>

Monday, July 25, 2016

NEW

මේ මොහොතේ ඉතිහාසය විසින් අප ඉදිරියේ කැණෙමින් තිබෙන වළේ ගැඹුර සහ පරිමාව වහාම හඳුනා ගන්න කියා බල කරනවා නම් ඒ වෙනුවෙන් හඬ නඟනවා හැරෙන්නට කිරීමට වෙන කිසිවක් අප ඉදිරියේ ඉතිරි වී නැහැ.

සතුරු බලවේගවල න්‍යාය පත‍්‍රයට ඇද වැටිලා ඒ උගුලේ හිරවෙලා ගොඩ ඒමට බැරි ප‍්‍රපාතයකට අද මේ රට වේගයෙන් ඇදගෙන යමින් තිබෙනවා. මෙවැනි අවස්ථාවල දී අප ඉතිහාසය පුරාම ඊට එරෙහිව නැගී සිටියා. අද නැවතත් එවැනි නැගී සිටීමක්, ලක් මාතාවගේ දූ පුතුන්ගෙන් ඉතිහාසය ඉල්ලා සිටිනවා. ඒ නිසා අපි ඒ අනතුර තේරුම් ගෙන ඊට එරෙහිව නැගී සිටිය යුතු වෙනවා......”

පසුගිය දා විහාරමහාදේවී උද්‍යානයේ දී මෙහෙම පටන් ගත්තු කතාව අවසන් කළේ මෙසේය.

”.....අතීතයේ දී අපේ රණකාමී මුතුන් මිත්තෝ ඒ බලය උපද්දවලා තිබෙනවා. අපි කවර අන්දමේ හෝ දඩයමකට මුහුණ දීමට සූදානම්. අද මේ දඩයම පරදවන්න ජනතාව පෙරට ආ යුතුයි. මේ දඩයම පැරදවිය යුත්තේ වෙන කුමක් නිසාවත් නොවෙයි, මේ රට මේ පරගැති හවුලේ උගුලෙන් බේරා ගැනීමට හැක්කේ දඩයමට ගොදුරුව ඇති ජාතිකවාදී නායකයන්ට නිසයි. මේ පරගැති ගමන පැරදවීමට ලක් මෑණියන්ගේ සූජාත දූ පුතුන් ලෙස පෙරමුණ ගනිමු. රණකාමීව ඉදිරියට එමු. රණවිරුවන් වෙනුවෙන්, ජාතික ආරක්ෂාව වෙනුවෙන් සටන් අවුළුවමු! සටන පෙරට ගෙන යන්න ඔබ සැමට ශක්තිය, ධෛර්යය, යෝධබල යෝධ වීර්යය ලැබේවා!.

මාතෘ භූමියට ජයවේවා! 
කෲර, පරගැති ආණ්ඩුව භංග වේවා!....”

පටන් ගැන්මයි අවසානයයි දක්වා පැය ගාණක් තිස්සේ තවත් වැල්වටාරම් රැසක් ඇද බාපු විමල් වීරවංශ මේ කතාව පුරා කියන්නට ගත්තේ තමන්ව දඩයමට ගැනීමට උත්සාහ ගන්නේ මේ මාතෘ භූමිය රැක ගැනීමේ මහා දේශපේ‍්‍රමී අරගලය මොට කිරීම සඳහා බවය.

ඊනියා දේශපේ‍්‍රමය හැර විමල්ට තවත් විකුණන්න දෙයක් නැත. එහෙත් මේ කොලටි බාල දේශපේ‍්‍රමයට අසුවෙලා ඒ ගෙඩි පිටින් මිලදී ගන්නා මෝඩයන් දැන් ලංකාවේ අඩු බව විමල් නොදන්නවා ද නොවේ. එහෙත් දිවි පැවැත්ම වෙනුවෙන් වෙන කළ හැක්කක් නැත.

හෙට අනිද්දාම තමන් ද නීතියේ ගොදුරක් වීම වැළැක්විය නොහැකි බව ද ඔහු දනී. දේශපේ‍්‍රමයෙන් වසන් කළ ඔහු කළ කී වංචා දූෂණ තක්කඩිකම්, කුප්පකම් සදාකාලික රහස් ලෙස සැඟව යනු ඇති බව රාජපක්ෂ සමයේ දී ඒ රාජකීය බොජුන් වැළඳූ කාලයේ දී ඔහු කල්පනා කරන්නට ද ඇත. එහෙත් ඒ වැරැදි කල්පනාව නිසා එදා කාපුවා දැන් දිරවාගත නොහැකිව තිබෙන බව ද පැහැදිලිය. යළි දේශපේ‍්‍රමයේ සිංහල ජාතිවාදයේ එල්ලී වත්මන් ආණ්ඩුව පෙරළා දමා යළි රාජපක්ෂ දූෂිත පාලන තන්ත‍්‍රයම පිහිටුවා ගැනීමට දඟලන්නේ එබැවින්ය.

වීරවංශ පසුගිය කාලයේ කර තිබෙන වංචා දූෂණ අක‍්‍රමිකතා අනුව හොර පාස්පෝට් මගඩිය සුළු කාරණයකි. රාජ්‍ය මුදල් අයථා පරිහරණය ඥාති සංග‍්‍රහ සහ තමන්ගේ ජාතික නිදහස් පෙරමුණ රජයේ මුදලින් නඩත්තු කිරීම ඒ අතර ප‍්‍රධානය.

මේ මහා දේශපේ‍්‍රමියාගේ පවුල් පේ‍්‍රමය, දේශපේ‍්‍රමයට වඩා වැඩි බව පවුලේ ඥාතීන් වෙනුවෙන් කර තිබෙන මගඩි වැඩ අනුව පැහැදිලිය.


සියල්ලටම කලින් විමල් වීරවංශ තමන්ගේ පෞද්ගලික ලේකම්වරයා ලෙස තමන්ගේ සහෝදරයාව (සරත් වීරවංශ) පත් කර ගත්තේය. ඔහුට වැටුප් ගෙව්වේ රජයෙනි. ඒ අතරේ දී ඇමැතිගේ කාර්යමණ්ඩලය සඳහා යැයි කියමින් JV 5351, KH 6810, KH 5211, GD 7231, KG 0356 සරත් වීරවංශ සිය පරිහරණය සඳහා යොදා ගෙන ඇත. එතැනින් නොනැවතී ඔහුගේ බිරිඳ වන නන්දනී ශ‍්‍රියාලතා නමැත්තියගේ නමින් වන KT 5335 දරන මොන්ටෙරෝ ස්පොර්ට් රථයේ අංකය පමණක් ජනාධිපති ලේකම් කාර්යාලයේ වාහන සංචිතයට ඇතුළත් කර මාසිකව රුපියල් 150,000ක් වංචාකාරී ලෙස ලබා ගෙන ඇත. ඊට වැට් බදු ද අය කරගෙන ඇති අතර ඒ අනුව 168,000 බැගින් ලබා ගෙන ඇත. (අද වීරවංශ වැට් බදු විරෝධියෙකි.) වසරකට අධික කාලයක් තිස්සේ මේ වංචාව සිදු කර ඇත. නමුත් පැරැදී ගෙදර යන විට මේ වංචාවලට අදාළ ලිපි ගොනු ද විනාශ කර ඇති බවට සැක කෙරේ. මේ සම්බන්ධයෙන් වන විමර්ශනවල දී එම ලිපිගොනු රැසක් අතුරුදන් බව අනාවරණය වී ඇත.

මේ අතර විමල් වීරවංශගේ අමාත්‍යාංශය යටතේ වූ නිවාස අධිකාරිය මඟින් මත්තෙගොඩ ඉදිකරන ලද නිවාස යෝජනා ක‍්‍රමයේ ලොට් අංක 16 නිවස වීරවංශගේ සහෝදරියගේ ස්වාමි පුරුෂයා වන ඩබ්ලිව්. පේ‍්‍රමසිරිට ලබා දී තිබූ අතර එම නිවසේ වටිනාකම රුපියල් 10,178,371ක් (එක්කෝටි එක්ලක්ෂ හැත්තෑ අටදහස් තුන්සිය හැත්තෑ එකක්) වූ නමුදු එය ලබා දී තිබුණේ දසලක්ෂ පනස් දහසක මුදලකටය. එම නිවාස යෝජනා ක‍්‍රමයේ ලොට් අංක 10 රුපියල් කෝටියක් වන නිවස වීරවංශගේ බාල සහෝදරයා වන පී. පී. ජී. ආනන්දට ලබා දී තිබුණේ ද ලක්ෂ 20කට ය.

කහතුඩුව නිවාස යෝජනා ක‍්‍රමයේ අංක 05 දරන රුපියල් 78 ලක්ෂයක් වන නිවස වීරවංශගේ සහෝදරියගේ පුතා වන වසන්ත කුමාරසිංහට රුපියල් 11 ලක්ෂයකට ලබා දීම සිදු කර ඇත.

කඩුවෙල නිවාස යෝජනා ක‍්‍රමයේ අංක 10 නිවස වීරවංශගේ නෑනා වන අයි. එම්. රණවීරට දී තිබුණේ ලක්ෂ 7ක මුදලකටය. එහි වටිනාකම ලක්ෂ 85 කි. මේ සම්බන්ධයෙන් මේ වන විට අල්ලස් කොමිසම හමුවේ පැමිණිල්ලක් ද ගොනු කර ඇත.

එමෙන්ම නිවාස සහ ඉදිකිරීම් අමාත්‍යාංශය යටතේ පවතින සමාගමක් වන 'ඕෂන් වීව් ඩෙවලොප්මන්ට් සමාගම' මඟින් නවීනතම වාහන දෙකක් මිලදී ගෙන එක් වාහනයක් (KK 8841) වීරවංශගේ ඥාති පුත‍්‍රයකු වන සාරංග හිරෝෂ්මන් කුමාර නමැති අයගේ පරිහරණයට ලබා දී ඇත. ඔහු මෙම සමාගමේ කොන්ත‍්‍රාත් පදනම මත සිටි සාමාන්‍ය සේවකයෙකි. අනෙක් රථය (KK 8851) වීරවංශගේ අනුගාමිකයකු වන ප‍්‍රසාන්ත ඩයස් යන අයට ලබා දීම සිදු කර ඇත.

මේ අතර වීරවංශට ඉතා සමීප ප‍්‍රකට ව්‍යාපාරිකයකු වන ජපන් සමන්ට රජයට අයත් බම්බලපිටියේ ඕෂන් වීව් ගොඩනැගිල්ලේ පහත මාලය මාසික කුලිය රුපියල් 50,000ක වැනි සුළු මුදලකට ලබා දීම සිදු කර ඇත. එවකට එහි තක්සේරු කුලී වටිනාකම රුපියල් ලක්ෂ 5 ඉක්මවීය.

විමල්ගේ පවුල මෙන්ම ඔහුගේ ජාතික නිදහස් පෙරමුණ ද නඩත්තු වූයේ මහජන මුදල් අයථා ලෙස ලබා ගනිමින් බවට මේ වන විට හෙළිව තිබේ. පසුගිය කාලයේ රටේ මැතිවරණ ආසනයක් පාසා පවත්වාගෙන ගිය පක්ෂ කාර්යාල සියල්ලම මහජන මුදලින් නඩත්තු වූ බවත් ඒ සෑම කර්යාලයකම සේවකයන් දෙදෙනකුට රජයේ ආයතන හරහා වැටුප් ගෙවූ බවට ද චෝදනා එල්ල වී තිබිණි. ඒ අනුව රාජපක්ෂ සමයේ දී ජාතික නිදහස් පෙරමුණට ජනාධිපති කාර්යාලයේ වාහන 7ක් ලබා ගැනීමට තරම් වීරවංශට බලයක් තිබී ඇත. වෙනත් පෞද්ගලික හිමිකරුවන්ට අයත් එම වාහන සඳහා මිලියන ගණනක් මාසික කුලිය ලෙස ගෙවීම ජනාධිපති කාර්යාලය මඟින් සිදුකර ඇත. ජනාධිපති කාර්යාලය මඟින් වාහන ලබා දෙන්නේ එම කාර්යාලයට අනුයුක්තව සිටින නිලධාරීන්ට පමණක් නමුත් මෙලෙස වාහන ලබා ගත් කිසිවකුත් එම කාර්යාලය හා සම්බන්ධව කටයුතු කර නැත. පහත වගුවේ එලෙස ලබා ගත් පුද්ගලයන්, වාහන අංක සහ ගෙවූ මිල ගණන් දැක්වේ.

Wimal letter 1

මේ අතර ඉංජිනේරු සංස්ථාව විසින් වාහන 40 ක ප‍්‍රමාණයක් ද පෞද්ගලික හිමිකරුවන්ගෙන් කුලී පදනම මත ලබාගෙන වීරවංශගේ පක්ෂයේ සාමාජිකයන්ගේ පරිහරණය වෙත ලබා දී තිබේ. මොවුන් ඇමැති කාර්ය මණ්ඩලය ලෙස හඳුන්වා මෙම වංචාසහගත ක‍්‍රියාව සිදු කර ඇත. මේ සම්බන්ධයෙන් දැනට සොයාගෙන ඇති ලිපි ගොනු අනුව මිලියන 41ක මුදලක් (වාහන කුලිය ලෙස පමණක්) මේ වාහන වෙනුවෙන් ඉංජිනේරු සංස්ථාව වැය කර තිබේ. වීරවංශගේ ප‍්‍රචාරක ලේකම් මුසම්මිල් ද වාහන මගඩියකට චෝදනා ලැබ මේ වන විටත් රිමාන්ඞ් භාරයේ පසුවේ.

මෙම වාහන ලබා ගත් පිරිස අතර පසුගිය රාජපක්ෂ සමයේ දී සිංහල බෞද්ධ වර්ගවාදය අවුළුවා රට ගිනිබත් කළ කහකඩධාරියකු වන ඉත්තෑකන්දේ සද්ධාතිස්ස ද සිටී. සිංහල රාවය නම් ජාතිවාදී සංවිධානය මෙහෙයවූයේ ඔහු විසිනි. එමෙන්ම මේ අතර ප‍්‍රකට ජනමාධ්‍යවේදීන් කිහිප දෙනෙක් ද සිටිති.

එමෙන්ම ඉංජිනේරු සංස්ථාවෙන් වැටුප් ලබා ගත්, නමුත් කිසි දිනෙක එම සංස්ථාවේ හෝ අනුබද්ධ ආයතනයක, වැඩ බිමක කිසිදා සේවය නොකළ වීරවංශගේ පක්ෂ සාමාජිකයන් වන 60 දෙනකු ගැන ද සියලූ තොරතුරු මේ වන විට හෙළිව තිබේ. මොවුන් වසර හතර හමාරක කාලයක් එලෙස වංචාසහගතව වැටුප් ලබා ගෙන ඇත. ඒ අතර ජාතික නිදහස් පෙරමුණ නියෝජනය කර මහජන නියෝජිතයන් වූ සූරියවැව ප‍්‍රාදේශීය සභාවේ සභාපති සුජිත් මුතුකුමාරණ, මොරටුව නාගරික මන්තී‍්‍ර සුරේෂ් ඉන්දික, පක්ෂයේ දේශපාලන මණ්ඩල සභික සුසිල් සමන්ත කුමාරසිංහ යන අය ද වෙති. මීට අමතරව සේවය ස්ථිර කරගත් ජානිපෙ සාමාජික සාමාජිකාවන් රැසක්ම මේ වන විට වීරවංශ යටතේ වූ ආයතනවල සේවය කරති.

පවුලට ද පක්ෂයට ද හිතවතුන්ට ද අත දිගහැර රටේ මහජනයාගේ මුදල්වලින් සුර සැප විඳීමට සැලැස්වූ වීරවංශගේ දේශපේ‍්‍රමය ගැන තවත් අමුතුවෙන් කිව යුතු නැත.

එහෙත් වීරවංශ අනුන්ට කළාට තමුන්ට මොනවාවත් කර ගත්තේ නැතැයි හැඟීමක් අපේ පාඨකයාට හැෙඟන්නට ඉඩ තිබෙන බැවින් මේ හරියත් සටහන් කළ යුතුව තිබේ.

නිවාස ඉදිකිරීම් අමාත්‍යාංශය මඟින් එක්කෝටි හතළිස් ලක්ෂයක් වැය කර දිනපොත් මුද්‍රණය කිරීමේ හොර මගඩිය සම්බන්ධයෙන් වන චෝදනාව කෙළින්ම වීරවංශයේ ගිණුමට බැර වෙන්නකි. දිනපොත් 19,500 ක් සහ කැලැන්ඩර් 24,000 ක් මුද්‍රණය කරන බව පවසා මෙම මුදල් ලබා ගෙන ඇති නමුත් ඉතා සුළු දිනපොත් ප‍්‍රමාණයක් පමණක් මුද්‍රණය කර ඉතිරි මුදල් අයථා ලෙස පරිහරණයට ගෙන ඇත. එම මුදල් ජනාධිපතිවරණයේ ප‍්‍රචාරක කටයුතුවලට යොදා ගත් බව ද පැවසෙන නමුත් එය ද නීති විරෝධීය.

මීට අමතරව වීරවංශගේ බිරිඳ වන සහර්ශා උදයන්ති රණසිංහ නොහොත් සෂී වීරවංශ 2007 වසරේ දී රුපියල් මිලියන 11.7 ක මුදලක් ව්‍යාපාරිකයන්ට පොලියට ලබා දී ආදායම් ඉපදවීමට සලාකා කැසිනෝ සූදූ පොළෙහි හිමිකාරියක වන සුදර්මා නෙත්තිකුමාරට ලබා දී ඇති බව එවකට ද හෙළි විය. එය ලබා දුන් මුදලට වඩා වැඩි මුදලක් වංචාකාරී ලෙස සුදර්මා නෙත්තිකුමාරගෙන් ආපසු ලබා ගැනීමට යෑමේ දී වූ ගැටුම නිසා එය අධිකරණයට ද ගියේය. විමල් වීරවංශ ජනතා විමුක්ති පෙරමුණේ විප්ලවවාදී ආදර්ශය වෙමින් එහි ප‍්‍රචාරක ලේකම්වරයා ලෙසත් පාර්ලිමේන්තු කණ්ඩායම් නායකයා ලෙසත් කටයුතු කරමින් සිටිය දී බැසිල් රාජපක්ෂ සමඟ ගැසූ ඩබල් ගේම් අසු වී ඉන් ඉවත් කර මාස කිහිපයක් තුළ මිලියන එකොළහක් පොලියට දීමට තරම් වත්කමක් උපයා ගැනීම බරපතළ සැකයට තුඩු දෙන්නකි. එවකට ජවිපෙ පැවසුවේ ඔවුන්ගේ පාර්ලිමේන්තු වැටුප ද ඔවුන් ලබා නොගන්නා බවය.

එමෙන්ම ඊටත් වසරකට පසුව කොළඹින් හේවාගම් කෝරළයේ පර්චස් 81.4ක ඉඩමක් ද මිලදී ගත්තේය. එම ඉඩමේ නිවාස දෙකක් මේ වන විට ඉදිකර ඇත. එම නිවාස දෙකේ රජයේ තක්සේරු වටිනාකම ලක්ෂ 50ක් හා ලක්ෂ 185ක් වශයෙන් දක්වා ඇත. වීරවංශ මහතාගේ කෝටි ගණනක් වන වත්කම් උපයාගනු ලැබුවේ කෙසේද යන්න සම්බන්ධයෙන් මේ වන විට මූල්‍ය අපරාධ විමර්ශන කොට්ඨාසය ද විමර්ශනයක් පවත්වාගෙන යයි. එමෙන්ම මෙම ඒකකයට වීරවංශ ගුවන් හමුදාවේ ගුවන් යානා පරිහරණයට ලබා ගෙන මුදල් නොගෙවීම සම්බන්ධයෙන් ද පැමිණිල්ලක් ලැබී ඇති බවත් වාර්තා වේ.

වීරවංශ දේශපේ‍්‍රමය පොලිෂ් කර ගැනීම සඳහා වීරවංශත් බිරින්දෑත් ඉංජිනේරු සංස්ථාවෙන්ම වැටුප් ගෙවමින් ගෙදර මෙහෙකාරකමට සේවකයන් තිදෙනකුව ලබාගෙන තිබිණි. ඉන් දෙදෙනකු දෙමළ ජාතික තරුණයකු හා තරුණියකි.

වීරවංශලාගේ දේශපේ‍්‍රමය දැන් දෝරේ ගලා යමින් තිබේ. මෙරට මහජනතාවගේ බදු මුදල් තමන්ගේ සුඛ විහරණය වෙනුවෙන් මේ තරම් නින්දිත ලෙස සහ ලැජ්ජාසහගත ලෙස යොදා ගත් වීරවංශලා තවමත් සිර මැදිරිවල නොලැග ඉන් බේරී සිටින්නේ ඇයිදැයි යන ප‍්‍රශ්නය මිසක් දේශපේ‍්‍රමය ගැන වෙනත් ප‍්‍රශ්න තිබිය යුතු නැත. දේශපේ‍්‍රමය නම් යුගයේ සටන් පාඨය විය යුත්තේ ”මේ රට කෑ හොරු සිටිය යුත්තේ සිර ගෙවල්වලය” යන්නය.



විමල් අත්අඩංගුවට ගන්නැත්තේ ආණ්ඩුවත් එක්ක ඩීල් එකක් නිසා ද?

Read More


මහින්ද රාජපක්ෂ යළි බලයට පත් කිරීමේ සිහිනයේ වෙලී සිටින දූෂිතයන්ගේ පාද යාත්‍රාව කොළඹට එන අගෝස්තු 01 වනදා බැසිල් රාජපක්ෂට ඇප ලබාගෙන වීරයකු ලෙස වේදිකාවට ගොඩකිරීමේ සැලැස්ම සම්බන්ධයෙන් එම කණ්ඩායමේ බහුතරයකගේ විරෝධය මහින්ද රාජපක්ෂ වෙත මේ වන විටත් දන්වා ඇතැයි වර්තාවේ. බැසිල් රාජපක්ෂව අත් අඩංගුවට ගැනීම මෙන්ම එළඹෙන අගොස්තු පළමුවෙනිදා අධිකරණයෙන් ඇප ලබා ගැනීමේ සැලසුම එක්සත් ජාතික පක්ෂයේ සහයෙන් සිදුවන කටයුත්තක් බවට මේවන විට තොරතුරු හෙළිවීම මත මේ විරෝධය එල්ල වී තිබේ.

බැසිල් රාජපක්ෂ එජාපයේ හා ඉන්දියාවේ රෝ සංවිධානයේ සහයෙන් ශ්‍රිලනිපය දෙකඩ කිරීමේ උත්සාහයක නිරතව සිටින බවත් ඊට කිසි සේත්ම ඉඩ ලබා දිය නොහැකි බවත් ඩලස් අලහප්පෙරුම, විමල් වීරවංශ ආදීන්ගේ විරෝධය එල්ල වී තිබෙන බව දැන ගැනීමට තිබේ. ශ්‍රි ලනිපය දෙකඩ කිරීමන් තමුන්ට අනාගාතයක් නැති බවත් එමඟින් සිදුවනේ එජාපය තවදුරටත් ශක්තිමත් වීම බවත් බැසිල් විරෝධීන් දිගින් දිගටම මහින්ද රාජපක්ෂ ට පෙන්වා දුන්නද මේ වන තුරුත් මහින්ද රාජපක්ෂ ඊට යහපත් ප්‍රතිචාරයක් දක්වා නැත. රාජපක්ෂ පවුලේ ආරංචි මාර්ග සඳහන් කරන්නේ තමනගේ පවුලේ සාමාජිකයන්ට එරෙහිව තිබෙන දූෂණ හා අපරාධ චෝදනා වලින් යම් සහනයක් ලබා ගැනීමට නම් අගමැතිවරයාගේ වුවමනාවන් සන්තර්පනය කිරීමට සිදුව ඇති බවය.

ඒ කෙසේ නමුත් බැසිල් රාජපක්ෂට ඇප ලබා ගැනීම සම්බන්ධයෙන් රාජපක්ෂ රෙජීම සමයේ අධිකරණ පද්ධතියම කෙලෙසු බවට චෝදනා ඇති නීති ක්ෂේත්‍රයේ කිහිප දෙනෙකු මුල්වී මේ පිළිබඳ සාකච්ඡාවට කිහිපයක් පවත්වා ඇති අතර ඊට සහභාගීවූ නීති ක්ෂේත්‍රයේ ප්‍රබලයෙකු පවසා ඇත්තේ තම සම්බන්ධතා මත අදාළ දිනයේදී ඇප ලබාගැනීමේ හැකියාව ඇති බවය. ඒ වෙනුවෙන් පසුගිය ජූලි 22 වනදා බැසිල් රාජපක්ෂ වෙනුවෙන් ඇප අයදුම්පතක් ගොනු කරන්නට නීතිඥයින් කණ්ඩායමක් කටයුතු කර ඇත්තේ ඒ අනුවය.

මේ වන විට බැසිල් රාජපක්ෂ සිර දඬුවම් වෙනුවට වෛද්‍ය වාර්තා ලබාගෙන රෝහල් ගතව සිටින අතර තමන්ගේ අගෝස්තු 01 වන දා ඇප ලබාගැනීමේ අවස්ථාව ආවරණය කර ඊට පුළුල් ප්‍රචාරයක් ලබා දීම වෙනුවෙන් මාධ්‍ය මෙහෙයුමක්ද රෝහලේ සිටින අතර තුර සංවිධානය කර ඇති බවද දැනගන්නට ඇත.

බැසිල් රාජපක්‍ෂව මුල්‍ය අපරාධ කොට්ටාශය මඟින් පසුගිය 18 වනදා අත්අඩංගුවට ගනු ලැබුණේ දිවි නැඟුම දෙපාර්තමේන්තුවේ ප්‍රාග්ධන වැය ශීර්ෂ ගිණුමෙන් රුපියල් මිලියන 36.5ක් වැය කර ජී.අයි. බට ගෙන ඒවා පසුගිය ජනාධිපතිවරණ ප්‍රචාරක කටයුතු වෙනුවෙන් පළාත් පාලන ආයතන වෙත බෙදා දුන් බව පවසන සිද්ධිය සම්බන්ධයෙන් පළමු වගඋත්තරකරු ලෙස නම් කරමින්ය.

පසුව එදිනම කඩුවෙල මහේස්ත්‍රාත් අධිකරණය වෙත ඉදිරිපත් කළ අතර කඩුවෙල මහේස්ත්‍රාත් ධම්මික හේමපාල මහතා විසින් අගෝස්තු 01 වැනිදා තෙක් බැසිල් රාජපක්‍ෂව රක්ෂිත බන්ධනාගාරගත කරන්නට නියෝග කරනු ලැබීය.

මේ අතර රාජපක්ෂ පාලන සමයේ සිදුවූවා යයි පැවසෙන වංචා දුෂණ කිහිපයක් සම්බන්ධයෙන් ජොන්ස්ටන් ප්‍රනාන්දු හා මහින්දානන්ද අලුත්ගමගේ යන හිටපු අමාත්‍යවරුන් ඉදිරි දින කිහිපයතුලදී අත්අඩංගුවට ගැනීමට නියමිත බව පොලිස් මුලස්ථාන ආරංචිමාර්ග පවසයි.

බැසිල්ව වීරයෙක් කිරීම එජාපයේ වැඩක් - ඩලස්ලා විමල්ලා අවුලෙන්?

Read More


රාජපක්ෂ පාලන කාලය තුළ සිරගත කර සිටි තමාට එක්වරක් පූසෙකු දමා තැබ්බූ අල හොද්දක් කෑමට දුන් බව නියෝජ්‍ය අමාත්‍ය පාලිත තේවරප්පෙරුම මහතා පවසයි.

අභ්‍යන්තර කටයුතු, වයඹ සංවර්ධන හා සංස්කෘතික කටයුතු අමාත්‍ය එස්.බි. නාවින්න මහතාට ලිපියක් යොමුකරමින් ඔහු මේ බව සඳහන් කර තිබේ.

පුවත්පතකට අමාත්‍යවරයා කළ ප්‍රකාශයකයට පිළිතුරු ලියමින් නියෝජ්‍ය අමාත්‍යවරයා මෙම ලිපිය යොමු කර තිබේ.

එසේම මෙම ලිපිය හරහා සිය දේශපාලන දිවියේ තීරණාත්මක කඩයිම් කිහිපයක්ද ඔහු විසින් අණාවරණය කර තිබේ.

එම සම්පූර්ණ ලිපිය පහතින්,

2016.07.21

අභ්‍යන්තර කටයුතු, වයඹ සංවර්ධන හා
සංස්කෘතික කටයුතු අමාත්‍ය,
ගරු එස්.බි. නාවින්න මැතිතුමා,
අභ්‍යන්තර කටයුතු, වයඹ සංවර්ධන හා
සංස්කෘතික කටයුතු අමාත්‍යාංශය,
8 වන මහල,
සෙත්සිරිපාය,
බත්තරමුල්ල.

හිතවත් ගරු අමාත්‍යතුමණි,

දිවයින පුවත්පතට ඔබතුමා කල ප්‍රකාශය හා බැඳේ

අභ්‍යන්තර කටයුතු, වයඹ සංවර්ධන හා සංස්කෘතික කටයුතු නියෝජ්‍ය අමාත්‍යවරයා ලෙස මා පත් වූ දා සිට මා ඉතා දැඩි විශ්වාසයකින් පසු වුයේ කෘතහස්ත අත්දැකීම් බහුල දේශපාලඥයකුගේ නායකත්වයෙන් යුතු අමාත්‍යංශයක වගකීව යුතු කාර්යය භාරයක් ඉටු කිරීමට අවස්ථාව උදාවනු ඇතැයි බලාපොරොත්තුවෙමි.
උක්ත ධුරය භාරගෙන මේ වන විට මාස 4ක කාලයක් ඉක්මවා ගොස් ඇත්තේ ඇසි පිය හෙලන වේගයෙනි. මේ කාලවකවානුව තුල ජනතා හිතකාමී දේශපාලඥයෙකු ලෙස මා අමාත්‍යංශයට ලබා දුන් ආදර්ශයන් බොහෝය. මාගේ වැඩ භාරගන්නා උත්සවයෙන් මා අමාත්‍යංශයට දුන්නේ ආදර්ශයක් බැව් මාගේ පෞද්ගලික විශ්වාසය යි. සම්ප්‍රදායික ලෙස අමාත්‍යවරයෙකු හෝ නියෝජ්‍ය අමාත්‍යවරයෙකු හෝ වැඩ භාරගැනීමේ උත්සව අවස්ථාව වල ඊට අදාළ සියලු විය හියදම් දරනුයේ අදාළ අමාත්‍යාංශයෙන් වුවද එම සම්ප්‍රදායික සංස්කෘතියට පටහැනිව මාගේ පෞද්ගලික ප්‍රතිපාදන වලින් එම කාර්යයන් මා ඉටු කොට විදහා දැක්වුයේ “ඔවදනට වඩා ආදර්ශය උතුම්” යන තේමාව පෙරදැරි කරගෙනය. අමාත්‍යාංශයෙන් ලැබීමට නියමිතව තිබු ලක්ෂ 280ක් පමණ වටිනා නිල රථය ස්තුති පුර්වකව ප්‍රතික්ෂේප කලේ රටේ සිටින කලාකරුවන්ගේ අනාගත සුභ සිද්ධිය සඳහා යෙදවීමට බව දන්වන අතර, කුලී පදනම මත නිවසක් ලබා ගැනීම ප්‍රතික්ෂේප කලෙත්, පොලිස් නිලධාරීන් 8 දෙනෙකුගේ පෞද්ගලික ආරක්ෂාව ලබා නොගත්තෙත්, ජනතා වාදී දේශපාලන න්‍යාය පත්‍රයකට මා කටයුතු කරන බැවිනි.
කවදත් අසාධාරණයට, අයුක්තියට ලක්වන තැලෙන, පැගෙන අහිංසක ජනතාවගේ දෙපා මුල රැඳෙන අව්‍යාජ දේශපාලන ගමන් මඟින් බිඳක් ඔබතුමා හමුවේ තැබීමට මා තීරණය කලේ ජනතාව දේශපාලනික හා සමාජීය වශයෙන් ප්‍රතික්ෂේප කල දේශපාලඥයෙකුට මාගේ නිකැළැල් දේශපාලන දිවිය සසඳා තිබු වගකිම් විරහිත ප්‍රකාශයේ සත්‍ය කරුණු කිහිපයක් සඳහන් කොට ඔබ තුමා එලබ ගෙන ඇති වැරදි පුර්ව නිගමනයන් නිවැරදි කිරීමේ පරම පිරිසිඳු චේතනාවෙන් විනා කිසිවෙකුගේ දේශපාලන දිවිය අපහසුතාවයට පත් කරලීමේ අරමුණින් නොවන බැව් සඳහන් කරනු කැමැත්තෙමි.
2002 වසරේ මතුගම ප්‍රාදේශීය සභාවේ සභාපතිවරයා ලෙස ඇරඹුන ගමන් මග අද වන විට වසර 15 ක තරම් කාලයකට පැමිණ ඇත. ප්‍රාදේශීය සභාවේ කිසිඳු වරප්‍රසාදයක් හෝ නිල රථයක් හෝ ලබා නොගෙන (තිබු නිල රථය හෝ පරිහරණය නොකර) ජනතාව මා කෙරෙහි තැබූ ඒ අචල නිර්මල විශ්වාසය උපරිමයෙන්ම රකිමින් කටයුතු කිරීමේ ප්‍රතිඵලයක් ලෙස අදවන විට අපරාජිත දේශපාලඥයකු ලෙස ඉදිරියට යෑමේ අවස්ථාව මා හට හිමි වී ඇති බැව් ඔබතුමාගේ දැන ගැනීම පිණිස සඳහන් කරනු කැමැත්තෙමි. මේ වනවිට වසර 15ක පමණ දේශපාලන ඉතිහාසය තුල මා තරඟ කල එකදු මැතිවරණයක් සම්බන්ධව ප්‍රචණ්ඩ ක්‍රියාවක් හෝ වාර්තා වී තිබේ ද?. මැතිවරණ නිතී උල්ලනගනය කිරීමක් ගැන කිසිඳු සිද්ධියක් හෝ තිබේ ද?. පිළිතුර නැත යන්නයි. අද ඔබ ඇතුළු ඇතැම් පිරිස් තෙවරප්පෙරුම පා දඩ දේශපාලන චරිතයකට සමාන කිරීමට උත්සාහ ගනිමින් සිටීම සැබැවින්ම සත්‍ය වසන් කොට වීම ඛේදජනකය. අප යහපාලන ආණ්ඩුවක් බිහි කිරීම තුල අපරිමිත කැපකිරීම තුලින් බිඳක් හෝ මතක් කර දීමට මෙය සුදුසු අවස්ථාවක් බව මාගේ විශ්වාසයයි. මාගේ දරුවන් දෙදෙනෙකුගේ ජිවිත යහපාලන රජය වෙනුවෙන් පුජා කොට දින 400ක් පමණ පක්ෂය වෙනුවෙන් සිරබත් කමින් ලෝක ඉතිහාසයේ පළමු වරට හිර කරුවෙකු ලෙස මහා පාරේ උත්ඝෝෂණය කරමින් රාජපක්ෂ රෙජීමයේ රාජ්‍ය මර්ධනය හමුවේ දනින් නොවැටී, නොසැලී කටයුතු කරමින් දින 100 ආණ්ඩුවේත් දැඩි කැපකිරීම් කරමින් අප යහපාලන ආණ්ඩුව ගොඩ නැඟූ ආකාරය එදා රාජපක්ෂ රෙජීමයේ අවශ්‍යතා වෙනුවෙන් නොපෙනී සිටි අයට අරුමයක් නොවේ. අප මෙරට තුල යහපාලන ආණ්ඩුවක් ප්‍රතිස්ථාපනය කරේ මේ රට නිලධාරීවාදයට යටත් කිරීමට නොවන බැව් පැහැදිලිවම සඳහන් කිරීමට කැමැත්තෙමි.
තවද රාජපක්ෂ පාලනයේ රාජ්‍ය මර්ධනය හමුවේ දේශපාලන පලිගැනීම් මත පැමිණිලිකරු වන මාව දින 400ක් සිර ගත කර විත්තිකරු සමාජ ගත කළේය.එතැනින් නොනැවතී සිර ගෙදරදීත්, මාගේ කෑම වේලට පුසෙක් දමා තැම්බූ අල හොද්ද බත් පතට දෑස් ඉදිරියේදී බෙදා කෑමට ලබා දෙමින් හිර ගෙදර අපායක් බවට පත් කළේය. එම පලිගැනීම් මත අපා දුක් විඳිමින් මෙම දින ගණන ගත කළේය. නඩුවෙන් නිදහස් කරන බවට නඩු අංක පවා එදා රජයේ බලධාරීන් ඉල්ලා සිටියත් කිසි විටත් ජීවිතය දක්වා සිර ගත කලත් පක්ෂය හා ආදරණිය ජනතාව වෙනුවෙන් වරප්‍රසාද වලට පාවා දීමට කටයුතු කලේ නැත.
බලයට කැමති දේශපාලඥයින් කර ඇති මහා පරිමානයේ දුෂණ වසා ගැනීමට හා එම චෝදනා වලින් නිදහස් වීම සඳහා ඇතැම් දේශපාලඥයින් ඡන්ද දායකයා අමතක කරමින්, පක්ෂ මාරුවීම් සිදු කර ඇත. ඒ අනුව මා එදා ගත් එම තීරණය අද කොන්ද කෙලින් තබා ගෙන වැඩ කල හැකි ජනතා සේවයෙක් වශයෙන් අද සමාජය තුල සිටි. මා සිතන ආකාරයට සියලු දේශපාලඥයින්ට මෙය ආදර්ශයට ගෙන වංචාව, දුෂණය, බොරුව නොමැතිව මහජනතාවට සේවය කිරීමට හොඳ මහජන නියෝජිතයෙකු වනු ඇතැයි මාගේ විශ්වාසයයි.
ඇතැම් උද්ධච්ච නිලධාරීන් ඉදිරියේ දේශපාලඥයින් නිවට වී නියාලු වී යෑම යහපාලනය නොවන බැව් මාගේ දැඩි විශ්වාසයයි. ප්‍රායෝගික දේශපාලන ගමන් මගක නිරත මා හට නිරන්තරයෙන්ම ජනතාවගේ දෙපා මුල රැඳේ, දේශපාලඥයකු ලෙස, අව්‍යාජ ගැමියෙකු ලෙස, ජනතාවගේ ප්‍රශ්න හමුවේ ඒවා මග හැර යාම සඳහා නීතියට මුවා වී නිලධාරී වාදයට යට වී ඒ අහිංසක ජනතාව නොමග යැවීම කල නොහැකි බැව් ඔබතුමාගේ අවධානය පිණිස සඳහන් කරනු කැමැත්තෙමි.
මාගේ දේශපාලන ඉතිහාසය තුල කෙදිනකවත් මා පෞද්ගලික වරප්‍රසාද හමුවේ දණගසා මාගේ දේශපාලන දර්ශනය පවා දී නොමැත. ඉතිහාසය පුරාම එකම දේශපාලන ප්‍රතිපත්තියක රැඳෙමින් එක්සත් ජාතික පක්ෂයට අභියෝග එල්ල වී, පාක්ෂකයින් මර්ධනය වී ජනතාව යුධ ජයග්‍රහණ වලට මුවා කොට නිර්වින්ධනය කර තිබු සමාජ පසු බිම තුල පවා ඇප කැප වී සිටියෙත් පොදු ජන අරගලය උදෙසා මිස පෞද්ගලික වරප්‍රසාද උදෙසා නොවන බැව් පැහැදිලිය. ජනතාවාදී අරගල වලට නොනිල වශයෙන් රාජ්‍ය අනුග්‍රහය ලැබී තිබුණු යුගයක් මෙරට පසු කල බැව් බොහෝ දෙනෙකුට අද අමතකය. එදා අලුත්ගම බේරුවල දර්ගා නගරයේ ජාතිවාදයක් අවුස්සා අහිංසක මිනිසුන්ගේ දේපල හුරා කමින් ජිවිත බිලිගනිමින්, නිවාස ගිනිබත් කරමින්, රටේ නිතිය තඹ දොයිතුවකට මායිම් නොකරමින්, පොලිස් නිළදරුවන් අකර්මන්‍ය කරමින්, පලාතක් භීෂණයෙන් මුස පත් කරමින් සිටින විට දේශපාලන නායකයින් යැයි කියා ගන්න දේශපලඥයින් නිල නිවාස වලට වී නරඹන්නන් බවට පත්ව සිටි මොහොතේ විපක්ෂයේ මන්ත්‍රී වරයෙකු ලෙස කිසිඳු ආරක්ෂාවකින් තොරව ජීවිතය පරදුවට තබා මා කටයුතු කලේ ජාති වාදී දේශපාලන ප්‍රචණ්ඩතාවය රටකට කරනා හානිය මා හොඳින් අවබෝධ කරගෙන තිබු නිසාය. එපමනක් නොව එදා ආණ්ඩු ක්‍රම ව්‍යවස්ථාවේ ජනතාවට දී ඇති ආගම ඇදහීමේ නිදහසට එදා බොදු බල සේනාව හා ජේෂ්ඨ පොලිස් අධිකාරි රොෂාන් සිල්වාගේ මැර හමුදාව යොදවා යටදොල කාලි කෝවිලේ උත්සවය නතර කර දැමීමට උත්සාහ ගනිද්දී මා තනි පුද්ගලයෙකු ලෙස අහිංසක ද්‍රවිඩ ජනතාවගේ ආගමික අයිතිය ආරක්ෂා කර දුන්නේය. තවද පෞද්ගලික න්‍යාය පත්‍රයට වැඩ කරන පිරිස් මහජාතිය වන සිංහලයින් සුළු ජාතියකට කරන හිරිහැර ලෝක ජනතාව ශ්‍රී ලංකාව ගැන බලන්නේ පිළිකුලෙන් බැවින් ඔබ තමයි මෙම සිද්ධියට මුහුණ දීලා සැබෑ දේශපාලඥයෙක් ලෙස පෙනී සිටිමින් ජාත්‍යන්තරයේ අප්‍රසාදයට ලක් වී තිබු සිංහල ජාතිය සුළු ජාතීන්ට කරන හිරිහැර නැමැති ම්ලේච්ඡ ලේබලය මා විසින් ඉවත් කිරීම මගින්ය. එය තුලින් ජාතිවාදයෙන් තොර රටක් බිහිවනු දැකීමට යි. එදා තෙවරප්පෙරුම සැබෑ මිනිසෙකු ලෙස පිලි ගත්තේ ශ්‍රී ලාංකිකයන් පමණක් නොව එවකට සිටි ඇමරිකා එකසත් ජනපදයේ තානාපතිතුමිය මා පෞද්ගලිකව හමුවී තානාතිපති කාර්යාලයට අරාධනා කොට සාකච්ඡා කිරීමෙන් අනතුරුව ප්‍රකාශ කරේ “ඔබ සමඟ මේ ගත්තා වූ මේ මානුෂික මෙහෙවර තුල රාජ්‍ය මර්ධනයක් පැමිණෙන්නේනම් මුළු ඇමරිකානු රජයම පවුරක් සේ ඔබ සමඟ සිට ගන්න බවයි” ඒ ජාත්‍යන්තර දේශපාලන වේදිකාවේ බලවත්ම රාජ්‍යය මා ප්‍රසංසා කොට පිළිගත් ආකාරයයි. 
ප්‍රායෝගිකව මා මැදිහත් වූ අරගල වල අනිවාර්යයෙන්ම නිලධාරීන් විසින් ඉටුකළ යුතු නමුත් පැහැර හැරිය යුතු කරුණු තිබුණු බව ඔබතුමා දන්නවා ද?. කළුතර ජාතික පාසලට සිසුවෙකු ඇතුලත් කිරීමේ අතර මැදි භූමිකාව මා කලේ සියයට සියයක්ම සියලුම නිවැරදි ලිපි ලේඛන තිබියදීත් උද්ධච්ච විදුහපල්තිවරයෙකුගේ තීන්දු තීරණ තුල අධ්‍යාපන අයිතිය අහිමි වී යෑම වැළැක්වීමට විනා අන් කවර හේතුවකට ද?. අදවන විට ප්‍රබල සමාජ කතිකාවක් නිර්මාණය කර ඇති මීගහතැන්න ප්‍රථමික විදුහලේ සිසුන්ගේ ගැටලුව පිලිබඳ ඔබතුමා දැනුවත් ද?. මේ සිද්ධියේ යතාර්ථය පිලිබඳ ඔබතුමා කරුණු දැන සිටියා ද?. කළුතර විද්‍යාලයට ඇතුලත් කලෙත්, මීගහතැන්න විදුහලට ඇතුලත් කලෙත්, මේ රටේ අහිංසක මල් කැකුළු විනා මා ජාතක කල දරුවන් නොවන බැව් පසත් කර ගැනීම වටී. මාගේ පුතණුවන් දෙදෙනා අධ්‍යාපනය ලැබුවේ සි.ඩබ්ලිව්.ඩබ්ලිව්. කන්නන්ගර විදුහලෙනි. වරප්‍රසාද වලට මුවා වී ඇතැම් අය තම දරුවන් කොළඹ සුපිරි පාසල් වලට ඇතුලත් කරත්දීත් මා එසේ නොකළේ අව්‍යාජ ගැමිකම තුල ඒ දරුවන් ලබන අධ්‍යාපනය මා අගය කල නිසාවෙනි. පළාත් අධ්‍යාපන සහකාර ලේකම්වරයා ක්ෂේත්‍ර චාරිකාවක් සිදු කිරීමෙන් අනතුරව කරුණු අවබෝධ කරගෙන මෙම දරුවන්ව මීගහතැන්න ප්‍රථමික පාසලට ඇතුලත් කර ගැනීම අනුමත කල ලිපිය ලැබී තිබියදීත් එය ක්‍රියාත්මක නොකරපු තැන මා මැදිහත් වුයේ ඒ ගැන විමසීමට විනා බලහත්කාරයෙන් දරුවන් පාසලට ඇතුලත් කිරීමට නොවන බැව් කව්රුත් දන්නා කරුණකි. 
මා එදා අරගල කලෙත් අද අරගල කරන්නෙත් සාධාරණ අයිතීන් වෙනුවෙන් විනා වෙනත් කිසිඳු ප්‍රතිලාභයක් උදෙසා නොවේ. ඇතැම් මාධ්‍ය හා දේශපාලඥයින්ට අනුව මා මෙසේ කිරීම සංස්කෘතික නියෝජ්‍ය අමාත්‍ය ධුරය හෑල්ලුවට ලක් කිරීමට උත්සහ කරමින්, උපවාස කරමින්, අරගල කරමින් ඉල්ලා සිටියේ තැබෑරුමක් විවෘත කිරීමට නම්, රේස් බයි රේස් ආයතනයක් විවෘත කිරීමට නම්, නීතිවිරෝධී මත් ද්‍රව්‍ය ජාවාරමකරුවන් වෙනුවෙන්නම් මා කල ඇත්තේ සංස්කෘතික නියෝජ්‍ය අමාත්‍යවරයා ලෙස වරදකි. නමුත් ඒ අරගල ඉටු කර දෙන්නේ සැබෑ මහජන අවශ්‍යතා විනා සමාජයට වින කරන පාප කර්ම නොවන බැව් ඔබතුමාගේ අවධානය පිණිස සඳහන් කරනු කැමැත්තෙමි.
සැබෑ ජනතා සේවය යනු දියවන්නාවට මුවා වී ලබාගන්නා වරප්‍රසාද නොවන බැව් මා අදහන දේශපාලන දහමකි. වගකිව යුතු අමාත්‍යංශ තුනක නියෝජ්‍ය අමාත්‍ය ධුරය හොබවන මා හට මේ තාක් කිසිඳු වගකීමක් පැවරී නොමැති බැව් ඔබතුමාට සිහිපත් කිරීමට කැමැත්තෙමි. මා මේ පිලිබඳ මින් පෙර අවස්ථා කිහිපයකදීම වාචිකව ඔබතුමාට මතක් කර ඇතැයි මම සිතමි. මෙසේ විමසු අවස්ථාවේ ඔබතුමා විසින් දුන් පිළිතුර වුයේ “වයඹ මාත් කළුතර ඔබත් බලා ගන්නා ලෙසය” අප අමාත්‍යාංශය සතු ප්‍රධාන ආයතන “ආගමන හා විගමන දෙපාර්තමේන්තුව හා පුද්ගලයන් ලියාපදිංචි කිරීමේ දෙපාර්තමේන්තුව” හොඳින් පාලනය වන බැවින් ඒ සඳහා කිසිඳු මැදිහත් වීමක් අවශ්‍ය නොවන බවයි. නමුත් අදවන විට ඉතාම දක්ෂ නිලධාරීන් රැසක් පිරිවරා මෙම ආයතන දෙක අල්ලස වෙනුවෙන් රටේ පුරවැසියන්ගේ යට ඇදුම් පවා ගලවාගන්නා ආයතන ලෙස ගමන් කරන අතර , ඒ තුල සිදු වන ඇතැම් අකටයුතුකම් පිලිබඳ දැනුවත්ද යන්න මා හට ගැටලුවකි. ශ්‍රී ලාංකිකයන්ගේ පුරවැසිභාවය අනන්‍යතාවය තහවුරු කරන ආයතන දෙක තුල පවතින ගැටළු පිලිබඳ ඔබතුමාගේ අවධානය යොමු වී නොමැතිනම්, එය එසේ කරන නිලධාරීන් හමුවේ ඔබතුමාගේ ප්‍රකාශය “පනින රිලවුන්ට ඉනිමං බැදීමක්” වැනිය. මේ සියලු දේවල් මා දරා සිටියේ ඔබතුමා පියෙකු ලෙස සලකාගෙනය. නමුත් මා කෘතහස්ත යැයි විශ්වාස කල ඔබතුමා කල මේ පදනම් විරහිත ප්‍රකාශය ගැන මා තුල ඇත්තේ දැඩි පිලකුලකි. මේ දක්වා ඔබතුමා මා හට පැවරු එකම රාජකාරිය වූ සබරගමුව විශ්ව විද්‍යාලයේ සංස්කෘතික මධ්‍යස්ථානය වීවෘත කිරීමටය. එම අවස්ථාවේ උදා වූ ශිෂ්‍ය විරෝධතාවය මා සමනය කල ආකාරය පිළිබඳව උක්ත විශ්ව විද්‍යාලයේ උප කුලපති වරයා මාගේ පෞද්ගලික ලේකම්වරයා අමතා ප්‍රකාශ කර සිටියේ “මෙම දරුවන් සිය ප්‍රායෝගික දැනුමෙන් සන්සුන් කල ආකාරය ඇමරිකානු විශ්ව විද්‍යාලයක මහාචාර්යවරයෙකුටවත් කල නොහැකි බවයි”. මෙම අවස්ථාවේ ඔබතුමා මා සංසන්ධනය කල එම දේශපාලඥයාට ලැබී තිබුනේනම් ඒ දවස ඔබතුමාත්, අමාත්‍යාංශයත් පත් වන අපහසුතාව පිලිබඳ තවත් කරුණු අවශ්‍ය ද?. ඔබතුමා මාව වගකීම් වලින් නිදහස් කොට තිබුන ද, කළුතර දිස්ත්‍රික්කයේ උපරිම දරිද්‍රතාවයෙන් පෙලෙන ජනතාවක් සිටිනා මා නියෝජනය කරනා බුලත්සිංහල ආසනය තුල මා විසින් දියත් කොට ඇති සංවර්ධන ව්‍යාපෘතියක් හා පොදු ජන අවශ්‍යතා හදුනාගෙන අවශ්‍යතා හා පසුකම් සැපයීම පිලිබඳ ඔබතුමාගේ අවධානය යොමු කරන්නේනම් වටී. මේ වන විට නිවාස 400ක ව්‍යාපෘතියකට මුල පුරා ඇති අතර එයින් පළමු අදියර ගරු සජිත් ප්‍රේමදාස මැතිතුමා විසින් පසු ගිය 29 වන දින විවෘත කලේ මේ දක්වා විවෘත කරන ලද යටිතල පසුකම් සහිත හොඳම සාර්ථකම ආදර්ශ ගම්මානය ලෙස බුලත්සිංහල ආසනයේ හල්වතුර ආදර්ශ ගම්මානය බව ජනතාව ඉදිරියේදී ප්‍රකාශ කර ඇති බව සිහිපත් කරනු කැමැත්තෙමි.
ඒ අනුව මා විසින් සිදු කරන සංවර්ධන කටයුතු වලදී මගේ කැපවීම වෙනුවෙන් එතුමා විසින් ලබා දී ඇති ප්‍රකාශය කොතෙක් දුරට සාධාරණ ප්‍රකාශයක් ද යන්න ඔබතුමාට සිහිපත් කරනු කැමැත්තෙමි. පෞද්ගලික පරිත්‍යාගශීලිලීන්ගේ හා ධනවතුන්ගේ උදව් උපකාර ඇතිව මෙම වැඩ සටහන මා නිමකොට ඇත. ඔබ (අමාත්‍යංශයේ මාධ්‍ය ඒකකයේ ඇති ව්ඩියෝ පට නැරඹුව හොත් එම කාර්යය ඔබතුමා හොඳින් අවබෝධ කරගනු ඇත.) ඒ අනුව මා දියවන්නාවේ වරප්‍රසාද වලට යටකොට තැබිය යුතු පුද්ගලයෙක්ද, නැතහොත් වගකීම් පැවරිය යුතු අමාත්‍යවරයෙක්ද, යන්න ඔබතුමාට අවබෝධ වනු ඇත.
පියෙකු මරා දරුවෙකු සිර කොට එදා බදුරලිය රෝහල තුල රජයේ වෛද්‍ය නිලධාරීන්ගේ සංගමය ගෙන ගිය අමානුෂික වැඩ වර්ජනය හමුවේ රාජපක්ෂ රෙජීමය වෘර්තිය සමිතිය ඉදිරියේ දණගසද්දී, ශෝභන කුක්කෙක් සේ හැසිරුණු අගලවත්ත ආසන සංවිධායකවරයා වූ මානව හිමිකම් අමාත්‍යවරයා වූ(එවකට) මහින්ද සමරසිංහ අමාත්‍යවරයා පැර ශුටයෙන් කොළඹට පැන යද්දී විපක්ෂයේ බල රහිත මන්ත්‍රීවරයෙකු ලෙස පැය 72ක් කෙල බිඳක් හෝ නොගිලා අඛණ්ඩ උපවාසයක් කලේ රාජපක්ෂ රෙජීමයේ රාජ්‍යය තස්ත්‍රවාදය හා මැර බලය හමුවේ දණ නොගසා රෝහල විවෘත කොට සහන සැලසුවේ ප්‍රදේශයේ අහිංසක සිංහල ද්‍රවිඩ ජනතාවට විනා මාගේ පෞද්ගලික ප්‍රයෝජනය පිණිස නොවන බවද, ඔබතුමාට සිහිපත් කරනු වටී. එදා බදුරලිය රෝහල විවෘත කිරීම සඳහා දෑතට මාංචු දමාගෙන මා උපවාස කලේ අහිංසක ජනතව වෙනුවෙනි. රෝහල විවෘත කිරීමේ ප්‍රතිලාභය ලැබුනේ පළාතේ ජනතාවට මිස පෞද්ගලිකවම මා හට නොවේ. මීරීගම ප්‍රදේශයේදී (අනාරක්ෂිතව තිබු) විදුලි කණු දෙකක් ඉවත් කොට එම ජනතාවට සහන සැලසුවේ උද්ධච්ච නිලධාරීන්ගේ අලසකම හමුවේ අහිංසක ජනතාව මිනි පෙට්ටියෙන් යෑම වැළැක්වීම උදෙසායි. සිංහල දෙමල අලුත් අවුරුද්ද ලබන මොහොතේ සියලු ආයතනය වසා තිබියදීත්, සේවකයන් නිවාඩු ගොස් තිබියදීත්, බලය සහිත නිලධාරීන් අලසකමින් මග හරිද්දීත්, එම කණු ඉවත් කිරිම සඳහා මාරාන්තික උපවාසයක් ආරම්භ කොට එය ගලවා ඉවත් කර දුන්නේ අලස නිලධාරී පැලැන්තියේ හා එයට අනුබල දෙන දේශපාලන නියෝජිතයන්ගේ දෑස් විවර කරමිනි. සියලු සම්පත් සිය වාහන අංගනය තුල තබාගෙනම ජනතාව මිනි කනත්තට තල්ලු කරන්නට ඉඩ දී බලා සිටීමට මානව හිතවාදී දේශපාලඥයෙකු ලෙස මා හට කල නොහැක. මානව හිතවාදී මිනිසෙකු ලෙස මාගේ පරම යුතුකම ජනතාවට සේවය කිරීම පමණක්ම වන බැවිනි.
මතුගම හිටපු සංවිධායක වත්මන් අමාත්‍ය මහින්ද සමරසිංහ මහතා පාක්ෂිකයින් අතරමන් කර එක්සත් ජාතික පක්ෂය අතහැර රාජපක්ෂ රෙජිමයට එක්වීමේදී මතුගම හා කළුතර දිස්ත්‍රික්කයේම පාක්ෂිකයාගේ අභිමානය වෙනුවෙන් කොන්දේසි රහිතව පළාත් සභාවෙන් ඉවත් වී මතුගම ප්‍රාදේශීය සභාවට තරඟ කළේය. කිහිප අවස්ථාවක් සැළුම් දොර විවෘත ඇති බවත්, මුදල් වලට පක්ෂ මාරු කිරීමට මා වෙත යෝජනා පැමිණියත්, පාක්ෂිකයා රැකගෙන පක්ෂය සමඟ කටයුතු කළේය. ඔබතුමා මෙම කරුණුත් දැනගත යුතු බව මම සිතමි. නියෝජ්‍ය අමාත්‍යවරයෙකුට ලැබෙන ආරක්ෂකයින් කිසිවක් මම ලබා ගෙන නැත. මේ වන විට කිසිඳු ආරක්ෂකයෙක් මා ලඟ නැති බවද, සඳහන් කරමි. වෙනත් අමාත්‍යවරුන් පිරිවරා ගෙන යන ආරක්ෂකයින් මා කිසි විටෙකත් ලබා ගෙන නැති බව ද ඔබ මා සමාන කල දේශපාලඥයා වටා සිටි කුඩු නිහාල්ලා පාතාලයින් දුෂකයින් ද මා වටා නැති බව ඔබතුමාට අවධානය කරමි.
පක්ෂ, පාට, ජාති, භේද, සියලුම බැමි පුපුරවා හරිමින් සම්ප්‍රදායික දේශපාලන ධාරාවෙන් මිදී කටයුතු කරන දේශපාලඥයින් ලෙස මාගේ ගමන් මග ඇතැම් දේශපාලන මහත් හොරුන්ට ප්‍රශ්නයක් වී ඇති බැව් පැහැදිලිය. නමුත් දේශපාලඥයෙකු ලෙස ජනතාව මා කෙරෙහි තැබූ විශ්වාසය අකුරටම රකිමින් ඔවුන්ගේ සැබෑ ඕනෑ එපා කම් වෙනුවෙන් හෙටත් මා කරනා අරගලය සිමා මායිම් වලින් තොරව ඉදිරියටම යනු ඇත. නැවත මැතිසබයට පැමිණීම උදෙසා හෝ වරප්‍රසාද උදෙසා නොව දිස්ත්‍රික්කයේ ජනතාව හා රටේ ජනතාවගේ දැවෙන ප්‍රශ්න නිවාලීමේ අරමුණින් පමණක්ම බැව් මතක් කරනු කැමැත්තෙමි. පක්ෂ මාරු නොකොට කිසි වියදමකින් තොරව 2002 වර්ෂයේ මම එක්සත් ජාතික පක්ෂයෙන් මතුගම ප්‍රාදේශීය සභාවට තරඟ කර සභාවට තේරී පත් වූ සභාපතිවරයා මනාප 4201ක් ලබා ගන්නා විට මා පළමු වතාවට මනාප 7000ක් ලබා ගෙන අවුරුදු 37 කට පසු ශ්‍රී ලංකා නිදහස් පක්ෂයේ සභාව පරාජය කර එක්සත් ජාතික පක්ෂයේ ප්‍රාදේශීය සභාවක් ලෙස පරිවර්තනය කළේය. එහි සභාපතිවරයා ලෙස ප්‍රදේශයේ යටිතල පහසුකම් හා ප්‍රදේශයේ පොදු ජනතාවගේ අවශ්‍යතාවය වෙනුවෙන් කල සමාජ සත්කාරය වෙනුවෙන් පළාත් සභාව නියෝජනය කරමින් ඡන්ද 39167 ක් ලබාගෙන බස්නාහිර පළාත් සභාව නියෝජනය කිරීමට කටයුතු කළේය. මතුගම හිටපු සංවිධායක වරයාගේ පක්ෂ මාරුව හේතුවෙන් අතරමං වූ මතුගම පාක්ෂිකයන් වෙනුවෙන් පළාත් සභාවෙන් කොන්දේසි රහිතව ඉල්ලා අස්වී 2006 මතුගම ප්‍රාදේශීය සභාවට තරඟ කර මනාප 12677 ලබා ගනිමින් විපක්ෂ නායකවරයා ලෙස පත් විය. මා ලබාගත් ඡන්ද ප්‍රතිශතය අනුව ලංකාවෙන්ම එක්සත් ජාතික පක්ෂයෙන්ම දෙවෙනියා බවට පත්විය. විපක්ෂ නායක ධුරය පරිත්‍යාග කරමින් පක්ෂ නායක ගරු රනිල් රනිල් වික්‍රමසිංහ මැතිතුමාගේ ආශිර්වාදය මත නැවත පළාත් සභාව නියෝජනය කිරීමට අවස්ථාව ලබා දුන්නේය. 2010 වර්ෂයේදී පාර්ලිමේන්තු මැතිවරණයට ඉදිරිපත් වී මනාප 51153 ලබා ගනිමින් දිස්ත්‍රික්කයේ ප්‍රථමයා ලෙස පත් වුවත් එම මැතිවරණ කාලය තුල මා දේශපාලන පලි ගැනීම් මත දින 400ක් සිර ගත වී සිටි කාලය තුලය. එම මැතිවරණ අවස්ථාවේදී අපේක්ෂකයෙකු වශයෙන් මා දේශපාලන භුමිකාවේ නොසිට කිසිඳු මුදල් වියදමක් නොමැතිව දිස්ත්‍රික්කයේ මනුස්සකම හඳුනන ආදරණිය ජනතාව දිස්තික්කයේ පළමු තැනට මා ඔසවා තැබීමට කටයුතු කල බවද සිහිපත් කරමිනි. මා විසින් කල ජනතා සේවය සලකා දිස්ත්‍රික්කයේ පක්ෂ භේදයෙන් තොරව ජනතා මනාපයෙන් බව සඳහන් කරමි. 2015 වර්ෂයේදී නැවත පාර්ලිමේන්තු මැතිවරණය සඳහා ඉදිරිපත් විය. මනාප 118128 ක් ලබා ගනිමින් දිස්ත්‍රික්කයේ තුන්වන ස්ථානයට පත්විය. මා පැමිණි දේශපාලන ගමන් මගේ වැදගත් අවස්ථාවන් හා ජනතා වරම ඔබතුමාගේ දැන ගැනීමට සටහන් කරමි. 
හදිසි අභාවයෙන් මිය ගිය ආදරණිය සහන් පුතු හා ඔහුගේ මිතුරු කැළ මාගේ දේශපාලන කටයුතු වලදී ලබා දුන් කැපකිරීමත්, දිස්ත්‍රික්කයේ සිංහල, මුස්ලිම්, දෙමළ ජනතාව මාගේ මනුෂ්‍යකම හඳුනාගෙන සිය යුතුකම ගැන කැපකිරීම් කර දිස්ත්‍රික්කයෙන්ම ඉහලට ඔසවා තැබීමට කටයුතු කල බව ආඩම්බරයෙන් සිහිපත් කරමි.
මැතිවරණයකට ඉදිරිපත් නොවීමට සිතා සිටියත් ජනතාවගේ බලවත් ඉල්ලීම මත අකමැත්තෙන් හෝ එම ඉල්ලීම ඉටු කිරීමට සිදුවිය. ඒ සඳහා වියදම් කිරීමට මා ළඟ ශත 25ක් වත් නොමැති වුවත්, මට ආදරය කරන හිතතුන් මා වෙත ලබා දුන් පරිත්‍යාග මුදල් මැතිවරණයට වියදම් කර රුපියල් ලක්ෂ 50ක මුදලක් ඉතිරි කර ගැනීමට හැකි විය.එම මුදල් දුප්පත් ජනතාවගේ සුභ සිද්ධිය සඳහා යෙදවීමට සිතා සිටියත් හදිසියේ මරණයට පත් වූ මාගේ පුතණුවන්ගේ අවමංගල්‍යය කටයතු හා දානමය කටයුතු වලට යෙදවීමට සිදුවිය.
මා ධනවත් ව්‍යාපාර පවුලක සාමාජිකයෙකු නොවේ. පරම්පරාගත බුදලයක් නොමැත. සාමාන්‍ය පවුලක රියදුරු පියෙකුගේ පුතෙකි. වසර 15 ක් දේශපාලනයේ නියුතු වී සිටියත් තඹ දොයිතුවක් දේශපාලනයෙන් හම්බු කරගෙන නොමැත. දෛනිකව මාගේ නිවසට උදෑසන 6 සිට දුප්පත් මිනිසුන් පැමිණෙන අතර, ඔවුන්ගේ බෙහෙත් තුන්ඩුවට,ඇස් කාචයට, ගෑස් සිලින්ඩරයට,සෙවිලි තඩුවට දරුවාගේ පාසල් උපකරණ හා ඇදුම් වලට වැනි බොහෝ අවශ්‍යතාවයන් සඳහා යුතුකම් ඉටුකරන අවස්ථා බොහෝය. මටත්, කොළඹ නිල නිවාසයට වී සැඟවී සිටිය හැක. පොළොවේ පය ගසා දුප්පත් මිනිසුන් සමඟ ජිවත් වන සැබෑ ජනතා නියෝජිතයෙකු වශයෙන් එය කල නොහැකි බැවින්, ගමේ සිට ජනතා ප්‍රශ්න විසඳමින් සාමාන්‍ය ජිවිතයක් ගත කරන බව සඳහන් කරමි.

ඔබතුමා මා හැල්ලුවට පත් කරමින් මර්වින් සිල්වාට සමාන කර රටේ ප්‍රධාන පුවත් පතක් වන දිවයින මගින් සිදු කලත් රටේ අපරාද කරුවන්, සුදුකාරයින්, කුඩුකාරයින් හා දුෂිතයින් වීමට තිබු අවස්ථාවෙන් දරුවන් මුදවා ගෙන අසාධාරණයක් සිදු වූ දුප්පත් අහිංසක අසරණ පවුල් 9 දරුවන් වෙනුවෙන් සැබෑ දේශපාලඥයෙකු වශයෙන් එම දරුවන් වෙනුවෙන් ඉදිරිපත් වී කටයුතු කිරීමත්, රටේ දුෂිතයින්, අපරාධකරුවන්, කුඩුකාරයින් නොකර අධ්‍යාපනය ලබා දීමට පාසලකට ඇතුලත් කිරීම මා සිදු කලේ වරදක් බව සමාජ ගත ගතකරමින් දේශපාලන අරමුණු ඉටු කර ගැනීම සඳහා රාජ්‍ය විරෝධී පිරිස් ගුරු සංගම් එක්කර ගනිමින් බෝඩ් කෑලි රැගෙන මහ පාරේ ගොස් ප්‍රදර්ශනය කිරීම තරම් පහත් තත්ත්වයට වැටීම පිලිබඳ මා කණගාටු වෙමි.
මෙම ගුරු සංගම් හා දේශපාලන බල අධිකාරිය තුල මම කිසි විටෙකත් දණ නොගසමි. අසාධාරණයට පෙනී සිටින කොන්ද කෙලින් තබා ගෙන සත්‍ය ජය ගැනීමට කටයුතු කරන, මහ පොළොවේ පය තබා සිටින දුප්පතුන්ගේ ජනතා සේවයෙකු ලෙස සත්‍ය ජය ගැනීමට කවදත් පෙනී සිටින කෙනෙකි. මෙහි සත්‍ය තේරුම් ගත් ගරු ජනධිපතිතුමා, ගරු අග්‍රාමාත්‍යතුමා, ජනධිපති ලේකම්තුමා කරුණු වටහා ගැනීමෙන් පසු මාගේ කැපකිරීම මත දුප්පත් දරුවන් 9 දෙනාට නිදහස් අධ්‍යාපනය ලබා ගැනීමට පස්දුන් කෝරලයේ තිබෙන ඉහල පෙලේ පාසල් අතර මතුගම නගරයේ ජනප්‍රිය පාසලක් වන ශාන්ත මේරි මහා විද්‍යාලය 2016.07.20 දින ලබා දුන් බව සතුටින් දන්වමි.
මෙපමණක් හෝ කරුණු ගොනු කිරීමට මා තීරණය කලේ ඔබතුමා මා සම්බන්ධව එලඹගෙන ඇති වැරදි නිගමනය නිවැරදි කිරීමට විනා අන් කිසිඳු පරමාර්ථයකින් නොවන බැව් නැවතත් මතක් කර දෙමින් ඉදිරියේදී මෙම අමාත්‍යාංශයේ ක්‍රියාදාමය තුල සහයෝගයෙන් හා අන්‍යෝන්‍ය අවබෝධයෙන්, ජනතා අභිලාෂයෙන් මුදුන් පමුණුවා ගැනීම උදෙසා එක්සත්ව එක්සිත්ව ඉදිරියට යනු ඇතැයි මම හුදෙක්ම බලාපොරොත්තු වෙමි.

“සෙලොයථා ඒකසනෝ
වාකෙනන සමීරත්
එවo නින්දා ප්‍රශංසාසු
න සමිකුජනති පණ්ඩිතා”

“ඒක ඝන වූ පර්වතය සුළඟින් නොසෙල්වෙන්නා සේ නුවණැත්තෝ නින්දා ප්‍රසංසා දෙකෙහිම නොසෙල්වෙති.”
(ගෞතම බුදුරජාණන්වහන්සේ)

ස්තුතියි.
මෙයට හිතවත්,

පාලිත තෙවරප්පෙරුම (පා.ම.)

පිටපත් :- ශ්‍රී ලංකා ප්‍රජාතාන්ත්‍රික සමාජවාදී ජනරජයේ අතිගරු ජනාධිපති මෛත්‍රිපාල සිරිසේන මැතිතුමා
ශ්‍රී ලංකා ප්‍රජාතාන්ත්‍රික සමාජවාදී ජනරජයේ ගරු අග්‍රාමාත්‍ය රනිල් වික්‍රමසිංහ මැතිතුමා

'හිරගෙදරදී පූසෙකු දැමූ අල හොද්දක් කන්න දුන්නා' - තෙවරප්පරෙුම යැවූ ලිපිය.

Read More


නුවර සිට කොළඹට පයින් ආ පමණින් ආණ්ඩුවක් පෙරලෙන්නේ නැති බවත් හන්දියක උද්ඝෝෂණය කළ පමණින් ආණ්ඩුව විසිරෙන්නේ නැති බවත් පාර්ලිමේන්තු මන්ත්‍රි එස්.එම්.මරික්කාර් මහතා පවසයි.

හෙතෙම මේ බව පවසා සිටියේ කොළොන්නාව අඩු ආදායම්ලාභී පවුල් 43 ක් උදෙසා ආධාර ලබා දීමේ උත්සවයකදීය.

''ජනතාව අගොස්තු මාසේ 17 වැනිදා එක්සත් ජාතික පක්ෂය ප්‍රමුඛ ආණ්ඩුව පත් කර ගත්තා .ඒ ආණ්ඩුව පත් කර ගත්තේ අවුරුදු 5 කට . ඒ නිසා අවුරුදු 4 මාස 6 ක් වෙනකම් ව්‍යවස්ථාව අනුව ජනාධිපතිතුමාට මේ ආණ්ඩුව විසුරුවන්න බෑ. 2020 පෙබරවාරි මාසේ වෙනකම් ජනාධිපතිතුමාට මේ ආණ්ඩුව විසුරුවන්න හැකියාවක් නෑ.

මෙවන් පසුබිමක් තිබියදී බල තණ්හාවට හා හොරකම් සහ වංචා ආදිය සිදු කළ වරදට දඩුවම් විදීමට සිදුවෙතැයි යන බියෙන් පසුවන පිරිස් ආණ්ඩුව පෙරලන්නට .කූට උපක්‍රම යොදන බව මන්ත්‍රීවරයා පවසා සිටියේය.

කෙසේ වුවත් එම උත්සාහයක් අසාර්ථක බවත් ආණ්ඩුව පෙරලන්න 2020 දී ඡන්දයක් පැමිණෙන තෙක් බලා සිටීමට සිදුවන බවත් හෙතෙම පවසා සිටියේය.

රටේ ආර්ථිකය 2018 වර්ෂය වන විට නිවැරදි මාවතකට ගැනීම ආණ්ඩුවේ වෑයම බවත් 2019 -2020 අවුරුදු දෙක තුළ බඩු මිල අඩු කිරීමත්, රැකියාවන් ලබා දීම සහ පඩි වැඩි තිරීම සිදු කරන බවත් හෙතෙම පවසා සිටියේය.

ආණ්ඩු පෙරලීමේ ක්‍රියාදමය භාර දී ඇත්තේ බැසිල් රාජපක්ෂ මහතාට බවත් බැසිල් රාජපක්ෂ යනු ඡන්ද පැරදුනු වහාම ඇමෙරිකාවට මාරු වන කෙනෙක් බවත් එසේත් නොමැති නම් උසාවියෙන් කූඩුවට දැමූ වහාම රෝහල් ගත වෙන්නෙක් බවත් මන්ත්‍රීවරයා පවසා සිටියේය.

'' තක්කඩීන්ට විරුද්ධව නිසි දඩුවම් ලබා දීම මේ ආණ්ඩුවේ වගකීමක් කියලා අපි විශ්වාස කරනවා. වසරකට වැඩි කාලයක් තිස්සේ කරගෙන ආපු පරීක්ෂණ වල ප්‍රතිඵල දැන් එළියට එනවා.තව යන්නත් යන්න සූදානමිනුත් කට්ටිය ඉන්නවා. තමත් කට්ටිය ඉන්නවා තමන්ගේ නිවාඩුවක් බවට ඒක පත් කරගන්නත්. හොරකම් කරලා හිරේ දාලා එළියට එනවා අත උස්සලා වීරයා වගේ. ලක්ෂ 700 ක් හොරකම් කරලා හිරේ ඇතුලට ගිහින් එළියට එන්නේ අත් දෙක උත්සගෙන හරියට නිකං ජනතාව වෙනුවෙන් සටන් කරලා හිරේ ගියා වගේ. මේ විහිළු මේ විකාර අපේ රටේ ජනතාව බලන් ඉන්නවා. ජනතාව උපේක්ෂාවෙන් මේ දිහා බලාගෙන ඉන්නවා ''

යනුවෙන් මන්ත්‍රීවරයා වැඩිදුරටත් සදහන් කර සිටියේය.





පයින් ආවා කියලා ආණ්ඩුවක් පෙරලන්න බැහැ.

Read More


ලංකා ගමනා ගමන මණ්ඩලයේ සේවක සංඛ්‍යාව හරි අඩකින් අඩු කිරීම සඳහා ස්වේච්චාවෙන් විශ‍්‍රාම ගැනීමේ චක‍්‍රලේඛයක් නිකුත් කර ඇති අතර එය මෙරට මුළු මගී ප‍්‍රවාහන සේවයම බහු ජාතික සමාගමකට පැවරීමේ ආරම්භක පියවරක් වන ලකුණු පහළ වී ඇති බව වෘත්තීය සමිති පෙන්වා දෙයි.

මේ වනවිට ගමනා ගමන මණ්ඩලයේ සේවකයන් දාසය දහසක් පමණ (16,000) සිටින අතර බලයට පත් ආණ්ඩු විසින් තමන්ගේ පාක්ෂිකයන්ට රැකියා ලබා දීමේ ස්ථානයක් වශයෙන් ගමනා ගමන මණ්ඩලය පත් කර ගැනීම නිසා එහි විශාල සේවක සංඛ්‍යාවක් සිටිති. බස් රථ ගෙන්වීම, අමතර කොටස් ගෙන්වීම ආදී කටයුතුවලදී විශාල කොමිස් මුදල් ගැනීමෙන් මෙම ආයතනය අධික අලාබ ලබමින් තිබේ. අමතර කොටස් ගෙන්වීමේදී ව්‍යාජ කොටස් ගෙන්වා තිබීමද බරපතල වී ඇත.

ලංගම සේවකයින් 8000ක් දොට්ට.

Read More


ශ‍්‍රී ලංකා ටෙලිකොම් ආයතනයේ හා ඊට අනුබද්ධ මොබිටෙල් සමාගමේ දැන්වීම් කළමනාකරණ කටයුතු රාජපක්ෂවරුන්ට හිමි දැන්වීම් නියෝජිත ආයතනයක් වෙත ලබාදීමට එහි ආයතන ප‍්‍රධානින් බලවත් උත්සහයක් නිරතව සිටින බව ඉතා විශ්වාසවන්ත කටයුතු ආරංචිමාර්ගවලින් වාර්තාවේ.

දැන්වීම් නියෝජිත ආයතනයක් තෝරා ගැනීම සඳහා මේවනවිට ටෙන්ඩර් කැඳවා ඇති අතර එම ටෙන්ඩරය රාජපක්ෂවරුන්ට හිතවත් "මීඩියා ෆැක්ටරි" ආයතනය වෙත ලබාදීම සඳහා ශ‍්‍රී ලංකා ටෙලිකොම් ප‍්‍රධාන විධායක නිලධාරිවරයාත් ප‍්‍රධාන මෙහෙයුම් නිලධාරිවරයාත් මැදිහත්ව සිටින බව ඉහත ආරංචිමාර්ග වැඩිදුරටත් පවසයි.

ජනාධිපති විමර්ශන කොමිසම මගින් පසුගිය දිනවල හිටපු ජනාධිපති මහින්ද රාජපක්ෂ මහතාගෙන් ප‍්‍රශ්නකිරීම් සිදු කිරීමට අදාළ වූ ස්වාධීන රූපවාහිනියේ ජනාධිපතිවරණ දැන්වීම් පල කිරීමේදී මුදල් නොගෙවීම සම්බන්ධ කාරණයේදී එම දැන්වීම ලබා දීම සිදු කළ මීඩියා ෆැක්ටරි නම් ඒජන්සිය යෝෂිත රාජපක්ෂට අයත් එකක් අනාවරණය වී තිබිණ.

ටෙලිකොම් දැන්වීම් යෝෂිතගේ සමාගමකට.

Read More


පසුගිය ජනාධිපතිවරණයේ අපේක්ෂක මහින්ද රාජපක්ෂ වෙනුවෙන් ජාතික රූපවාහිනි සංස්ථාව රුපියල් තුන්කෝටි හතලිස් හත් ලක්ෂයකට (රු.34,719,750) අධික වටිනාකමක් ඇති දැන්වීම් නොමිලේ ප‍්‍රචාරය කරවා ඇති බව අනාවරණය වේ.

එමෙන්ම මෛත‍්‍රීපාල සිරිසේන මහතාගේ රුපියල් දස ලක්ෂයක් වටිනා දැන්වීම් ප‍්‍රචාරය කිරීම ප‍්‍රතික්ෂේප කර තිබූ බවට අනාවරණය වේ. මේ අතර මහින්ද රාජපක්ෂ වෙනුවෙන් වෙනත් විවිධ පුද්ගලයන් සහ ආයතන පසුව මුදල් ගෙවීමේ පදනම මත රුපියල් පන්කෝටි හැට අට ලක්ෂයකට (රු.56,882,675) ආසන්න දැන්වීම් ප‍්‍රචාරය කර ඒ වෙනුවෙන් ලබා දී තිබූ මුදල වනුයේ රුපියල් හාරකෝටි අනූනව ලක්ෂය (රු.49,966,675.)ක් පමණක් ලබා දී ඇති බවද අනාවරණය වේ. 

පසුගිය පාලන සමය අවසන් වනවිට රාජ්‍ය මාධ්‍ය ආයතන තම පවුලේ ප‍්‍රචාරක ආයතන වශයෙන් රාජපක්ෂ පවුල් පාලනය විසින් සම්පූර්ණයෙන්ම යොදා ගන්නා ලදී. එම තත්ත්වය තුළ රූපවාහිනි සංස්ථාව ඇතුළු එම මාධ්‍ය ආයතන බරපතල ලෙස අලාභ ලබන ආයතන බවට පත් වී තිබේ.

මහින්දගෙන් රූපවාහිනියට කෝටි තුනක පොල්ලක්.

Read More


ගල්අඟුරු වංචාව සම්බන්ධව පාර්ලිමේන්තු මන්ත්‍රී වාසුදේව නානායක්කාර මහතාට එරෙහිව තමා සිදුකළ අපහාස  නඩුව ගල්අඟුරු ගනුදෙනු  පිළිබඳව මහජනතාවට සියලු සත්‍ය හෙළිකරන හා තොරතුරු දැනගත හැකි සාක්ෂි සභාවක් බවට පත්කරන බව ජාතික හෙළ උරුමයේ මහලේකම් අමාත්‍ය පාඨලී චම්පික රණවක මහතා පැවසීය.

හිටපු ජනාධිපති මහින්ද රාජපක්ෂ මහතා  සහ ඔහු වටා සිටින පිරිස් සිහිනෙකුදු හෝ නොසිතන පුද්ගලයන්  මෙම නඩු විභාගයේදී සාක්ෂිකරුවන් ලෙස ඉදිරිපත් කරන බවද මහලේකම්වරයා ඊයේ (24දා) හම්බන්තොටදී පවසා සිටියේය.

ජාතික හෙළ උරුමයේ හම්බන්තොට දිසා සමුළුව අමතමින් ඒ මහතා වැඩිදුරටත් සඳහන් කළේ  2009 වසරේ සිට මේ දක්වා සිදුව ඇති ගල්අගුරු ගනුදෙනු සම්බන්දව සියලු වාර්තා මෙහිදී තමන් හෙළිකරන බවයි.

සමහර පිරිස් කරුණු වසන් කරමින් අදහස් පළ කරන බව පැවසූ ඇමතිවරයා සියලු තොරතුරු හෙළිදරව් කිරීමට මෙය අවස්ථාවක් වූ බවද පවසා සිටියේය. 

ගල්අඟුරු නඩුව පසුගිය ආණ්ඩුවට අවනඩුවක් වේවිද?

Read More

Sunday, July 24, 2016


පවතින දේශපාලන අර්බුදයන් විවේචනයට ලක්කරමින් අලුත් ගීත නිර්මාණයක් යූ ටියුබ් වෙත මුදාහැර තිබේ.

එය “හා” පාලනය ලෙස නම් කර තිබේ. එම ගීතය පහත දැක්වේ.



“හා” පාලනය - දේශපාලන ගීත නිර්මාණය (Video)

Read More


රාජපක්ෂලාට එල්ලවී ඇති චෝදනාවලින් නිදහස්වීම සඳහා ඔවුන් සතු ධනය මිලියන ගණනින් වියදම් කරමින් සිටින බව මහාචාර්ය සරත් විජේසූරිය මහතා සඳහන් කරයි. ඒ මහතා පුවත්පතකට සම්පිණ්ඩනය කළ ලිපියක් මේ දිනවල අන්තරජායේ හුවමාරුවන අතර එහි අදාළ තොරතුර සඳහන් වේ.

ඉන් උපුටාගත් කොටස පහතින් පළ වේ...

"ආරංචි හැටියට බැසිල් රාජපක්ෂව අත්අඩංගුවට නොගෙන ඉන්නට උසාවියෙන් ඇප ගන්නට ඔහු වියදම් කළ මුදල රුපියල් ලක්ෂ 60කි. මේ අවස්ථාවේ ඔහුට වෛද්‍ය වාර්තාව ලබා ගැනීමට වියදම් කළ මුදල ලක්ෂ 50කි. මේ තරම් ධනයක් වියදම් කරන්නට මරු විකලෙනි. මෙසේ කරන්නේ සියලු දෙනාම විශ්මයට පත්වි සිටින නිසාවෙනි. භිතියට පත්වි සිටින නිසාය.

මෙබඳු වාතාවරණයක් තුළ මහා අවිනීත බලඅරගලයක් තිබේ. ඒ නිසා මේ ආණ්ඩුවේ පැවැත්ම පිළිබඳවත් අපිට එක්තරා ආකාරයක වගකීමක් ඇත.

මේ ජනාධිපතිවරයා හා අග්‍රාමාත්‍යවරයා කරන කියන කටයුතු 100%ක් අපිට අනුමත කරන්නට බැරිවුනාට ඔවුන්ට විරුද්ධව පාරට බැහැලා මහා ජනබලයක් සමග බල අරගලයක නිමග්න වෙලා සිටින රාජපක්ෂ වරුන්ට නැවත දොර විවර කරන්නට අපිට හැකියාවනක් නැත.

තුළනාත්මකව අපි මේ සියල්ල කල්පනා කරන්නට අවශ්‍ය ය. මේ රටේ සැබැ සියලු පුරවැසියෝ යම් දැනුවත්කමක් ඇති මිනිසුන් ය. මනුෂ්‍යයින් හැටියට මේ රටේ අනාගතය ගැන ක්ලපනා කළයුතු ය. 

මේ රටේ ශිලාචාර පාලනයක් ගැන අපි කල්පනා කරන්නට අවශ්‍ය ය."

නීතියෙන් ගැලවෙන්න බැසිල් මිලියන ගණනින් වියදම් කරමින් ඉන්නවා.

Read More


නව මහබැංකු අධිපතිවරයා ලෙස ආචාර්ය ඉන්ද්‍රජිත් කුමාරස්වාමි මහතා පත් කිරීමේ මෙහෙයුම පිටුපස සිටි 'අදිසි හස්තය' මිලින්ද මොරගොඩ බවට මේවනවිට දේශපාලන ක්ෂේත්‍රයේ රාවයක් පැතිරයමින් තිබේ.

මෙයට පෙර කියවුනේ ආචාර්ය කුමාරස්වාමි මහතා පත් කිරීම පසුපස හිටපු ජනපතිනී චන්ද්‍රිකා බණ්ඩාරනායක කුමාරණතුංග මහත්මිය සිටි වග ය.

කෙසේවෙතත් ආචාර්ය කුමාරස්වාමි 'ෆාත්ෆයින්ඩර් පදනම' (PATHFINDER FOUNDATION) නම් රාජ්‍ය නොවන සංවිධානයේ අධ්‍යක්ෂවරයකු ලෙස කටයුතු කර තිබුනේ ය. මිලින්ද මොරගොඩ මහතා එකී සංවිධානයේ ප්‍රධානියෙකි.

එසේම අගමැති රනිල්ට ඕනා වුනේ එවකට චීනයට ගොස් සිටි මුදල් ඇමති රවී කරුණානායක එනතුරු අලුතෙන් මහබැංකු අධිපතිවරයකු පත් කිරීම කල් දමා ගන්න ට ය. ඒ මහා බැංකු අධිපතිවරයකු පත්කිරීමේදී මුදල් ඇමතිවරයා ගේ නිර්දේශය වුවමනා නිසා ය.

ජනපති මෛත්‍රී ගේ අභිලාෂය වුයේ එතෙක් නොඉඳ ආචාර්ය ඉන්ද්‍රජිත් මහතාව පත් කර ගැනීම ය.

මේ ගැටලුව විසඳුවේ ඒවනවිට වැඩ බලන මුදල් ඇමති ලෙස කටයුතු කල මුදල් රාජ්‍ය ඇමති ලක්ෂ්මන් යාපා ය. වැඩබලන මුදල් ඇමති ලෙස ඔහු ඒ සඳහා වූ නිර්දේශයට අත්සන් කරනු ලැබිය.

ඇමති ලක්ෂ්මන් යාපා හා මිලින්ද අතර අදටත් ඇත්තේ දැඩි බැඳීමකි.

අගමැති රනිල්ගේ 2001 දෙසැම්බර ආණ්ඩුවේ මිලින්ද මොරගොඩ ප්‍රධානපෙලේ භූමිකාවක් උසුලන්නකු වුයේ ය.

සාම සාකච්ජා, ආර්ථික ප්‍රතිපත්ති, ජාතික ආරක්ෂාව පමණක් නොව විදේශ ප්‍රතිපත්ති ඇතුළු ආණ්ඩුවේ ප්‍රධාන දැති රෝද සියල්ලක් ම පාහේ එවකට කැරකුණේ මිලින්ද මොරගොඩ මහතාගේ අනුදැනුම යටතේ ය.

ජනාධිපති මෛත්‍රීපාල සිරිසේන මහතාගේ ඉදිරි ජාතික වැඩසටහන් ක්‍රියාත්මක කිරීම සඳහා මිලින්ද මොරගොඩ වැනි ජාත්‍යන්තර සම්බන්ධතා ඇති අයකුගේ අවශ්‍යතාවය 'සිරස' අධිපතිවරයා ජනාධිපතිවරයාගේ අවධානයට යොමුකර ඇතැයි පැවසේ.

මොරගොඩ මහතා හා 'සිරස' අධිපතිවරයා ගජ මිතුරන්ය.


(මූලාශ්‍රය - සත්හඬ)

කුමාරස්වාමි ගේන මෙහෙයුමේ සිරසේ මිලින්දත් ඉඳලා?

Read More


ඒකාබද්ධ විපක්ෂයේ මන්ත‍්‍රීවරුන් පිරිසක් සහ ජනාධිපති මෛත‍්‍රීපාල සිරිසේන මහතා අතර විශේෂ සාකච්ඡාවක් ජනාධිපති නිල නිවසේදී හෙට (25) පැවැත්වීමට නියමිතය.

ඒ සම්බන්ධයෙන් කල විමසීමකදී, පාර්ලිමේන්තු මන්ත‍්‍රී මහින්ද යාපා අබේවර්ධන මහතා සඳහන් කළේ ජනාධිපති ලේකම් කාර්යාලයෙන් මෙම සාකච්ඡාව සඳහා වන ආරාධනය සිදු කළ බවයි.

මෙම සාකච්ඡාව සඳහා ඒකාබද්ධ විපක්ෂය නියෝජනය කරන මහින්දානන්ද අලුත්ගමගේ සහ ජොන්ස්ටන් ප‍්‍රනාන්දු යන මන්තී‍්‍රවරුන්ටද ආරාධනා ලැබී ඇත.

නාමල්ට ආරාධනයක් නැහැ :

කෙසේවෙතත් පාර්ලිමේන්තු මන්ත‍්‍රී කංචන විජේසේකර සඳහන් කළේ ඒකාබද්ධ විපක්‍ෂයේ ජ්‍යෙෂ්ඨ මන්තී‍්‍රවරුන් රැසකට මෙම සාකච්ඡාව සඳහා මෙතෙක් ආරාධනා ලැබී නොමැති බවයි.

නාමල් රාජපක්‍ෂ මන්තී‍්‍රවරයාටද මෙම සාකච්ඡාව සඳහා ආරාධනා ලැබී නොමැත.

ශී‍්‍ර ලංකා නිදහස් පක්‍ෂය සහ එක්සත් ජාතික පක්‍ෂය අතර ඇති කරගත් එකඟතාව අනුව පිහිටුවා ගැනුණු ජාතික ආණ්ඩුවේ කාලසීමාව තවත් වසර තුනකින් දීර්ඝ කරන බව පක්ෂ දෙකෙහි ලේකම්වරුන් ඉකුත්දා ප්‍රකාශ කළේය.

ජනාධිපතිවරයා සහ ඒකාබද්ධ විපක්‍ෂය අතර හෙට (25) පැවැත්වෙන සාකච්ඡාවේදී මෙම තීරණය සම්බන්ධයෙන් සහ ආණ්ඩුවට එරෙහිව ඒකාබද්ධ විපක්‍ෂය සිදුකරන පා ගමන පිළිබඳවද සාකච්ඡා කෙරෙනු ඇතැයි පැවසේ.

කලබලවෙන්න එපා :

මේ අතර, මහනුවරින් ආරම්භ කෙරෙන පාද යාත‍්‍රාව සම්බන්ධයෙන් ශ‍්‍රී ලංකා නිදහස් පක්ෂය කලබලයට පත්විය යුතු නැතැයි ඒකාබද්ධ විපක්ෂය පවසයි.

එම විරෝධතා පාගමන ආණ්ඩුවට එරෙහි ක‍්‍රියාමාර්ගයක් මිස ශ‍්‍රී ලංකා නිදහස් පක්ෂයට එරෙහි ක‍්‍රියාමාර්ගයක් නොවන බව පාර්ලිමේන්තු මන්ත‍්‍රී බන්දුල ගුණවර්ධන මහතා අවධාරණය කර සිටියේය.

(නෙත් නිවුස්)

ඒකාබද්ධ විපක්ෂයේ පිරිසක් හා ජනපති අතර හමුවක්.

Read More


එළඹෙන පළාත් පාලන මැතිවරණය වෙනුවෙන් මහනුවර මහ නගර සභාවේ නගරාධිපතිධුරය වෙනුවෙන් ශ්‍රි ලංකාවේ ජාතික රගර් කණ්ඩායමට ද නායත්වය දුන් කීර්තිමත් ක්‍රීඩකයකු වූ නාලක වීරක්කොඩි මහතා තරග කිරීමට නියමිත බව එජාප ආරංචි මාර්ග සඳහන් කරයි.

අනූව දශකයේ මැද භාගයේදි මහනුවර තරුණ රග්බි සමාජය හරහා ජාතික තලයේ රග්බි තරගාවලි සඳහා සහභාගි වන ඔහු මහනුවර ක්‍රීඩා සමාජයේ නායකත්වයටත් 1996 වසරේ සිට ශ්‍රිලංකා ජාතික රගර් කණ්ඩායමේ නිත්‍ය ක්‍රීඩකයකු ලෙස කටයුතු කළ අතර 2003 වසරේදී මෙරට සත් සාමාජික රගර් කණ්ඩායමේ නායකත්වයට පත්වන අතර රට වෙනුවෙන් ජාත්‍යන්තර තරග ‍රැසකටද සහභාගී විය. CR&FC කණ්ඩායමටද ඔහු කලක් ක්‍රීඩා කළේය.ඔහුගේ වසර 12ක් ක්‍රීඩා දිවිය තුල වාර්තාගත ජයග්‍රහණයන් ‍රැසකටම ඔහු දායකත්වය සපයා ඇත

මෙරට රග්බි ක්‍රීඩාව රාජපක්ෂවරුන්ගේ අණසකට යටත්වීමෙන් පසුව එනම් තිස් එක්වැනි වියේදී එනම් 2007 වසරේ අගභාගයේදී දේශීය රග්බි ක්‍රීඩාවට ඔහු සමුදුන් අතර මේ වන විට මහනුවර ප්‍රදේශයේ පාසල් කිහිපයක රග්බි පුහුණු කරුවකු ලෙසද සේවය කරයි. මෙරට රග්බි උන්මාදයෙන් පෙලෙන ක්‍රීඩා ලෝලින් විශාල ප්‍රමාණයක් සිටින්නේ මහනුවර ප්‍රදේශයේය. එමෙන්ම එම ක්‍රීඩා ලෝලින් අතර ජනප්‍රිය ක්‍රීඩකයකු වූ නාලක මහනුවර මහ නගර සභා මැතිවරණයට ඉදිරිපත් වීම මඟින් දැන්ටමත් එජාපය ජයග්‍රාහී පියවරක් තබා ඇති බව එක්සත් ජාතික පාක්ෂිකයන්ගේ අදහසය. නාලක දේශපාලනයට පිවිසෙන්නේ එජාප සභාපති මලික් සමරවික්‍රම මහතාගේ මඟ පෙන්වීම යටතේය. මහනුවර ක්‍රීඩා සමාජය මෙහෙයවන්නේද මලික් සමරවික්‍රම මහතාය.

-LankaDaily

මහනුවර නගරාධිපති සටනට එජාපයෙන් සුපිරි තරුවක්.

Read More


ජාතික අධ්‍යාපන ආයතනයේ පාලක සභාව මාසයකට වරක් රැස්විය යුතු නමුත් පසුගිය දෙසැම්බර් මාසයේ පවත්වන ලද අවසන් රැස්වීමෙන් අනතුරුව එය රැස් වී නැති බව එම පාලක සභාවෙන් ඉවත් කෙරුණ ආචාර්ය නිර්මාල් රන්ජිත් දේවසිරි මහතා පවසයි.

මහාචාර්ය ජයදේව උයන්ගොඩ, මහාචාර්ය සෙනෙවි එපිටවත්ත, මහාචාර්ය ජයතිලක සහ ආචාර්ය නිර්මාල් රන්ජිත් දේවසිරි ඇතුළු සමස්ත පාලක මණ්ඩලය අධ්‍යාපන ඇමතිවරයාගේ නියෝගයක් අනුව අධ්‍යාපන ලේකම්වරයා විසින් ඉවත් කරනු ලැබ ඇති බව ආචාර්ය නිර්මාල් රන්ජිත් දේවසිරි මහතා කියා සිටියේය.

තමා ඇතුළු පාලක සභාව ඉවත් කිරීමට බල පෑ පසුබිම දීර්ඝ වශයෙන් විස්තර කරමින් ආචාර්ය නිර්මාල් රන්ජිත් දේවසිරි මහතා කියා සිටියේ, එම අවසන් සාකච්ඡාවේ දී විශාල මත ගැටුමක් ඇති වූ අතර එවකට සිටි අධ්‍යක්ෂ ජනරාල්වරයා සමඟ කටයුතු කළ නොහැකි බව පාලක සභාවේ සාමාජිකයන් ආයතනයට දැනුම් දුන් බවයි.

එම සාකච්ඡා සියල්ල නිල බලයෙන් පාලක සභාවේ සභාපතිවරයා වන අධ්‍යාපන ලේකම්වරයා ඉදිරිපිට සිදු වූ බවත් ආචාර්ය නිර්මාල් රන්ජිත් දේවසිරි මහතා කියා සිටියි.

'ජාතික අධ්‍යාපනයේ කටයුතු සම්බන්ධයෙන් අපි වැදගත් කරුණු රාශියක් මතු කරමින් සිටියා. ඒවෙනුවෙන් වැඩමුළුවක් පවා පවත්වනු ලැබුණා. එමගින් වැදගත් නිර්දේශ ඉදිරිපත් කරමින් ඉදිරි වැඩ කොටසක් සඳහා පියවර ගනිමිනුයි සිටියේ' පාලක සභාවෙන් ඉවත් කෙරුණ ආචාර්ය නිර්මාල් රන්ජිත් මහතා ප්‍රකාශ කළේය.

එහෙත් බලධාරීන් එවැනි පරිවර්තනයකට සූදානම් නොමැති බව පෙනී ගිය බවත් ඔහු පවසයි.

ඒ වෙනුවට ජාතික අධ්‍යාපන ආයතනයේ බලධාරීන් සිදු කරමින් සිටියේ මුදල් කාබාසිනියා කර දැමීම පමණක් බවත් ආචාර්ය නිර්මාල් රන්ජිත් දේවසිරි මහතා කියා සිටියි.

'අද ජාතික අධ්‍යාපන ආයතනය බිස්නස් එකක්. විවිධ අක්‍රමිකතා, මුදල් පරිපාලන ගැටළු පවතින ආයතනයක්. එම විනාශ වූ ආයතනයෙන් යැපෙන පිරිසකුත් ඉන්නවා. අපි ඒ ගැන කතා කළා. ඒ අනුව අපේ මැදිහත් වීම ඔවුන්ට හිසරදයක්වයි තිබුණේ' ආචාර්ය නිර්මාල් රන්ජිත් දේවසිරි මහතා වැඩිදුරටත් සඳහන් කළේය.

තමන් අධ්‍යාපන ඇමතිවරයාගේ ආරාධනයෙන් පාලක සභාවට සම්බන්ධ වුනේ රටේ අධ්‍යාපනයට යම්කිසි මෙහෙයක් සිදු කිරීම වෙනුවෙන් යයි සඳහන් කළ ආචාර්ය දේවසිරි මහතා, ජාතික අධ්‍යාපන ආයතනයේ පවතින තත්වය සම්බන්ධයෙන් ඇමතිවරයාට වාචිකව මෙන්ම ලිඛිතවත් දැනුම් දී ඇති බව කියා සිටියේය.

එහෙත් අන්තිමේ දී සිදු වුණේ ඇමතිවරයාගේ නියෝගය අනුව තමා ඇතුළු පාලක සභාව අධ්‍යාපන ලේකම්වරයා විසින් ඉවත් කරනු ලැබීම බව ආචාර්ය දේවසිරි මහතා වැඩිදුරටත් කියා සිටියේය. .

(බිබිසි සංදේශය)

'ජාතික අධ්‍යාපන ආයතනය බිස්නස් එකක්' - නිර්මාල්.

Read More


ශ්‍රීලංකා ටෙලිකොම් ආයතනය සිය වෙළඳ දැන්වීමක් සෝෂල් මීඩියා හරහා ප්‍රචාරය කිරීම මේ වන විට ආරම්භ කර තිබේ.

ඒ ජූලි 27 වන දා සිට 31 දක්වා කොළඹ සිට මඩකළපුවට ගමන් ගන්නා ටෙලිකොම් ස්පීඩ් අප් සයිකල් සවාරියේ දැන්වීම් මාලාවයි.
ඒ අනුව  ටෙලිකොම් ස්පීඩ් අප් සයිකල් සවාරියට අදාළ දැන්වීම් බුකියේ ප්‍රචාරය කිරීම ආරම්භ කොට තිබේ.

නමුත් මෙය ලංකාවේ ජනප්‍රිය සහ ජනප්‍රිය නොවන පිටු වෙත ඉතා සොච්චමි මුදලකට යම් පුද්ගලයන් දෙතුන් දෙනෙකුගේ උවමනාව මත සිදුවෙමින්  පවතින බව අපවෙත වාර්ථ‍ාවේ.

මෙම තුට්ටු දෙකට තමන්ගේ හිතවත් කම් මත ජනප්‍රිය නොවන පිටු වෙත මෙම දැන්වීම් ලබා දෙමින් මෙම පුද්ගලයා අතිවිශාල කොමිස්මුදලක් ලබාගන්නා බවද එම වාර්ථාවල සදහන්ය.

මෙය හසුරවන ප්‍රධාන පුද්ගලයා ප්‍රකට ක්‍රිකට් ක්‍රිඩක තිලකරත්න දිල්ශාන් මහතාගේ නිල ‍ෆේස්බුක් පිටුව මෙහෙයුවු පුද්ගයා වන අතර පසුව එය හිතුමතේට වෙනත් වෙබි අඩවි හිමිකරැවෙකුට රැපියල් 15000ක් වැනි මුදලකට අලෙවි කර ඇති බවද එම වාර්ථාවල වැඩිදුරටත් සදහන්ය.

නමුත් මෙය එක් මාධ්‍ය කණ්ඩායමකට සීමානොවී ලාංකීය ජනයා අතරට සෘජුවම යම් පණීවුඩයක් ගෙන යන ෆේස්බුක් වැනි සමාජ මාධ්‍ය පිටු සදහා ලබා දීමට කටයුතු කිරීම පිලිබදව අප අගය කළ යුතුය.

නමුත් එය මෙවැනි මුදලට ඕනෑම දෙයක් සිදුකරන සොකඩයන්ට පාළනයකීරීමට ඉඩ නොදී එය නිවැරදිව සිදුකිරීම මෙම දැන්වීම් බෙදාහරින ආයතනවල ප්‍රධානීන්ගේ වගකීමයි.

කෙසේ නමුත් මෙය ඉදිරියේදී ලාංකීය වෙළඳ ප්‍රචාරණ කලාවේ නව ගමන් මඟක ආරම්භය සනිටුහන් කරනු ඇති බව අපගේ විශ්වාසයයි.


ටෙලිකොම් නරියාට කුකුල්ලු බාරදෙයි - නරියා වාවාගෙන කයි.

Read More

Saturday, July 23, 2016


විධායක ජනාධිපති ධුරය අහෝසි කෙරෙන නව ආණ්ඩු ක‍්‍රම ව්‍යවස්ථාවක් ගෙන ඒමට ශ‍්‍රී ලංකා නිදහස් පක්ෂය තවදුරටත් එකඟ නොවේ නම් ශ‍්‍රීලනිපය සමඟ වන සම්මුතිය බිඳ දමා පාර්ලිමේන්තුවේ විපක්ෂයේ අසුන් ගත යුතු බව එක්සත් ජාතික පක්ෂයේ ජ්‍යේෂ්ඨ නායකයන් රැසක් අගමැති රනිල් වික‍්‍රමසිංහ මහතාට දැනුම් දී ඇත.

එමෙන්ම දිගින් දිගටම ශ‍්‍රීලනිපයේ මැතිඇමැතිවරු එජාපයේ රට ගොඩනගන වැඩ පිළිවෙළට බාධාකිරීම මත තවදුරටත් ජනාධිපතිවරයා ප‍්‍රමුඛ ඔහුගේ කණ්ඩායම සමඟ කටයුතු කිරීම සිදු කළ නොහැකි බවත් ජනාධිපතිවරයාට හා ඔහුගේ ශ‍්‍රීලනිප කණ්ඩායමට ආණ්ඩුව කරගෙන යාමට ඉඩදිය යුතු බව මෙම ඇමැතිවරුන් දැඩිව පවසා ඇත.

විශේෂයෙන්ම පසුගිය කාලයේ මහත් කතා බහට ලක් වූ මහ බැංකු බැඳුම්කර සම්බන්ධ සිදුවීමේ දී සහ වැට් බදු සංශෝධනය සම්බන්ධයෙන් ශ‍්‍රීලනිපය කටයුතු කළ ආකාරය එජාප ඇමැතිවරුන්ගේ දැඩි විවේච්නයට ලක්ව ඇත. කැබිනට් මණ්ඩලයේ දී එකඟ වී ඉන් එළියට පැමිණ ඊට එරෙහිව ප‍්‍රකාශ නිකුත් කිරීමේ අවස්ථා ගණනාවක් ගැන ද මෙහි දී සඳහන් කර ඇත. ශ‍්‍රීලනිපයේ මෙම අවස්ථාවාදී පිළිවෙතත්, රටේ ආන්දෝලනාත්මක ප‍්‍රශ්නවල දී තමන් ඒ දුටුවේ පත්තරෙන් බව ජනාධිපතිවරයා දිගින් දිගටම පැවසීම ආදී කාරණා නිසා ශ‍්‍රීලනිපය සහ තවදුරටත් සහයෝගයෙන් මේ ගමන යා නොහැකි බව ඔවුන් අවධාරණය කර ඇත. 

පසුගියදා අගමැතිවරයාගේ ප‍්‍රධානත්වයෙන් එජාපයේ ජ්‍යේෂ්ඨ ඇමැතිවරු කිහිප දෙනකු සහ පැවැති සාකච්ඡාවක දී මේ බව පවසා ඇත.
මෙම සාකච්ඡාවේ දී ඇමැති මලික් සමරවික‍්‍රම මහතා පවසා ඇත්තේ ශ‍්‍රීලනිපයෙන් වෙන් වී මේ වන විට මහින්ද රාජපක්ෂ මහතා සමඟ සිටින කණ්ඩායමේ සහය ලබා ගෙන ආණ්ඩුවක් පිහිටු විය යුතු බවය. එහෙත් එහි දී ඊට දැඩි විරෝධයක් මතුව තිබේ.  නව ව්‍යවස්ථාව සම්මත කර ගැනීම සඳහා එම කණ්ඩායමේ සහය ලබා ගැනීම සම්බන්ධයෙන් ගැටලූවක් නැතත් ඔවුන් සමඟ කිසිසේත්ම ආණ්ඩුවක් පිහිටුවීම නොවිය යුතු බවට ඇමැතිවරු කිහිප දෙනකු දැඩිව කරුණු දක්වා ඇත. විධායක ජනාධිපති ධුරය අහෝසි කිරීමට එම කණ්ඩායමේ පූර්ණ සහය ලබා දෙන බවට පසුගිය දා මහින්ද රාජපක්ෂ මහතා අගමැතිවරයාට පොරොන්දු වී ඇත. 

කෙසේ නමුත් නව ආණ්ඩු ක‍්‍රම ව්‍යවස්ථාවක් කෙටුම් පත් කිරීම මේ දිනවල සිදු වෙමින් පවතී. මේ සඳහා අගමැති රනිල් වික‍්‍රමසිංහ මහතා එම කෙටුම්පත් කිරීමේ කමිටුව සමඟ දින කිහිපයකට වරක් එක්රැස්වන බව ද දැන ගැනීමට ඇත. මෙහි දී ප‍්‍රධාන වශයෙන් විධායක ජනාධිපති ධුරය අහෝසි කිරීම, මැතිවරණ ක‍්‍රමය වෙනස් කිරීම සහ බලය බෙදා හැරීම යන කාරණා තුන සම්බන්ධයෙන් විශේෂ අවධානය යොමුව පවතී. එහෙත් ශ‍්‍රී ලංකා නිදහස් පක්ෂයේ යෝජනාව වී ඇත්තේ මෙම කාරණා තුන එකවර ගෙන ආ යුතු නැති බවය. එය රටේ කැලැඹීමකට හේතුවනු ඇති බවත් ජනමත විචාරණයකින් එය පරාජය විය හැකි බවත්   ශ‍්‍රීලනිපයේ අදහස වී ඇත. එසේම විධායක ජනාධිපති ධුරය වෙනස් කිරීම සිදු නොකළ යුතු බව ශ‍්‍රීලනිපයේ ස්ථාවරය වී ඇත. මැතිවරණ ක‍්‍රමය වෙනස් කිරීමේ ව්‍යවස්ථා සංශෝධනය පමණක් මේ මොහොතේ ගෙන ඒම කළ යුතු බව මේ වන විට ඔවුන් අගමැතිවරයාට  දන්වා ඇත.  

එහෙත් නැවත වරක් ව්‍යස්ථා සංශෝධන ගෙන එමින් මේ ගැටලූව නිරාකරණය කළ නොහැකි බව එජාපය පෙන්වා දෙයි. එමෙන්ම ඉහත කී යෝජනා තුනම එකිනෙකට සම්බන්ධ බවත් එම කාරණා තුනම එක විට වෙනස් කිරීමකින් තොරව පැලැස්තර දමා ව්‍යස්ථාව සම්බන්ධ ගැටලූව විසඳීම සිදු කළ නොහැකි බවත් එජාපය අවධාරණය කර ඇත. පවත්නා ව්‍යස්ථාවට මේ වන විට සංශෝධන 19ක් එක්කර තිබෙන අතර එය ඉතා සංකීර්ණතාවලින් ගහන ව්‍යවස්ථාවකි.  

ව්‍යවස්ථාව සම්මත කර ගැනීමේ දී මෛත‍්‍රීපාල සිරිසේන මහතා කෙසේ වෙතත් මහින්දවාදීන් හා බහුතර ශ‍්‍රීලනිප මන්ත‍්‍රීවරුන් ජාතිවාදී ස්ථාවරයක් ගැනීම සිදු විය හැකි බවත් එම තත්ත්වය තුළ ව්‍යවස්ථාව සම්මත කර ගැනීම සඳහා වන අවශ්‍ය සහාය ශ‍්‍රීලනිපයෙන් නොලැබිය හැකි බවත්  එජාප ඇමැතිවරු පෙන්වා දී ඇත.

විධායක ජනාධිපති ධුරය සම්බන්ධයෙන් ශ‍්‍රීලනිපයේ අදහස වී ඇත්තේ එය නාමමාත‍්‍රික තනතුරක් නොවිය යුතු බවත් මහජන ඡන්දයෙන් කෙරෙන තෝරා ගැනීමක් වියයුතු බවත්ය. එහෙත් ජනාධිපතිවරයා පාර්ලිමේන්තුවේ නියොජිතයන් විසින් නම් කරණු අයකු වීම සහ ඔහුට ජාතික ආරක්ෂාව සම්බන්ධයෙන් වගකීම ලැබීම පමණක් පැවැරෙන ව්‍යවස්ථාවක් රටට අවශ්‍ය බව එජාපය සමඟ සම්බන්ධ විද්වතුන්ගේ මතය වී ඇත. 

කෙසේ නමුත් මීට සති කිහිපයක සිට ආණ්ඩුවෙන් ඉවත් වීම සම්බන්ධයෙන් එජාපයේ ඇති සූදානම  හෙළිදරව් වීම නිසා  ශ‍්‍රීලනිපය වෙතින් මේ වන විට අඩියක් පස්සට ගැනීම සිදුව තිබේ. ඒ අනුව ජනාධිපතිවරයා පසුගියදා කිලිනොච්චියේ පැවැති මහජන හමුවක දී දැඩිව ප‍්‍රකාශ කර සිටියේ විධායක ජනාධිපති ධුරය වෙනස් කරන බවය. එමෙන්ම දෙමළ ජනතාව කෙරෙහි විශේෂ ප‍්‍රශ්නයක් තිබෙන බවත් ඔහු මෙහි දී පිළිගත් අතර බලය බේදා හැරීමක් සහිත එක්සත් රටක් වෙනුවෙන් වන නව ව්‍යවස්ථාවක් කෙරෙහි ඇති එකඟතාව ද මෙහි දී ඔහු කෙරෙන් අනියමින් ප‍්‍රකාශයට පත් විය.

එමෙන්ම පසුගියා 21 වන දින ශ‍්‍රීලනිප ලේකම් දුමින්ද දිසානායක සහ එජාප ලේකම් කබීර් හෂීම් ඒකාබද්ධ මාධ්‍ය හමුවක් කැඳවා පවසා සිටියේ සම්මුතික ආණ්ඩුවේ කාලය 2020 දක්වා දීර්ඝ කෙරෙන බවය. මෙය ශ‍්‍රීලනිපයේ යෝජනාවක් අනුව සිදු කෙරුණු ප‍්‍රකාශයක් වන අතර කබීර් හෂීම් මහතා ද ඊට එක්වීම ගැන එජාපයේ ජ්‍යේෂ්ඨයන්ගේ විරෝධය ද මේ වන විට ඔහුට එරෙහිව පළ වී ඇත. කෙසේ නමුත් සම්මුතික ආණ්ඩුව බිඳී ගියහොත් එය වඩාත්ම හානිදායක වන්නේ ශ‍්‍රීලනිපයටත් ජනාධිපතිවරයාටත් වන අතර එය අනුව තවදුරටත් ඒ රැක ගැනීම ඔවුන්ගේ වෑයම වී තිබෙන බවත් අලියාගේ වල්ගේ එල්ලී පක්ෂය බේරා ගැනීමට ජනාධිපතිවරයාගේ පාර්ශ්වය උත්සාහ ගන්නා බව එජාපයේ ඇමැතිවරු පවසයි.

කෙසේ නමුත් මේ වන විට එජාප නායකයා සහ ජ්‍යේෂ්ඨයන් පිරිසක් තීරණය කර ඇත්තේ නව ව්‍යවස්ථාව වෙනුවෙන් දැඩිව පෙනී සිටීමටය. එමඟින් සිවිල් සමාජයේ ද සුළු ජාතිකයන්ගේ ද සහාය සහ ප‍්‍රසාදය එජාපයට අත්විය හැකි බවත් මෙහි දී පාර්ලිමේන්තුවේ සහාය ලබා ගැනීමේ හැකියාවත් එජාපයට තිබෙන බවටත් මේ වන විට ගණන් බලා ඇත. සම්මුතික ආණ්ඩුවෙන් ඉවත් වී විපක්ෂයේ වාඩිවීම කෙසේ වෙතත්  තනිවම ආණ්ඩුවක් පිහිටුවීම සඳහා අවශ්‍ය කටයුතු සූදානම් කර ගැනීම මලික් සමරවික‍්‍රම මහතා භාරගෙන ඇති බවත් වාර්තාවේ.  එජාපයට පාර්ලිමේන්තු අසුන් 106ක් ඇති අතර මුස්ලිම් කොංග‍්‍රසයේ නැගෙනහිර මන්ත‍්‍රී ධුරය ද  දෙමළ ජාතික සන්ධානයේ මන්ත‍්‍රී ධුර 14 ද සහයෝගය මේ වෙනුවෙන් ලැබෙනු ඇති බව එජාපයේ මතය වේ. 

මේ වන විට මලික් සමරවික‍්‍රම මහතා මහින්දවා දී විපක්ෂයේ මන්ත‍්‍රීවරු 8 දෙනකු සමඟ සාකච්ජා පවත්වමින් සිටින අතර ඔවුන් එජාප ආණ්ඩුවකට එක්වීමට ද කැමැත්ත පළ කර ඇත. එසේම එජාපයේ තවත් ඇමැතිවරුන් කිහිප දෙනකුම අගමැතිවරයාට දැනුම් දී ඇත්තේ මහින්ද රාජපක්ෂ සමඟ යළි එක්වීම සඳහා ශ‍්‍රිලනිපයේ ඇතැම් නායකයන් ගෙන යන වැඩ පිළිවෙළ සහ කලකිරී සිටින මැතිඇමැතිවරු 18 දෙනකුගේ කැමැත්ත එජාපය පිහිටුවන නව ආණ්ඩුවකට එක්කර ගැනීමේ හැකියාව තිබෙන බවය. ඒ අනුව එජාපයට ආසන 147ක බලයක් පාර්ලිමේන්තුව තුළ නිර්මාණය කර ගත හැකි බවත් නව ව්‍යවස්ථාව සම්මත කිරීම සඳහා අවශ්‍ය තුනෙන් දෙකේ බලය වන ආසන 150 සම්පූර්ණ කර ගැනීම සිදු කර ගත හැකි බවත්ය. ආණ්ඩු බලය තිබෙන පැත්තට මන්ත‍්‍රීවරුන් ඇදී ඒම මත මෙය පහසු කරුණක් වනු ඇති බවත් එජාපයේ අදහස වී තිබේ.

කෙසේ නමුත් පසුගිය සිකුරාදා අගමැතිවරයා පාර්ලිමේන්තුව හමුවේ දී ප‍්‍රකාශයක් කරමින් කියා සිටියේ ආණ්ඩුව බිඳ නොවැටෙන බවත් මහින්දවාදීන්ගෙන් කිහිප දෙනකු ආණ්ඩුවට එකතු වන බවත්ය.

මෛත‍්‍රී පාර්ශ්වය සහ මහින්ද පාර්ශ්වය එක් කිරීම සඳහා මේ වන විට පත් කළ මන්ත‍්‍රී මලිත් ජයතිලක මහතා ප‍්‍රමුඛව ජෝන් සෙනෙවිරත්න ආදීන් විශේෂ සාකච්ඡා වට කිහිපයක්ම පවත්වා ඇත. මෙහි දී මලිත් ජයතිලක මහතා මහින්ද රාජපක්ෂ මහතා සමඟ ද මේ සම්බන්ධයෙන් සාකච්ඡා සිදු කර ඇත. ජනවාරි 08 වනදා වූ වෙනස සම්බන්ධයෙන් කෘතියකට කරුණු එක්රැස් කරනවා යැයි කියමින් ඔහු මහින්ද පාර්ශ්වයේ මන්ත‍්‍රීවරු මුණ ගැසී ඇත. කෙසේ නමුත් ශ‍්‍රීලනිප උපදේශිකා චන්ද්‍රිකා බණ්ඩාරනායක මහත්මිය යළි රාජපක්ෂවරුන් පක්ෂයට තුළට ගෙන ඒමට ගන්නා උත්සාහයට දැඩිව විරෝධය පළ කර  තිබේ.

ජනාධිපතිවරයා නව ව්‍යවස්ථාවක් සම්බන්ධයෙන් කිලිනොච්චියේ දී සුබවාදී ලෙස අදහස් පළ කිරීම සිදු වූව ද ශ‍්‍රීලනිප ජ්‍යේෂ්ඨයන් වෙතින් ඊට පරස්පර අදහස් පළවීම සම්බන්ධයෙන් ශ‍්‍රීලනිප ජ්‍යේෂ්ඨයකුගෙන් අප කළ විමසීමක දී ඔහු පවසා සිටියේ සම්මුතික ආණ්ඩුව සම්බන්ධයෙන් ප‍්‍රශ්න ඇති කරන්නේ ජනාධිපතිවරණයෙන් පසුව මෛත‍්‍රීපාල සිරිසේන මහතාට සමීප වූ පිරිස වෙතින් බවය. එහෙත් ජනාධිපතිවරයා ජනාධිපතිවරණයේ දී ඉදිරිපත් කළ ප‍්‍රතිපත්ති ප‍්‍රකාශනයෙහි ජනමත විචාරණයකට තුඩු දෙන කිසිදු ව්‍යවස්ථා සංශෝධනයකට එකඟ නොවන බව සඳහන් කර තිබීම මත එජාප විරෝධී ශ‍්‍රීලනිප මෛත‍්‍රීවාදීන් ද සිටින්නේ විධායකය පැවැතිය යුතු මතයේ බව ද ඔහු පවසා සිටියේ ය. එහෙත් මේ සම්බන්ධයෙන් එජාපයේ මතය වන්නේ එම ප‍්‍රතිපත්ති ය වලංගු වන්නේ පවතින ව්‍යවස්ථාව සංශෝධනය කිරීම සම්බන්ධයෙන් පමණක් බවත්  නව ව්‍යවස්ථාවක් ගෙන ඒමේ දී ඒ වලංගු නැති බවය. එමෙන්ම ජනාධිපතිවරණ සටනේ ප‍්‍රමුඛ සටන් පාඨයක් වූයේ විධායක ජනාධිපති ධුරය අහෝසි කෙරෙන නව ව්‍යවස්ථාවක් ගෙන ඒම බවත් එය මේ මැතිවරණ ප‍්‍රකාශයක් මත මඟ හැර යාමට ඉඩ දිය නොහැකි බවත්ය.

- සුභාෂ් ජයවර්ධන
SathHandha

එජාපය විපක්ෂයට?

Read More


හම්බන්තොට මහින්ද රජපක්ෂ ජාත්‍යන්තර ක්‍රිකට් ක්‍රීඩාංගණය ඇතුළු ක්‍රිකට් ක්‍රීඩාංගණ කිහිපයක් ඉදිකිරීම සම්බන්ධයෙන් ශ්‍රී ලංකා වරයා අධිකාරිය සහ රාජ්‍ය ඉංජිනේරු සංස්ථාවට ක්‍රිකට් පාලක මණ්ඩලය විසින් ගෙවිය යුතුව තිබෙන රුපියල් මිලියන 2824ක් සම්බන්ධයෙන් විගණකාධිපති වාර්තාවක් මගින් පෙන්වා දී තිබේ.

2014 වසරේදී ද මෙය මතු කර ඇති බව වැඩිදුරටත් සඳහන් වන අතර මෙම ක්‍රීඩාංගණ ඉදිකිරීමට අදාළව වරාය සංවර්ධන අධිකාරියට මුදල් ගෙවීමට සිදුව ඇත්තේ මන්දැයි කරුණු දක්වන ලෙස විගණකාධිපතිවරයා දන්වා තිබේ.

වරාය සංවර්ධ අධිකාරියට ක්‍රිකට් ආයතනය විසින් ගෙවිය යුතු මුදල රුපියල් මිලියන 2258ක් වේ. සූරියවැව ඉදිකිරීමට අමතරව ආර්. ප්‍රේමදාස ක්‍රිකට් ක්‍රීඩාංගණය සඳහා පල්ලෙකැලේ ජාත්‍යන්තර ක්‍රිකට් ක්‍රීඩාංගණය වැඩිදියුණු කිරීම සඳහා මෙම වියදම් දරා තිබේ. 

මෙම වියදම් සඳහා පාදක කරගත් මූලාශ්‍ර මොනවාද යන්න විගණකාධිපති වාර්තාවෙන් ප්‍රශ්න කර ඇත.



මහින්ද ක්‍රිකට් ගැසූ හැටි හෙළි වෙයි.

Read More


රාජ්‍ය දේපළ අවභාවිතා කිරීම සම්බන්ධයෙන් එල්ල වී ඇති චෝදනා මත පදනම්ව ආරක්ෂක අමාත්‍යාංශයේ හිටපු ලේකම් ගෝඨාභය රාජපක්ෂ මහතා අත්අඩංගුවට ගැනීමේ හැකියාවක් තිබෙන නමුත් ජනාධිපතිවරයා ප‍්‍රමුඛව ශ‍්‍රීලනිප ඇමැතිවරුන්ගෙන් එල්ල වී ඇති දැඩි අකැමැත්ත මත ඒ තවදුරටත් ප‍්‍රමාද වෙමින් තිබෙන බව පොලිස් ආරංචි මාර්ග සඳහන් කරයි.

එහෙත් මේ සම්බන්ධයෙන් කිසිඳු බලපෑමක් අගමැති වරයාගේ පාර්ශවයෙන් එල්ල වී නැති බව එම ආරංචි මාර්ග සඳහන් කළත් පැහැදිලිව චෝදනා සනාථව ඇති ගෝඨාභය රාජපක්ෂව අත්අඩංගුවට නොගැනීම සම්බන්ධයෙන් ඔහුගේ විරෝධය එල්ල වී ඇති බවත් දැනගැනීමට තිබේ. රාජ්‍ය දේපළ අවභාවිතාව සම්බන්ධයෙන් බැසිල් රාජපක්ෂව අත්අඩංගුවට ගත හැකිනම් එම චෝදනාවම එල්ල වී ඇති ගෝඨාභය රාජපක්ෂව අත්අඩංගුවට නොගැනීම ගැටලූසහගත බව එජාප නායකත්වයේ මතය වී තිබේ.

ඩී.ඒ. රාජපක්ෂ පදනමේ කටයුතු සඳහා රාජ්‍ය දේපළ අවභාවිතා කිරීම සම්බන්ධයෙන් පොලිස් මූල්‍ය අපරාධ කොට්ඨාසය විසින් සිදු කරනු ලබන පරීක්ෂණවල දී ගෝඨාභය රාජපක්ෂ මහතා ඔහු සතුව තිබූ අමාත්‍යාංශ බලතල ඒ වෙනුවෙන් අවභාවිතා කර ඇති බව තහවුරු වී ඇත. ඒ අනුව, ඔහුව අත්අඩංගුවට ගත යුතු බව පොලීසියේ ස්ථාවරය වී ඇත.

මේ අතර නියමිත මිලට වඩා වැඩි මිලක් ගෙවමින් ශ‍්‍රී ලංකා ගුවන් හමුදාවට ගුණාත්මක භාවයෙන් අඩු මිග් යානා 4ක් යුකේ‍්‍රනයෙන් ලබා ගැනීම සම්බන්ධයෙන් බරපතළ චෝදනාවක් ගෝඨාභය රාජපක්ෂ මහතාට එරෙහිව එල්ල වී තිබේ. රුසියාවේ හිටපු තානාපති උදයංග වීරතුංග සහ ලංකා ලොජස්ටික් සමාගම එක් වී ව්‍යාජ විදේශීය සමාගමක් නිර්මාණය කර මෙම වංචාසහගත ගනුදෙනුව සිදු කර ඇත. මේ සම්බන්ධයෙන් කළ මූලික විමර්ශනවල දී මෙම ගනුදෙනුවට අදාළව ගුවන් හමුදාව සතුව තිබිය යුතු ලියැකියවිලි අතුරුදන්ව ඇති බව ද අනාවරණය වේ. එනමුත් විදේශ ඇමැති මංගල සමරවීර මහතා මේ වංචාසහගත ගනුදෙනුව සම්බන්ධයෙන් වන විමර්ශනය සඳහා පසුගිය දා යුකේ‍්‍රන රජයේ බලධරයින්ගේ සහාය ලබා ගැනීම සඳහා එම රජය හා එකඟතාවකට එළඹ තිබිණි. එම සංචාරය සඳහා මූල්‍ය අපරාධ කොට්ඨාසයේ ප‍්‍රධානී නියෝජ්‍ය පොලිස්පති රවී වෛද්‍යාලංකාර මහතා ද සහභාගී විය. එසේම සමරවීර මහතා සඳහන් කරන ආකාරයට මෙම චෝදනා ඔප්පු කර ගෝඨාභය රාජපක්ෂ මහතා වරදකරු වෙතොත් ඔහුගේ ප‍්‍රජා අයිතිය පවා අහෝසි කළ හැකි බව පවසයි.

එසේම, වසීම් තාජුඩීන්, ලසන්ත වික‍්‍රමතුංග ඝාතන සහ ප‍්‍රගීත් එක්නැළිගොඩ අතුරුදන් කිරීමේ සිද්ධිය සම්බන්ධයෙන් ද ගෝඨාභය රාජපක්ෂ මහතාට චෝදනා එල්ලවී තිබේ. ඒ අනුව, ඔහුව වහාම අත්අඩංගුවට ගතයුතු බව එක්සත් ජාතික පක්ෂයේ ස්ථාවරය වී තිබෙන අතර, ශ‍්‍රීලනිප උපදේශිකා හිටපු ජනාධිපතිනි චන්ද්‍රිකා බණ්ඩාරනායක කුමාරණතුංග මහත්මිය ද ඒ ස්ථාවරය දරයි.

කෙසේ වුව ද ජනාධිපති මෛත‍්‍රීපාල සිරිසේන මහතා ඉදිරි ජනාධිපතිවරණයට ඉදිරිපත් නොවන්නේ නම්, ඔහුගේ අනුප‍්‍රාප්තිකයා ලෙස ගෝඨාභය රාජපක්ෂ මහතා ඉදිරිපත් කිරීමට සූදානමින් සිටින ඇතැම් ශ‍්‍රීලනිප ඇමැතිවරු ගෝඨාභය රාජපක්ෂ මහතා අත්අඩංගුවට ගැනීමට විරෝධය පළකර ඇති අතර මෛතී‍්‍රපාල සිරිසේන මහතා රාජපක්ෂ පවුල හා විරසකයක් තිබුණ ද එවකට ද ගෝඨාභය රාජපක්ෂ ඔහුට හිතවත්ව සිටීම මත ඔහු කෙරෙහි සහනශීලී ප‍්‍රතිපත්තියක් අනුගමනය කරමින් සිටින බවට ද වාර්තා පළ විය. එමෙන්ම වර්තමානයේ දී ද ගෝඨාභය රාජපක්ෂ මහතා සිරිසේන ජනාධිපතිවරයාට පක්ෂපාත ස්ථාවරයක සිට කටයුතු කරනු පෙනේ.

- සුභාෂ් ජයවර්ධන
SathHandha

ගෝඨා ඇතුළට ගන්න! එජාපය බල කරයි - ශ‍්‍රීලනිපය බෑ කියයි.

Read More


යහපාලන ආණ්ඩුවේ ප්‍රධාන පාර්ශව දෙක අතර මේවනවිට සිතල යුද්දයක් ආරම්භ වී ඇති අතර, අගමැතිවරයාගේ රාජ්‍යතන්ත්‍රීක ක්‍රියාමාර්ගයන්ට ශ්‍රීලනිප පාර්ශවයෙන් තවදුරටත් බාධා කිරීම් සිදුවන්නේ නම්, මේ වසර අග වන විට විපක්ෂයේ අසුන් ගැනීම හෝ එජාපයේම ආණ්ඩුවක් ස්ථාපිත කිරීම යන දෙකෙන් එකක් තෝරාගන්න ලෙස එජාපයේ ප්‍රබලයින් පිරිසක් අගමැතිවරයාට බලපෑම් කරමින් සිටින බව එම පක්ෂයේ අභ්‍යන්තර ආරංචිමාර්ග වලින් වාර්තාවේ.

මහ බැංකුවේ හිටපු අධිපති අර්ජුන් මහේන්ද්‍රන් මහතා ඉවත් කල ආකාරයත්, ශ්‍රීලනිප ඇමතිවරුන් කැබිනට් මණ්ඩලයේදී 'වැට්' බද්දට එකඟවී අනතුරුව ඊට එරෙහිව මාධ්‍ය හරහා විරෝධය පළකිරීමත්, ආණ්ඩුවට සම්බන්ධ සමහර ශ්‍රීලනිප ඇමතිවරුන් රාජපක්ෂවරුන් ලෙසම බලය බෙදාහැරීමේ ක්‍රියාමාර්ගයට බාධා පැමිණවීමත් එජාපයේ බලවත් කනස්සල්ලට හේතුවී තිබේ.

ජනාධිපති බලය යොදා ගනිමින් සිදුකරන එවැනි අතපෙවීම් වලින් එජාපයට බලවත් අසාධාරණයක් වී ඇතිබව එජාපයේ ස්ථාවරය වී ඇත.

මෙවැනි තත්වයක් තුලදී පවා විධායක ජනාධිපති ක්‍රමය අහෝසි කිරීම, බලය බෙදා හැරීම හා මැතිවරණ ක්‍රමය සංශෝධනය කිරීම මුලික කරගත් නව ව්‍යවස්ථාවක් ස්ථාපිත කර ගැනීමට අගමැතිවරයා බලවත් උත්සාහයක නිරතව සිටින අතර ඊට ද ශ්‍රීලනිප පාර්ශවයෙන් අනිසි බලපෑම් එල්ලවීම සම්බන්ධයෙන් එජාප ඇමතිවරුන් පිරිසක් අගමැති රනිල් වික්‍රමසිංහ මහතා හමුවී පසුගිය දා විශේෂ සාකච්ජාවක් පවත්වා ඇත.

නන්නත්තාර වීමට :

නව ව්‍යවස්ථාවක් සඳහා ශ්‍රීලනිප පාර්ශවයෙන් නිසි සහයක් නොදෙන්නේ නම්, ඒකාබද්ධ විපක්ෂයේ මන්ත්‍රීවරුන් කිහිප දෙනෙකු එක්කර ගනිමින් එජාප ආණ්ඩුවක් ගොඩනැගීම සුදුසු බවට එහිදී ඇමතිවරුන් කිහිප දෙනෙකු යෝජනා කර ඇති අතර රාජපක්ෂවරුන් සමග ආණ්ඩු සැදීමට ගොස් දේශපාලනික නන්නත්තරවීමට වඩා විපක්ෂයේ අසුන් ගැනීම වඩා යෝග්‍ය බව තවත් සමහරකුගේ මතය වී තිබේ.

කෙසේවුවද හිටපු ජනාධිපති මහින්ද රාජපක්ෂ මහතා විසින් ඒකාබද්ධ විපක්ෂයේ මෙහෙයුම් කටයුතු තම සොයුරු බැසිල් රාජපක්ෂ මහතාට පැවරීමත් සමග කනස්සල්ලට පත්ව සිටින එම සංවිධානයේ මන්ත්‍රීවරුන් අට (08) දෙනෙකු තමන් සමග රහසිගත දේශපාලන සම්බන්ධතාවයක් පවත්වන බව මෙහිදී සඳහන් කර ඇති එජාපයේ ප්‍රබල ඇමතිවරයකු, ඔවුන් දුෂණ චෝදනා එල්ල නොවූවන් බවද අවධාරණය කර තිබේ.

දේශපාලනික වශයෙන් අපේක්ෂා භංගත්වයට පත්ව සිටින ආණ්ඩුවේ ශ්‍රීලනිප මැති ඇමතිවරුන් 18 දෙනෙකු පමණ තමන් සමග සමීපව කටයුතු කරන බව එජාප තවත් ප්‍රබල ඇමතිවරයකු ද මෙහිදී පවසා ඇත.

ඒ අනුව ශ්‍රීලනිපයේ දෙකඩවීම වාසියට යොදා ගනිමින් අවශ්‍ය ඕනෑම මොහොතකදී එජාපයේ තනි ආණ්ඩුවක් සැදීමට සුදානමින් සිටිය යුතු බවට මෙම හමුවේදී එකඟත්වයට පැමිණ තිබේ.

පාර්ලිමේන්තු සංයුතිය :

මේවනවිට එජාපයෙන් තරඟ කල මන්ත්‍රීවරුන් 106 දෙනෙකු පාර්ලිමේන්තුව නියෝජනය කරන අතර, නැගෙනහිර පළාතින් ශ්‍රී ලංකා මුස්ලිම් කොංග්‍රසය නියෝජනය කරමින් තරඟ කල අයකුද පාර්ලිමේන්තුව නියෝජනය කරයි.

ශ්‍රීලනිපයෙන් තරඟ කර පාර්ලිමේන්තුවට තේරී පත්වූ මන්ත්‍රීවරුන් ගෙන් 50කට ආසන්න පිරිසක් මහින්ද රාජපක්ෂ මහතාගේ ඒකාබද්ධ විපක්ෂය නියෝජනය කරයි.

2020 තෙක්‌ එකටයි !

කෙසේවුවද විධායක ජනාධිපති ක්‍රමය අහෝසි කෙරෙන ව්‍යවස්ථා සංශෝධනයකට තම උපරිම සහයදෙන බව ජනාධිපතිවරයා යලිත් වරක් අවධාරණය කළේය.

ඒ අතර පාර්ලිමේන්තු සංකීර්ණයේ කමිටු ශාලා අංක 08 හි පැවැති මාධ්‍ය හමුවකට එක්‌ වෙමින් එජාප මහලේකම් කබීර් හෂීම් සහ ශ්‍රීලනිප මහ ලේකම් දුමින්ද දිසානායක යන මහත්වරු පැවසුයේ, ''ශ්‍රී ලංකා නිදහස් පක්ෂය හා එක්සත් ජාතික පක්ෂය අතර සම්මුති ආණ්ඩු ගිවිසුම වසර පහක් දක්වා දීර්ඝ කරන බවයි.

පෑනකින් අත්සන් කළ ගිවිසුමට වඩා තම පක්‌ෂ දෙක අතර පවතින අනෝන්‍ය අවබෝධය ප්‍රබල බවත් ඒ විශ්වාසය මත ආණ්‌ඩුවේ ඉදිරි කාලය පුරාවටම එකට කටයුතු කරන බවත් ඔවුහු සඳහන් කළහ.

ජනතා ඡන්දයෙන් බලයට පත්වූ ආණ්‌ඩුවක්‌ එකී නියමිත කාලය ඉක්‌මවා යැමට පෙර පෙරළා දැමීමට ඇතමුන් කටයුතු කිරීම කනගාටුවට කරුණක්‌ බවත් පෙළපාලියකින් උද්ඝෝෂණයකින් වර්ජනයකින් ආණ්‌ඩුවක්‌ බිඳ දැමිය නොහැකි බවත් දුමින්ද දිසානායක මහතා පැවැසීය.

ජනාධිපතිවරයාත්, අගමැතිවරයාත් ශ්‍රීලනිපයත්, එජාපයත් අෙන්‍යාන්‍ය විශ්වාසය මත මේ ආණ්‌ඩුව ගොඩනැඟුවේ ජනතා අභිලාෂයන් මුදුන් පත් කිරීමට බවත් ඊට අකුල් නොහෙළන ලෙස තමන් ඉල්ලා සිටින බවත් මහ ලේකම්වරු දෙදෙනා සඳහන් කළහ.

තනිවම ආණ්ඩුවකට එජාපය ගණන් බලයි.

Read More

© 2014 - 2016 Info Sri Lanka News| - Everywhere for You |Info Sri Lanka News Network | An INSEL Holdings Group Company | Designed and Developed By INSEL
Scroll To Top