත් සභා වෙත බලය බෙදා දීමේ ලැයිස්තු සහ විධායක ජනාධිපති ක්‍රමය පිළිබඳ පමණි.

නව ආණ්ඩුක්‍රම ව්‍යවස්ථාව පිළිබඳ මහජන අදහස් විමසීමක් සිදු කෙරිණි. එහි අරමුණ වූයේ ව්‍යවස්ථාව සකස් කිරීමේ දී ජනතාවගේ අදහස් සඳහා ද නියෝජනයක් ලබාදීමය. එහි දී ජනතාව සිය සිතැඟි පරිදි විවිධ අදහස් පළ කළහ. එම ජනතා අදහස් දැන් ප්‍රසිද්ධියට පත් කර ඇත. එය ව්‍යවස්ථා කෙටුම් පතක් නොවේ. ජනතාව ඉදිරිපත් කළ අදහස් විවෘත හා විනිවිද අයුරින් එළිදැක්වීමක් පමණි. ඒ අදහස් ව්‍යවස්ථාව සකස් කිරීම සඳහා පත් කර ඇති පාර්ලිමේන්තු අනු කමිටු වෙත ඉදිරිපත් කෙරෙනු ඇත. ඒ ඒ අනු කමිටු විසින් රටේ අනාගතයට, සුබ සිද්ධියට හා අනාගතයට ගැලපෙන ජනතා අදහස් ව්‍යවස්ථා සම්පාදනයේ දී සැලකිල්ලට ගනු ඇත.

අගමැති කාර්යාලයෙන් විශේෂ නිවේදනයක්.

Read More

Monday, June 27, 2016


හිටපු අමාත්‍ය බැසිල් රාජපක්ෂ මහතාගේ මූලිකත්වයෙන් පිහිටුවීමට යන නව පක්ෂයේ සංවිධාන කටයුතු බදුල්ලෙන් ආරම්භ කිරීමට නියමිත බවට දැනගන්නට ලැබී ඇති බව නගර සැලසුම් හා ජල සම්පාදන රාජ්‍ය ඇමතිනි සුදර්ශනී ප‍්‍රනාන්දුපුල්ලේ මහත්මිය පැවසුවාය.

ඇය මේ බව අනාවරණ කළේ කටාන නිදහස් පක්ෂ කාර්යාලයේ පැවති මාධ්‍ය හමුවකට එක්වෙමිනි.

ආණ්ඩු විරෝධයක් දක්වන මුවාවෙන් නිදහස් පක්ෂයට එරෙහිව නව පක්ෂයේ වැඩකටයුතු ආරම්භ කිරීමට සැලසුම් කර ඇති බවත් හිටපු අමාත්‍ය බැසිල් රාජපක්ෂ මහතා නව පක්ෂය ආරම්භ කිරීමේ සංවිධාන කටයුතු සිදුකරමින් සිටින බවත් ඇය හෙළි කළේය.

ශ්‍රීලනිපයේ පලාත් පාලන මැතිවරණය ඉලක්ක කරගනිමින් අළුත් පක්ෂයක් නිර්මාණය කිරීමට තමන් විරුද්ධ බවත් එවැනි පක්ෂයක සාමාජිකත්වය ගන්නේ එජාපයේ හෝ ජවිපෙ සාමාජිකයින් නොවන බව පෙන්වා දුන් රාජ්‍ය අමාත්‍යවරිය එම නව පක්ෂයේ සාමජිකත්වය ගන්නේ ශ්‍රී ලංකා නිදහස් පක්ෂයේම අය බවත් සඳහන් කළාය.

මේ නිසා ශ්‍රීලනිපයේ ජයග්‍ර‍හණය නැතිවෙන බවත් මෙය එජාපයේ ඩීල් එකක්දැයි තමාට සිතෙන බවත් ඇය පෙන්වා දුන්නාය.

මේ අතර බදුල්ල ප්‍රදේශයේ පැවැති උත්සවයකදී මහා මාර්ග රාජ්‍ය අමාත්‍ය ඩිලාන් පෙරේරා මහතා පැවසූවේ බැසිල් රාජපක්ෂ මහතා ශ්‍රී ලංකා නිදහස් පක්ෂය යළි බිඳ දැමීමට සූදානම් වන බවයි.

ඔහු පෙන්වා දෙන්නේ මහින්ද රාජපක්ෂ මහතාගේ පරාජයට ප්‍රධාන වගකිව යුත්තා වන්නේ බැසිල් රාජපක්ෂ මහතා බවයි.

ඉදිරි ජනාධිපතිවරණයේදී ශ්‍රී ලංකා නිදහස් පක්ෂය සඳහා අපේක්ෂකයෙකු තෝරා ගත යුතු බව ද අමාත්‍යවරයා වැඩිදුරටත් පැවසී ය.

බැසිල්ගෙ අලුත් පක්ෂය එජාපයේ ඩීල් එකක්?

Read More


තොරතුරු දැන ගැනීමේ පනත 2001 එක්සත් ජාතීක පක්ෂ ආණ්ඩුව කාලේ රනිල් වික්‍රමසිංහ අග්‍රාමාත්‍යතුමා තමයි සමාජයට ඉදිරිපත් කළේ යැයි පාර්ලිමේන්තු මන්ත්‍රී එස්.එම් මරික්කාර් මහතා ගංවතුර නිසා දේපල හානි වූ ජනතාවට රු.10000 බැගින් වන්දි ලබා දීමේ වැඩසටහනේ දෙවැනි අදියරේදී පැවසීය.

එහිදී  මන්ත්‍රීවරයා දැක්වූ අදහස් සම්පුර්ණයෙන් පහතින්,

"දැනුවත් පුද්ගලයින් සිටින රටක ප්‍රජාත්‍රන්ත්‍රවාදය නිවැරදි ලෙස ස්ථාපිත වෙනවා. ඒ නිසා ජනතාවට රාජ්‍ය ආයතන වලින් රජයේ නිලධාරින්ගෙන් තමන්ට රජයේ කෙරෙන දේවල් ගැන තොරතුරු දැන ගැනීමේ අයිතියක් තියෙනවා. නමුත් පසුගිය අවුරුදු 10 ක කාලේ මෙම පනත සම්මත වුනේ නෑ. මෙම පනත සම්මත නොවුන නිසා තමයි වරායේ සිට ගුවන් තොටුපල ,අධිවේගී මාර්ගය සිට ගමේ පාර ගමේ බොක්කුව ඉදලා හොරකම් කරපු විදිහ ජනතාවට දැන ගන්න පුලුවන් වුනේ නැත්තේ. දැන් මේ පනත සම්මත වුනා ඒ නිසා අද ඉදලා අපේ රටේ ඕනෑම පුරවැසියෙක්ට පුලුවන් තමන්ගේ ගමේ පාර හදන්න කීයක් වියදම් වුනාද, බෝක්කුව හදන්න කීයක් වියදම් වුනා ද කී දෙනෙක් ටෙන්ඩර් එකට දැම්ම ද යන තොරතුරු දැන ගන්න පුලුවන් , මේ නිසා රජයේ ඕනෑම ව්‍යාපෘතියක තොරතුරු ලබා ගැනීමේ හැකියාව ජනතාවට තියෙනවා. මේ නිසා ඔලමොට්ටල සමාජයක් නිර්මාණය කරන්නේ නැතිව දැනුමෙන් පිරිපුන් සමාජයක් නිර්මාණය කිරීම ඉතාම අත්‍යාවශ්‍ය වෙනවා. ළමයි වඩා ගෙන පිටට තට්ටුවක් දාලා හොරකම් කරන එක ප්‍රජාත්‍රන්ත්‍රවාදය නෙමෙයි.

එමෙන්ම එතුමා තවදුරටත් මෙලෙස අදහස් දක්වන ලදී. මේ ළගදී බ්‍රිතාන්‍යයේ තිබුණා ජනමත විචාරණයක්. යුරෝපා සංගමයෙන් බ්‍රිතාන්‍යය   ඉවත් විය යුතු ද නැද්ද කියලා. එතකොට එංගලන්ත අග්‍රාමාත්‍ය ඩේව්ඩ් කැමරන් නියොජනය කළ මතය තමයි යුරෝපා සංගමය තුළ තවදුරටත් සිටිය යුතුයි කියන එක. හැබැයි මහා බ්‍රිතාන්‍යයේ බහුතරයක් ජනතාව එතුමාගේ මතය පරාජයට පත් කළා. ඒ නිසා එතුමා ප්‍රජාත්‍රන්ත්‍රවාදයට ගරු කරනා මහජන නියෝජිතයෙක් විදිහට පීළිගත්තා මැතිවරණයකින් තමන් පරාජයට පත් නොවුනත් තමන් නියෝජනය කරන මතය තම රටේ ජනතාව තමන්ගේ මතය පරාජයට පත් කරපු නිසා තවදුරටත් මේ රටේ ජනමතයක් නෑ ඒ නිසා ජනමතයට ගරු කරලා තමන් තනතුරෙන් ඉවත් වෙනවා කියලා කියන්න තරම් එතුමා නිහතමානී වුනා. දැන් අපේ රටේ නම් තමන් නියෝජනය කරන මතයත් පරාජයට පත් කරලා, තමන්වත් පරාජයට පත් කරලා , දෙවැනි පාර අගමැතිකමට ඉල්ලලා එකෙනුත් පරාජයට පත් කරලා. ආයිත් තුන්වෙනි පාර මැයි රැලියෙනුත් පරාජයට පත් කරලාට පස්සේ කියනවා අප්පච්චීත් එක්ක නැගිටිමු කියලා. එංගලන්තයේ ප්‍රජාත්‍රන්ත්‍රවාදයට ගරු කරන විදිහ මේකයි. මෙහේ ප්‍රජාතන්ත්‍රවාදයට විනාශ කරන විදිහ මේකයි. දැන් ලෝකයේ  සමාජය වෙනස්, තාක්ෂණය දියුණුයි. මිනිසුන්ට තොරතුරු හංගන්න බෑ. ගමේ විතරක් නෙමෙයි මුලු ලෝකයේම වෙන්නේ මොනවද කියලා මිනිස්සු දන්නවා. ඒ නිසා ජනමතයට ගරු කරන්න හැම දේශපාලඥයාම ඉගෙන ගන්න අවශ්‍යයයි කියන එක අපි විශ්වාස කරනවා."

තොරතුරු දැනගැනීමේ පනත ගෙනාවේ 2001.

Read More


කුප්‍රකට ව්‍යාපාරික හැරී ජයවර්ධන මහතා ඊයේ (27) රාත්‍රි ආහාර වේල ගෙන ඇත්තේ සංචාරක අමාත්‍ය ජෝන් අමරතුංග හා අග්‍රාමත්‍ය රනිල් වික්‍රමසිංහ මහතාට මැදිව කොළඹ සමාජ ශාලාවේදී (Colombo Club) ය.

මේ බව හෙළිව ඇත්තේ ෆේස්බුක් සාමාජ ජාලය වෙත මුදා හැරුණු ඡායාරූපයක් නිසාය.

එම ජායාරූපයත් සමඟ හිටපු ජනපතිනි චන්ද්‍රිකා බණ්ඩාරණායක මහත්මියගේ කිට්ටුම ව්‍යාපාරිකයෙක්ව සිටි හැරීගේ අලුත් අඩව්ව ගැන ෆේස්බුක් සමාජ වෙබ් ජාලයේ නොයෙක් අදහස් මතුව තිබේ.


ජෝන්ට හා රනිල්ට මැදිවූ හැරී ගැන කතා පැතිරෙයි.

Read More


ශ්‍රී ලංකා ආර්ථිකයේ විදේශීය අංශය සැලකූ විට අපනයන පහළ යෑමට වාඩ ඉහළ අගයකින් ආනයන අඩුවීම හේතුවෙන් 2016 වසරේ පළමු මාස හතර තුළදී වාර්ෂික ලක්ෂ්‍යමය පදනම මත වෙළෙඳ ගිණුමේ හිඟය 2.4% කින් අඩු වී ඇති බව ශ්‍රී ලංකා මහ බැංකුව පවසයි.

මේ අතර, 2016 ජනවාරි සිට මැයි දක්වා කාලය තුළ සංචාරක ඉපැයීම් 18.4% කින් වර්ධනය වී ඇති බවද ඇස්තමේන්තු කර ඇති අතර, සේවා නියුක්තිකයන්ගේ ප්‍රේෂණද 2016 වසරේ ජනවාරි සිට අප්‍රේල් දක්වා කාලය තුළ 4.7% කින් ඉහළ යෑමක් වාර්තා කර තිබේ.

මේ අතර, 2016 මැයි මාසය අවසනය වනවිට දළ නිල සංචිත ප්‍රමාණය ඇ.ඩො.බිලියන 5.6 ක් ලෙස ඇස්තමේන්තු කර ඇති බවද ශ්‍රී ලංකා මහ බැංකුව පවසයි


ආර්ථිකය හොඳ අතට - වෙළෙඳ ගිණුමේ හිඟය අඩුවේ.

Read More

© 2014 - 2016 Info Sri Lanka News| - Everywhere for You |Info Sri Lanka News Network | An INSEL Holdings Group Company | Designed and Developed By INSEL
Scroll To Top